ആനയ്ക്ക് മൂട് ചൊറിഞ്ഞു; കാറിനുമീതെ ചൊറിച്ചില്‍ തീര്‍ത്തു!

ചിത്രങ്ങളിലൂടെ നീങ്ങുക.

ഒരു ഫോക്‌സ്‌വാഗണ്‍ പോളോ ഹാച്ച്ബാക്കിലാണ് യാത്രക്കാര്‍ ഉദ്യാനത്തിലേക്ക് കടന്നത്. പതുക്കെ നീങ്ങുകയായിരുന്ന കാറിനെ ആന തടഞ്ഞു നിറുത്തുകയായിരുന്നു.

മദമിളകിയ ആനയായിരിക്കുമെന്ന് ഭയന്നാണ് യാത്രക്കാര്‍ കാറിനകത്ത് കഴിച്ചുകൂട്ടി. രണ്ട് യാത്രക്കാരാണ് കാറിലുണ്ടായിരുന്നത്.

കാറിനെ കവച്ച് കാലുകള്‍ വെച്ച് തന്റെ മൂട്ടിലെ ചൊറിച്ചിലിന് ശമനം കണ്ടെത്താന്‍ ശ്രമിക്കുകയാണ് ആന ആദ്യം ചെയ്തത്. ആനയ്ക്ക് കാറിനു മുകളില്‍ ഇരിക്കാനുള്ള പ്ലാനുണ്ടോ എന്ന് യാത്രക്കാര്‍ ഭയപ്പെട്ടുവെങ്കിലും അത് സംഭവിച്ചില്ല.

കാറിന്റെ ഒരു വശത്തേക്ക് നീങ്ങി തന്റെ വയറിന്റെ ചൊറിച്ചില്‍ നീക്കുകയായിരുന്നു പീന്നീട് ആന ചെയ്തത്. ആനയുടെ ചൊറിച്ചില്‍ മാറിയപ്പോഴേക്കും കാര്‍ ഒരരുക്കായിരുന്നു. കാറിന്റെ ടയറുകള്‍ പങ്ചറായി. വിന്‍ഡോ ഗ്ലാസ്സുകള്‍ പൊട്ടി. റൂഫാകട്ടെ താഴേക്ക് അമുങ്ങുകയും ചെയ്തു. യാത്രക്കാര്‍ പരുക്കൊന്നുമില്ലാതെ രക്ഷപെട്ടു.