Click it and Unblock the Notifications
ഒന്നും രണ്ടുമല്ല, നിരവധിയുണ്ട്!; Maruti Suzuki-യില് നിന്നും വിപണിയില് എത്താനൊരുങ്ങുന്ന മോഡലുകള്
ബലേനോ, വാഗണ്ആര്, ഡിസയര് സിഎന്ജി തുടങ്ങിയ പുതിയ മോഡല് ലോഞ്ചുകളുമായി മാരുതി സുസുക്കി ഇതിനകം തന്നെ 2022 തിരക്കിലായിരിക്കുമ്പോള്, ബ്രാന്ഡ് വരും മാസങ്ങളില് മറ്റ് പുതിയ മോഡകളും അവതരിപ്പിക്കാനൊരുങ്ങുകയാണ്.
2022 മാരുതിയെ സംബന്ധിച്ചിടത്തോളം വിപണിയില് എത്താനിരിക്കുന്നത് നീണ്ട നിര തന്നെയാണ്. മൂന്ന് വാഹനങ്ങളിലെ പ്രധാന മാറ്റങ്ങളും കുറച്ച് എഞ്ചിന് അപ്ഡേറ്റുകളും ഇതില് ഉള്പ്പെടുന്നു. 2022 പകുതിയോടെ ബ്രാന്ഡില് നിന്നും വിപണിയില് എത്തുമെന്ന് പ്രതീക്ഷിക്കുന്ന മോഡലുകള് എതൊക്കെയെന്ന് നോക്കാം.
മാരുതി സുസുക്കി എര്ട്ടിഗ ഫെയ്സ്ലിഫ്റ്റ്
വരാനിരിക്കുന്ന ലോഞ്ചുകളുടെ അടുത്ത കൂട്ടത്തില്, ജനപ്രിയ എര്ട്ടിഗ ഒരു മിഡ്-സൈക്കിള് അപ്ഡേറ്റ് കാണും. അപ്ഡേറ്റ് ചെയ്ത എര്ട്ടിഗ ഇതിനകം തന്നെ നിരത്തുകളില് പരീക്ഷണയോട്ടം ആരംഭിക്കുകയും ചെയ്തിട്ടുണ്ട്.
ചെറിയ കോസ്മെറ്റിക് നവീകരണം നല്കും എന്നതൊഴിച്ചാല് വലിയ അപ്ഡേറ്റുകള് ഒന്നും തന്നെ ഉണ്ടാകില്ലെന്ന് വേണം പറയാന്. എര്ട്ടിഗയുടെ 105 bhp കരുത്ത് നല്കുന്ന 1.5 ലിറ്റര് പെട്രോള് എഞ്ചിന് തന്നെ തുടരും, എന്നാല് 4-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ഗിയര്ബോക്സിന് പകരം പുതിയ 6-സ്പീഡ് യൂണിറ്റ് വരുമെന്നാണ് സൂചന.
മെക്കാനിക്കല് അപ്ഡേറ്റുകള് മാറ്റിനിര്ത്തിയാല്, എര്ട്ടിഗ ഫെയ്സ്ലിഫ്റ്റ് ഗ്രില്ലിനായി ഒരു പുതിയ ഡിസൈന് അവതരിപ്പിക്കുമെന്ന് പ്രതീക്ഷിക്കുന്നു, ഒപ്പം പുതിയ നിറങ്ങളും ഇന്റീരിയറിനായി അപ്ഹോള്സ്റ്ററിയും, പുതിയ 9.0 ഇഞ്ച് ഇന്ഫോടെയ്ന്മെന്റ് സ്ക്രീനും വാഹനത്തില് കമ്പനി ഉള്പ്പെടുത്തിയേക്കും.
മാരുതി സുസുക്കി XL6 ഫെയ്സ്ലിഫ്റ്റ്
എര്ട്ടിഗയ്ക്കൊപ്പം, XL6-നും മിഡ്-സൈക്കിള് അപ്ഡേറ്റ് ലഭിക്കുമെന്ന് കമ്പനി അറിയിച്ചു. എംപിവിക്ക് ഇപ്പോള് കിയ കാരെന്സില് നിന്നുള്ള മത്സരം ശക്തമായിട്ടുണ്ട്. മാരുതി സുസുക്കി XL6-ല് കൂടുതല് സവിശേഷതകളും വലിയ അലോയ് വീലുകളും ചേര്ക്കുമെന്ന് പ്രതീക്ഷിക്കുന്നു.
ഫെയ്സ്ലിഫ്റ്റ് ചെയ്ത XL6, പുതിയ ഗ്രില്ലും പുനര്നിര്മ്മിച്ച ബമ്പറുകളും ഉള്ള നേരിയ പരിഷ്ക്കരിച്ച മുന്ഭാഗവുമായി വരാന് സാധ്യതയുണ്ട്. അപ്ഡേറ്റ് ചെയ്ത XL6-ന് 6-ഉം 7-ഉം സീറ്റര് കോണ്ഫിഗറേഷനുകള് ലഭിക്കുമെന്നും സ്രോതസ്സുകള് വ്യക്തമാക്കുന്നു.
മാരുതി സുസുക്കി വിറ്റാര ബ്രെസ പുതുതലമുറ
വിറ്റാര ബ്രെസ ഒരു പൂര്ണ്ണ മോഡല് മാറ്റത്തിന് വിധേയമാണ്, ഈ വര്ഷം ജൂണോടെ ഇത് അരങ്ങേറുമെന്നാണ് പ്രതീക്ഷിക്കുന്നത്. വലിയ ഷീറ്റ് മെറ്റല് മാറ്റങ്ങള് ഉണ്ടാകുമെങ്കിലും, അതേ ഗ്ലോബല് സി പ്ലാറ്റ്ഫോമിന് അടിവരയിടുന്നത് തുടരും.
അപ്ഡേറ്റ് ചെയ്ത വിറ്റാര ബ്രെസയുടെ സ്പൈ ഇമേജുകള്, ക്യാബിനിനുള്ളിലെ പ്രധാന അപ്ഡേറ്റുകള്ക്കൊപ്പം പൂര്ണ്ണമായി മാറ്റിമറിച്ച ഫ്രണ്ട്, റിയര് ഫാസിയ വെളിപ്പെടുത്തുന്നു. നിലവിലെ മോഡലിനേക്കാള് കൂടുതല് ഫീച്ചറുകള് ഇതിന് ഉണ്ടാകുമെന്നും റിപ്പോര്ട്ടില് പറയുന്നു.
അവയില് ചിലത് പുതിയ ബലേനോയുമായി പങ്കിടും. അപ്ഡേറ്റ് ചെയ്ത മോഡലിന് മിക്കവാറും ഒരു 'വിറ്റാര' പ്രിഫിക്സും ലഭിക്കും. പുതിയ ബ്രെസയ്ക്ക് 1.5 ലിറ്റര് പെട്രോള് എഞ്ചിന് കരുത്ത് പകരും, കൂടാതെ 6-സ്പീഡ് ഓട്ടോമാറ്റിക്, 5-സ്പീഡ് മാനുവല് ഗിയര്ബോക്സും ലഭിക്കും.
മാരുതി സുസുക്കി ബലേനോ സിഎന്ജി
മാരുതി സുസുക്കി അതിന്റെ നെക്സ ശ്രേണിയിലുള്ള കാറുകളില് ഫാക്ടറിയില് ഘടിപ്പിച്ച സിഎന്ജി കിറ്റുകള് അവതരിപ്പിക്കാന് ഒരുങ്ങുകയാണ്. അതില് ആദ്യത്തേത് പുതിയ ബലേനോ ആയിരിക്കും.
സമാരംഭിക്കുമ്പോള്, 1.2 ലിറ്റര് K12N എഞ്ചിന് സിഎന്ജി ട്രീറ്റ്മെന്റിന്റെ ആദ്യ ഉദാഹരണമായിരിക്കും ബലെനോ സിഎന്ജി. മറ്റ് സിഎന്ജി മോഡലുകളെപ്പോലെ തന്നെ എഞ്ചിന് ഔട്ട്പുട്ടില് കുറവുണ്ടാകും, എന്നിരുന്നാലും കൃത്യമായ സംഖ്യകള് ലോഞ്ച് സമയത്ത് മാത്രമാകും കമ്പനി വെളിപ്പെടുത്തുക.
മാരുതി സുസുക്കി എസ്-പ്രസോ ഡ്യുവല് ജെറ്റ്
മാരുതിയുടെ ഒട്ടുമിക്ക ലൈനപ്പുകളും പോലെ, എസ്-പ്രസോയും, സെലേറിയോ, ബലേനോ, വാഗണ്ആര് തുടങ്ങിയ മറ്റ് മോഡലുകളില് കാണുന്ന ഡ്യുവല്ജെറ്റ് എഞ്ചിനിനൊപ്പം അപ്ഡേറ്റ് ചെയ്യാനുള്ള ഒരുക്കത്തിലാണ്.
മൈക്രോ-എസ്യുവി / ഹാച്ച്ബാക്ക് നിലവില് ഒരു 68 bhp കരുത്ത് ഉത്പാദിപ്പിക്കുന്ന 1.0 ലിറ്റര് K10B പെട്രോള് എഞ്ചിന് ഉപയോഗിച്ചാണ് വില്പ്പനയ്ക്ക് എത്തുന്നത്. ഈ എഞ്ചിന് പകരം പുതിയ 67 bhp 1.0 ലിറ്റര് K10C ഡ്യുവല്ജെറ്റ് എഞ്ചിന് പുതിയ സെലേറിയോയില് ലഭ്യമാക്കും.
രാജ്യത്തെ ഏറ്റവും ഇന്ധനക്ഷമതയുള്ള പെട്രോള് കാര് എന്ന വിശേഷണമാണ് സെലേറിയോയ്ക്ക് ഈ മോട്ടോര് നല്കിയത്. എസ്-പ്രസോ ചെറുതും ഭാരം കുറഞ്ഞതുമാണെന്ന വസ്തുത കണക്കിലെടുക്കുമ്പോള്, സെലേറിയോയുടെ ഇന്ധനക്ഷമതയെ കൂടുതല് മെച്ചപ്പെടുത്താന് ഇതിന് കഴിയും. എന്നിരുന്നാലും, പുതിയ എസ്-പ്രസോയിലേക്ക് മറ്റ് കോസ്മെറ്റിക് അപ്ഡേറ്റുകളോ ഫീച്ചറുകളുടെ കൂട്ടിച്ചേര്ക്കലോ പ്രതീക്ഷിക്കുന്നില്ല.
മാരുതി സുസുക്കി ഇഗ്നിസ് ഡ്യുവല് ജെറ്റ്
നിലവില് മാരുതിയുടെ 83 bhp 1.2 ലിറ്റര് K12M എഞ്ചിനാണ് ഇഗ്നിസിന് കരുത്തേകുന്നത്. റേഞ്ചിലെ ബാക്കിയുള്ളവയെപ്പോലെ, ഇത് കൂടുതല് ശക്തമായ, 90 bhp, 1.2-ലിറ്റര് K12N പവര്പ്ലാന്റ് ഉപയോഗിച്ച് മാറ്റിസ്ഥാപിക്കാം.
ഇഗ്നിസില് പുറത്തിറങ്ങി കഴിഞ്ഞാല്, 1.2 ലിറ്റര് എഞ്ചിനുള്ള മാരുതിയുടെ എല്ലാ മോഡലുകളും ഡ്യുവല് ജെറ്റ് സാങ്കേതികവിദ്യ ഉപയോഗിച്ച് അപ്ഡേറ്റ് ചെയ്യപ്പെടും. അപ്ഡേറ്റ് ചെയ്ത ഇഗ്നിസ് നിലവിലെ മോഡലിനേക്കാള് കൂടുതല് ഇന്ധനക്ഷമതയുള്ളതായിരിക്കും.
എന്നിരുന്നാലും വാഹനത്തിന് കോസ്മെറ്റ് മാറ്റങ്ങളോ, ഫീച്ചര് നവീകരണമോ ഞങ്ങള് പ്രതീക്ഷിക്കുന്നില്ല. ബിഎസ് VI അപ്ഡേറ്റിനൊപ്പം 2020-ലാണ് ഇഗ്നിസ് അവസാനമായി മുഖം മിനുക്കിയത്.
വരാനിരിക്കുന്ന മറ്റ് മാരുതി ലോഞ്ചുകള്
മുകളില് പറഞ്ഞ മോഡലുകള് കൂടാതെ, മാരുതി സുസുക്കി ഇന്ത്യയ്ക്കായി കുറച്ച് ലോഞ്ചുകള് കൂടി അണിനിരത്തുന്നുണ്ട്. ടൊയോട്ടയുമായി സഹകരിച്ച് വികസിപ്പിച്ചുകൊണ്ടിരിക്കുന്ന പുതിയ ക്രെറ്റ എതിരാളികളായ മിഡ്സൈസ്-എസ്യുവിയായിരിക്കും ഇവയില് ഏറ്റവും പ്രധാനപ്പെട്ടത്.
ഈ വാഹനം നിരത്തുകളില് പരീക്ഷണയോട്ടം ആരംഭിക്കുകയും ചെയ്തിട്ടുണ്ട്. ഈ പുതിയ വാഹനം ഈ വര്ഷം ഉത്സവ സീസണില് വില്പ്പനയ്ക്കെത്തുമെന്നാണ് പ്രതീക്ഷിക്കുന്നത്. ഈ വര്ഷാവസാനത്തോടെ വില്പ്പനയ്ക്കെത്തുമെന്ന് പ്രതീക്ഷിക്കുന്ന ആള്ട്ടോയുടെ പുതിയ തലമുറയും മാരുതി സുസുക്കി തയ്യാറെടുക്കുന്നു.
ഡിസയര് സിഎന്ജിയെ പിന്തുടര്ന്ന്, ഫാക്ടറിയില് ഘടിപ്പിച്ച സിഎന്ജി കിറ്റിനൊപ്പം സ്വിഫ്റ്റും ഉടന് അപ്ഡേറ്റ് ചെയ്യാന് സാധ്യതയുണ്ട്. അവസാനമായി, അടുത്ത വര്ഷം എപ്പോഴെങ്കിലും ജിംനിയും മാരുതി സുസുക്കി ഷോറൂമുകളില് എത്തുമെന്ന് പ്രതീക്ഷിക്കുന്നു.
Continue with Google