3ലക്ഷത്തിന് കിടന്നുറങ്ങി നാട്ടിലേക്ക് പറക്കാൻ ഇത്തിഹാദ്

ഇത്തിഹാദിലെ ഫസ്റ്റ് ക്ലാസ് സ്യൂട്ടിനേക്കാളും അത്യാഡംബരപൂർവമായ സ്യൂട്ടാണ് റെസിഡൻസ് എന്ന പേരിൽ ഒരുക്കിയിട്ടുള്ളത്.

മുംബൈയിൽ നിന്ന് അബുദാബിയിലേക്കുള്ള ഈ പ്രതിദിന സർവീസിന് 3.31 ലക്ഷം രൂപയോളം വരും. മുംബൈയിൽ നിന്ന് 200മിനിട്ട് യാത്രയാണ് അബുദാബിയിലേക്കുള്ളത്.

എന്നാലെന്താ വീട്ടിലെ സുഖസൗകര്യങ്ങൾ അനുഭവിച്ച് കൊണ്ട് മുംബൈയിൽ നിന്ന് അബുദാബിയിലേക്കൊരു യാത്രയുമാകാമല്ലോ.

രണ്ടു പേർക്ക് സുഖകരമായി യാത്ര ചെയ്യാനുള്ള സൗകര്യമാണ് ദി റസിഡൻസിൽ ഒരുക്കിയിരിക്കുന്നത്.

രണ്ടു പേർക്കുള്ള കിടപ്പുമുറി, സ്വീകരണ മുറി, ബാത്ത്റൂം എന്നീ സൗകര്യങ്ങളാണ് സ്യൂട്ടിൽ ഏർപ്പെടുത്തിയിട്ടുള്ളത്.

ഇന്ത്യക്കാരായ 22 ക്യാബിൻ ക്രൂ മെമ്പർമാരും രണ്ട് പൈലറ്റുമാണ് വിമാനത്തിലെ ജീവനക്കാർ.

70 ബിസിനസ് സ്റ്റുഡിയോ, 415 ഇക്കോണമി സ്മാർട് സീറ്റുകൾ,ഒൻപത് ഫസ്റ്റ് അപ്പാർട്മെന്റുകൾ എന്നിവയടക്കം അഞൂറോളം യാത്രക്കാർക്ക് സഞ്ചരിക്കാവുന്ന വിമാനമാണിത്.

യുഎഇയിലെ രണ്ടാമത്തെ വലിയ വിമാനക്കമ്പനിയായ ഇത്തിഹാദിന്റെ ഏറ്റവും ഉയർന്ന ടിക്കറ്റ് നിരക്കുള്ള വിമാനമാണ് എ380.

ഉടൻ തന്നെ മുംബൈയിൽ നിന്ന് ന്യൂയേർക്കിലേക്കും ലണ്ടനിലേക്കുമുള്ള സർവീസ് ആരംഭിക്കുന്നതാണ്.

മുംബൈയിൽ നിന്ന് ന്യൂയോർക്കിലേക്ക് 25 ലക്ഷവും ലണ്ടനിലേക്ക് 17 ലക്ഷവുമായിരിക്കും യാത്രാനിരക്ക്.

ഇത്തരത്തിലാണോ ഭാവിയിലെ വിമാനയാത്ര പുത്തൻ സാങ്കേതികതയ്ക്ക് തുടക്കം

നയനാഭിരാമമായ ലാന്റിംഗ് കാഴ്ചകൾ സമ്മാനിക്കുന്ന 10 എയർപോർടുകൾ