രുചിയുടെ രാജാവായ ഷെഫിൻ്റെ യാത്ര ഇനി ബിഎംഡബ്ല്യുവിൻ്റെ കരുത്തിൽ; ഡെലിവറി വീഡിയോ വൈറൽ

ഏതൊരാളുടേയും മനസ് കവരാനുള്ള എളുപ്പവഴി എന്ന് പറയുന്നത് രുചികരമായ ഭക്ഷണം നൽകുക എന്ന ഒരു കാര്യം നിങ്ങൾ എല്ലാവരും കേട്ടിടുണ്ടാകുമല്ലോ. അതിൽ പ്രഗൽഭരായ ഷെഫുമാർ നമ്മൾക്ക് ഏറെ പ്രിയപ്പെട്ടവരാണ്. അത്തരത്തിൽ രൂചിക്കൂട്ടുകളുടേയും റസ്റ്റോറിൻ്റേയും ഉടമയുമായ ഷെഫ് ഷമീമിനെ അറിയാത്തവരായി കേരളത്തിൽ ആരും തന്നെ കാണില്ല. യൂട്യൂബിൽ അദ്ദേഹം പങ്കുവയ്ക്കുന്ന രുചിക്കൂട്ടുകളുടെ വീഡിയോകൾ നിരവധി പേരാണ് കാണുന്നത്. ഇപ്പോഴിതാ അദ്ദേഹം തൻ്റെ ഗാരേജിലേക്ക് പുതിയ അതിഥിയെ എത്തിച്ചിരിക്കുകയാണ്. അത് മറ്റാരുമല്ല ജർമൻ കരുത്തനായ ബിഎംഡബ്ല്യു ix1 ആണ്. അതിൻ്റെ ഡെലിവറി വീഡിയോ ബിഎംഡബ്ല്യു ഡീലർഷിപ്പാണ് സോഷ്യൽ മീഡിയയിൽ പങ്കു വച്ചിരിക്കുന്നത്.

ഇതിന് ഏകദേശം 1.47 കോടി രൂപയോളമാണ് ഓൺ-റോഡ് വില. ഇതിൽ ഇൻഷുറൻസിനായി മാത്രം ഏകദേശം 7.18 ലക്ഷം രൂപ വരെ വരുമെന്നാണ് കണക്കുകൾ. ജർമ്മൻ കാർ ബ്രാൻഡിൽ നിന്നുള്ള ഏറ്റവും ജനപ്രിയമായ ഇലക്ട്രിക് കാറുകളിലൊന്നാണ് ബിഎംഡബ്ല്യു iX എന്നതിനാൽ തന്നെ ഇത് ആധുനിക കാലത്തെ സാങ്കേതികവിദ്യ, കണക്റ്റിവിറ്റി, യാത്രക്കാർക്കായുള്ള സൗകര്യങ്ങൾ എന്നിവയാൽ സമ്പന്നമാണ്.

പനോരമിക് ഗ്ലാസ് റൂഫ്, ഡ്രൈവിംഗ് അസിസ്റ്റൻ്റ് പ്രൊഫഷണൽ (ADAS), പാർക്കിംഗ് പ്ലസ് അസിസ്റ്റൻ്റ്, ബിഎംഡബ്ല്യു ഓപ്പറേറ്റിംഗ് സിസ്റ്റം 8.5, പേഴ്‌സണൽ അസിസ്റ്റന്റ് പോലുള്ള ഫീച്ചറുകളും വാഹനത്തിലെ യാത്രകൾ ആഡംബര പൂർണമാക്കാനായി നൽകിയിട്ടുണ്ട്. ഇതുകൂടാതെ 12.3 ഇഞ്ച് ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, 14.9 ഇഞ്ച് ഡിജിറ്റൽ ഇൻഫോടെയ്ൻമെൻ്റ് ഡിസ്‌പ്ലേ, ഹെക്‌സാഗണൽ സ്റ്റിയറിംഗ് വീൽ, ഫ്രെയിംലെസ്സ് ഡോറുകൾ, അപ്ഹോൾസ്റ്ററിക്കുള്ള ഉയർന്ന നിലവാരമുള്ള മെറ്റീരിയലുകൾ എന്നിവയും അതിലേറെയും പോലുള്ള ഫീച്ചറുകളാണ് ബിഎംഡബ്ല്യു iX ഇലക്ട്രിക് എസ്‌യുവിയിൽ ഒരുക്കിയിട്ടുള്ളത്.

യാത്രക്കാർക്ക് ആഡംബരത്തിൻ്റെ പരകോടിയാണ് വാഹനം സമ്മാനിക്കുന്നതെന്ന് ഇതിലൂടെ വ്യക്തമാണ്. 111.5 kWh ബാറ്ററി പായ്ക്കാണ് ബിഎംഡബ്ല്യു ഇലക്ട്രിക് കാറിന്റെ ഹൃദയം. ഇലക്ട്രിക് മോട്ടോറുകളുമായി ജോടിയാക്കിയ ഇതിന് 523 bhp പവറിൽ പരമാവധി 765 Nm torque വരെ ഉത്പാദിപ്പിക്കാനാവും. 4-വീൽ ഡ്രൈവ് ഓപ്ഷനുമായാണ് ഇവിയുടെ വരവ്. ഒറ്റത്തവണ ചാർജ് ചെയ്‌താൽ 575 കിലോമീറ്റർ മുതൽ 635 കിലോമീറ്റർ വരെ റേഞ്ച് നൽകാനും മോഡലിനാവുമെന്നാണ് കമ്പനി പറയുന്നത്.

പെർഫോമൻസിലേക്ക് നോക്കിയാൽ വെറും 4.6 സെക്കൻഡിനുള്ളിൽ 0 മുതൽ 100 ​​കിലോമീറ്റർ വരെ വേഗത കൈവരിക്കാനും ബിഎംഡബ്ല്യു iX ഇവിക്കാവും. അതേസമയം ഉയർന്ന വേഗത മണിക്കൂറിൽ 200 കി.മീ. ആയി നിജപ്പെടുത്തിയിട്ടുമുണ്ട്. ഫാസ്റ്റ് ചാർജർ ഉപയോഗിച്ചാൽ 10 മിനിറ്റിനുള്ളിലെ ചാർജിൽ 145 കിലോമീറ്റർ റേഞ്ച് വരെ നൽകാൻ വാഹനത്തിനാവും. കൂടാതെ, 10-80 ശതമാനം ചാർജിംഗ് വെറും 35 മിനിറ്റിനുള്ളിൽ പൂർത്തിയാക്കാനാകും

ദില്ലിയിൽ നടന്ന ഭാരത് മൊബിലിറ്റി ഓട്ടോ എക്സ്പോ 2025 -ലും ബിഎംഡബ്ല്യു വലിയ രീതിയിൽ ജനശ്രദ്ധ ആകർഷിച്ചിരുന്നു. ബിഎംഡബ്ല്യു ആദ്യമായി iX1 ലോംഗ് വീൽബേസ് ഓൾ ഇലക്ട്രിക് പുറത്തിറക്കി ഇന്ത്യൻ പ്രീമിയം ഓട്ടോമോട്ടീവ് വിഭാഗത്തിൽ ഒരു വിപ്ലവത്തിന് തുടക്കമിട്ടിരിക്കുന്നുവെന്നും, ഇത് വലുതാണ്, ഇതൊരു എസ്‌യുവിയാണ്, ഇതൊരു ഇവിയാണ്, അതൊരു ബിഎംഡബ്ല്യുവുമാണ്! iX1 ലോംഗ് വീൽബേസ് എല്ലാ ദിവസവും നിങ്ങളുടെ വഴിയിൽ ആധിപത്യം സ്ഥാപിക്കാൻ ഇവിടെയുണ്ട്.

ബിഎംഡബ്ല്യു എക്സ്1 ലോംഗ് വീൽബേസ് ഓൾ ഇലക്ട്രിക് ഒരു മികച്ചതും ആധുനികവുമായ ഡിസൈൻ തന്നെയാണ് പ്രദർശിപ്പിക്കുന്നത്, അതിന്റെ വർധിപ്പിച്ച അളവുകൾ അതിന് ഒരു കമാൻഡിംഗ് സാന്നിധ്യം നൽകുന്നുണ്ട്. 4,616 മില്ലീമീറ്റർ നീളവും 2,800 മില്ലീമീറ്റർ വീൽബേസും ഉള്ള വാഹനം, അതിന്റെ സെഗ്‌മെന്റിലെ ഏറ്റവും വലിയ ഇന്റീരിയർ നൽകുന്ന മോഡലായി മാറിയിരിക്കുകയാണ്.

മികച്ച സുഖസൗകര്യങ്ങളും വൈവിധ്യവും ഉറപ്പാക്കുന്നുണ്ട്. സിഗ്നേച്ചർ ബിഎംഡബ്ല്യു കിഡ്‌നി ഗ്രിൽ, അഡാപ്റ്റീവ് എൽഇഡി ഹെഡ്‌ലൈറ്റുകൾ പോലുള്ള അതിന്റെ ഡിസൈൻ സവിശേഷതകൾ അതിന്റെ എസ്‌യുവി സ്വഭാവത്തെ ഊന്നിപ്പറയാൻ കാരണമാണ്, അതേസമയം ഇന്റീരിയർ പ്രീമിയം അങ്ങേയറ്റം മികച്ചതും ആഡംബരപൂർണവുമാണ് എന്ന് സമ്മതിക്കാതിരിക്കാൻ സാധിക്കില്ല.

വിശാലമായ ക്യാബിനിൽ വൈഡ്‌സ്‌ക്രീൻ കർവ്ഡ് ഡിസ്‌പ്ലേയും ആഡംബര ഫീച്ചറുകളും ഉൾപ്പെടെയുള്ള നൂതന സാങ്കേതികവിദ്യ നൽകിയിരിക്കുന്നു, ഇത് ആകർഷകമായ അന്തരീക്ഷം വാഹനത്തിൻ്റെ ഉളളിൽ സൃഷ്ടിക്കുന്നു. സ്‌പോർട് സീറ്റുകൾ ഒപ്റ്റിമൽ സുഖവും നല്ല പിന്തുണയും നൽകുന്നു, കൂടാതെ പനോരമിക് സൺറൂഫ് നിങ്ങളുടെ കാഴ്ച്ചയെ മറ്റൊരു തലത്തിലേക്ക് എത്തിക്കാൻ സഹായിക്കുന്നുണ്ട്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.