ആദ്യമായി കാർ വാങ്ങാൻ ഒരുങ്ങുകയാണോ? ഇന്ത്യൻ വിപണിയിൽ വരാനിരിക്കുന്ന മികച്ച മൂന്ന് എൻട്രി ലെവൽ കാറുകൾ

മറുവശത്ത്, ആളുകൾ ഇപ്പോൾ പൊതു യാത്രമാർഗങ്ങളേക്കാൾ വ്യക്തിഗത മൊബിലിറ്റി തെരഞ്ഞെടുക്കുന്നു. ഈ ലേഖനത്തിൽ, ഇന്ത്യൻ വിപണിയിൽ ആദ്യമായി കാർ വാങ്ങുന്നവർക്കായി വരാനിരിക്കുന്ന മികച്ച മൂന്ന് പുതിയ എൻ‌ട്രി ലെവൽ കാറുകളെക്കുറിച്ചാണ് ഞങ്ങൾ സംസാരിക്കുന്നത്:

ടാറ്റ HBX

ടാറ്റ മോട്ടോർസ് HBX കൺസെപ്റ്റിനെ അടിസ്ഥാനമാക്കി ഏറ്റവും ചെറിയ എസ്‌യുവി 2021 ദീപാവലിക്ക് മുമ്പ് പുറത്തിറക്കും. ടാറ്റാ ടൈമറോ എന്ന് വിളിക്കപ്പെടുന്ന പുതിയ മോഡലിന് 5.9 ലക്ഷം മുതൽ 8.0 ലക്ഷം രൂപ വരെ വിലവരും.

ടാറ്റ HBX അധിഷ്ഠിത എസ്‌യുവി ഇന്ത്യൻ വിപണിയിൽ വിൽപ്പനയ്‌ക്കെത്തുന്ന ഹാച്ച്ബാക്കുകൾക്ക് താങ്ങാനാവുന്ന ബദലാണെന്ന് നിർമ്മാതാക്കൾ അവകാശപ്പെടുന്നു. പുതിയ മോഡലിന് 3.8 മീറ്ററോളം നീളമുണ്ട്, കൂടാതെ നാല് മുതിർന്നവർക്ക് സീറ്റിംഗും നൽകും. 1.2 ലിറ്റർ മൂന്ന് സിലിണ്ടർ പെട്രോൾ എഞ്ചിനാവും വാഹനത്തിന്റെ ഹൃദയം.

ഇത് 86 bhp കരുത്തും 110 Nm torque ഉം ഉത്പാദിപ്പിക്കുന്നു. ട്രാൻസ്മിഷൻ ഓപ്ഷനുകളിൽ അഞ്ച് സ്പീഡ് മാനുവൽ, അഞ്ച് സ്പീഡ് AMT എന്നിവ ഉൾപ്പെടും. മാരുതി ഇഗ്നിസ്, മഹീന്ദ്ര KUV 100 NXT എന്നിവയാണ് ഇതിന്റെ പ്രധാന എതിരാളികൾ.

പുതിയ മാരുതി സെലറിയോ

2021 -ന്റെ മൂന്നാം പാദത്തിൽ മാരുതി സുസുക്കി രണ്ടാം തലമുറ സെലേരിയോ ഹാച്ച്ബാക്ക് പുറത്തിറക്കും. പുതിയ മോഡൽ HEARTECT പ്ലാറ്റ്ഫോമിനെ അടിസ്ഥാനമാക്കിയുള്ളതായിരിക്കും, ഇത് എസ്-പ്രസ്സോ, വാഗൺ ആർ എന്നിവയ്ക്കും അടിവരയിടുന്നു.

പുതിയ മോഡൽ വലുപ്പത്തിൽ ഗണ്യമായി വളരും കൂടാതെ അഞ്ച് മുതിർന്നവർക്ക് മതിയായ സീറ്റ് വാഗ്ദാനം ചെയ്യും. ഹാച്ച്ബാക്കിന് 4.5 ലക്ഷം മുതൽ 7.0 ലക്ഷം രൂപ വരെ വിലമതിക്കും. ഇത് ഹ്യുണ്ടായി സാന്റ്രോയ്ക്കും ടാറ്റ ടിയാഗോയ്ക്കും നേരിട്ടുള്ള എതിരാളിയാകും.

82 bhp 1.2 ലിറ്റർ പെട്രോൾ, 67 bhp 1.0 ലിറ്റർ പെട്രോൾ എന്നിങ്ങനെ രണ്ട് എഞ്ചിൻ ഓപ്ഷനുകളാണ് വാഹനം വാഗ്ദാനം ചെയ്യുന്നത്. ട്രാൻസ്മിഷൻ ചോയിസുകളിൽ അഞ്ച് സ്പീഡ് മാനുവലും അഞ്ച് സ്പീഡ് ഓട്ടോമാറ്റിക്കും ഉൾപ്പെടും.

ഹ്യുണ്ടായി AX1

കൊറിയൻ വാഹന നിർമാതാക്കളായ ഹ്യുണ്ടായി AX1 എന്ന രഹസ്യനാമമുള്ള പുതിയ മോഡലുമായി ചെറു എസ്‌യുവി വിഭാഗത്തിലേക്ക് പ്രവേശിക്കും. ഈ മോഡൽ ഇതിനകം ദക്ഷിണ കൊറിയയിലും യൂറോപ്പിലും പരീക്ഷണയോട്ടം നടത്തുന്നതായി കണ്ടെത്തിയിട്ടുണ്ട്.

മാരുതി സുസുക്കി ഇഗ്നിസ്, ടാറ്റ HBX, മഹീന്ദ്ര KUV 100 NXT എന്നിവയ്‌ക്കെതിരെയാണ് പുതിയ ഹ്യുണ്ടായി AX1 മൈക്രോ എസ്‌യുവി സ്ഥാപിക്കുക. 4.5 ലക്ഷം മുതൽ 7.0 ലക്ഷം രൂപ വരെയാവും ഇതിന്റെ വില.

1.2 ലിറ്റർ പെട്രോൾ എഞ്ചിനാണ് പുതിയ മോഡലിന്റെ ഹൃദയം, അത് ഹ്യുണ്ടായി ഗ്രാൻഡ് i10 നിയോസിനെയും ശക്തിപ്പെടുത്തുന്നു. ഈ എഞ്ചിൻ 82 bhp കരുത്തും 113 Nm torque ഉം ഉത്പാദിപ്പിക്കുന്നു. ട്രാൻസ്മിഷൻ ഓപ്ഷനുകളിൽ അഞ്ച് സ്പീഡ് മാനുവൽ, AMT എന്നിവ ഉൾപ്പെടും.