യൂസ്ഡ് കാര്‍ വിപണിയില്‍ നിന്നും തിരഞ്ഞെടുക്കാവുന്ന മികച്ച ഇലക്ട്രിക് കാറുകള്‍ ഇതൊക്കെ

എന്നാല്‍ ഒരു ഇലക്ട്രിക് വാഹനം വാങ്ങാനും, അത് എക്‌സ്പീരിയന്‍സ് ചെയ്യാനും ആഗ്രഹിക്കുന്നവര്‍ ചുരുക്കമാണ്. യഥാര്‍ത്ഥത്തില്‍ ഒരെണ്ണം വാങ്ങണോ വേണ്ടയോ എന്ന് തീര്‍ച്ചയില്ലാത്തവരും നമ്മുടെ ഇടയില്‍ ഉണ്ടാകാം.

അങ്ങനെയെങ്കില്‍, അത്തക്കാര്‍ക്കായി യൂസ്ഡ് ഇവി മാര്‍ക്കറ്റും ഇപ്പോള്‍ സജീവമായി കഴിഞ്ഞുവെന്ന് വേണം പറയാന്‍. വാങ്ങുന്നത് വളരെയധികം അര്‍ത്ഥവത്താണ്, കാരണം ഇവികള്‍ക്ക് ഗണ്യമായി ഉയര്‍ന്ന മൂല്യത്തകര്‍ച്ചയുണ്ട്, അതായത് പുനര്‍വില്‍പ്പന മൂല്യം കുറവാണ്, കൂടാതെ യൂസ്ഡ് കാര്‍ വിപണിയിലും മാന്യമായ ഇവികള്‍ ഉണ്ട്. അതിനാല്‍, യൂസ്ഡ് കാര്‍ വിപണിയില്‍ നിന്നും ഒരു ഇലക്ട്രിക് വാഹനം വാങ്ങാന്‍ ആഗ്രഹിക്കുന്നുവെങ്കില്‍, തിരഞ്ഞെടുക്കാന്‍ നല്ല ഓപ്ഷനുകള്‍ ഇതാ.

ടാറ്റ നെക്സോണ്‍ ഇവി

2020-ല്‍ പുറത്തിറക്കിയ ടാറ്റ നെക്സോണ്‍ ഇവി നിലവില്‍ ഇന്ത്യയില്‍ ഏറ്റവുമധികം വിറ്റഴിക്കപ്പെടുന്ന സമ്പൂര്‍ണ ഇലക്ട്രിക് പാസഞ്ചര്‍ കാറാണ്.

നിലവില്‍, ടാറ്റ നെക്സോണ്‍ ഇവിക്ക് മാസ് മാര്‍ക്കറ്റ് ഇവി വിഭാഗത്തില്‍ 87 ശതമാനത്തിലധികം വിപണി വിഹിതമുണ്ട്. നാളിതുവരെ 19,000 യൂണിറ്റുകള്‍ ഇന്ത്യന്‍ വിപണിയില്‍ വിറ്റഴിച്ചുവെന്നും കമ്പനി വ്യക്തമാക്കുന്നു.

ഇപ്പോള്‍ യൂസ്ഡ് കാര്‍ വിപണിയിലും കുറഞ്ഞ മൈലേജിലും മാന്യമായ വിലയിലും വളരെ കുറച്ച് മോഡലുകള്‍ ലഭ്യമാണ്. 30.2 kWh ലിഥിയം-അയണ്‍ ബാറ്ററി പായ്ക്കുമായി ജോടിയാക്കിയിരിക്കുന്ന ഒരു പെര്‍മനന്റ്-മാഗ്‌നറ്റ് എസി മോട്ടോറില്‍ നിന്നാണ് ടാറ്റ നെക്‌സോണ്‍ ഇവി പവര്‍ എടുക്കുന്നത്.

ഇലക്ട്രിക് മോട്ടോര്‍ 127 bhp കരുത്തും 245 Nm പീക്ക് ടോര്‍ക്കും സൃഷ്ടിക്കുന്നു. കൂടാതെ 120 കിലോമീറ്ററാണ് പരമാവധി വേഗത. 9.9 സെക്കന്‍ഡില്‍ 0-100 കിലോമീറ്റര്‍ വേഗത കൈവരിക്കുമെന്നും കമ്പനി അവകാശപ്പെടുന്നു.

IP67 റേറ്റുചെയ്ത ബാറ്ററി പായ്ക്ക് ജല-പ്രതിരോധശേഷിയുള്ളതും ഒറ്റ ചാര്‍ജില്‍ 312 കിലോമീറ്റര്‍ റേഞ്ച് ARAI സാക്ഷ്യപ്പെടുത്തിയതുമാണ്. എട്ട് മണിക്കൂറിനുള്ളില്‍ പൂര്‍ണ്ണമായി ചാര്‍ജ് ചെയ്യാന്‍ കഴിയുന്ന നെക്‌സോണ്‍ ഇവിയ്ക്കൊപ്പം 3.3 kW ഓണ്‍ബോര്‍ഡ് ചാര്‍ജറും ടാറ്റ വാഗ്ദാനം ചെയ്യുന്നു.

അതേസമയം, 25 kW DC ഫാസ്റ്റ് ചാര്‍ജര്‍ 60 മിനിറ്റിനുള്ളില്‍ വാഹനം 0-80 ശതമാനം മുതല്‍ ചാര്‍ജ് ചെയ്യും. നിങ്ങള്‍ ഒരു ഉപയോഗിച്ച ഇലക്ട്രിക് വാഹനം വാങ്ങാന്‍ ആഗ്രഹിക്കുന്നുവെങ്കില്‍ തീര്‍ച്ചയായും പരിഗണിക്കേണ്ട ഒരു ഓപ്ഷനാണ് നെക്‌സോണ്‍ ഇവി. യൂസ്ഡ് കാര്‍ വിപണിയില്‍ ടാറ്റ നെക്‌സോണ്‍ ഇവിയുടെ വില 12 ലക്ഷം രൂപയില്‍ നിന്ന് ആരംഭിക്കുന്നു.

എംജി ZS ഇവി

എംജി ZS ഇവി മറ്റൊരു ജനപ്രിയ ഇലക്ട്രിക് കാര്‍ മോഡലാണ്, അത് ഇപ്പോള്‍ രണ്ടര വര്‍ഷമായി ഇന്ത്യയില്‍ വില്‍പ്പനയ്ക്ക് എത്തുകയും ചെയ്യുന്നു. ZS EV-യെ കമ്പനി നിരന്തരം അപ്ഡേറ്റ് ചെയ്യുകയും ചെയ്യുന്നു.

ആദ്യം 2021-ലും പിന്നീട് അടുത്തിടെ, 2022-ലും ഇലക്ട്രിക് എസ്‌യുവിയുടെ ആദ്യ ആവര്‍ത്തനം യൂസ്ഡ് കാര്‍ വിപണിയില്‍ ലഭ്യമായി തുടങ്ങിയിരുന്നു. ZS ഇവിയില്‍ 44.5 kWh IP6 സര്‍ട്ടിഫൈഡ് ബാറ്ററി പായ്ക്കാണ് കമ്പനി സജ്ജീകരിച്ചിരിക്കുന്നത്.

ഇത് 141 bhp കരുത്തും 353 Nm പീക്ക് ടോര്‍ക്കും പുറപ്പെടുവിക്കുന്ന ഒരു സിന്‍ക്രണസ് മോട്ടോറിനെ ശക്തിപ്പെടുത്തുന്നു. ഒറ്റ ചാര്‍ജില്‍ പരമാവധി 340 കിലോമീറ്റര്‍ വരെ സഞ്ചരിക്കാന്‍ ബാറ്ററിക്ക് കഴിയും.

വെറും 8.5 സെക്കന്‍ഡിനുള്ളില്‍ 0-100 കിലോമീറ്റര്‍ വേഗത കൈവരിക്കാന്‍ ഇതിന് കഴിയുമെന്നും കമ്പനി അവകാശപ്പെടുന്നു. ZS ഇവിയില്‍ നിങ്ങള്‍ക്ക് മൂന്ന് ഡ്രൈവിംഗ് മോഡുകളും മൂന്ന് ലെവല്‍ റീജനറേറ്റീവ് ബ്രേക്കിംഗും ലഭിക്കും. യൂസ്ഡ് കാര്‍ വിപണിയില്‍ എംജി ZS ഇവിയുടെ വില 15 ലക്ഷം രൂപ മുതല്‍ ആരംഭിക്കുന്നു.

മഹീന്ദ്ര e-വെരിറ്റോ

2016-ല്‍ ഇന്ത്യയില്‍ പുറത്തിറക്കിയ ആദ്യകാല സമ്പൂര്‍ണ ഇലക്ട്രിക് വാഹനങ്ങളില്‍ ഒന്നായിരുന്നു ഇത്. വാണിജ്യപരമായി വിജയിച്ചില്ലെങ്കിലും, യൂസ്ഡ് കാര്‍ വിപണിയില്‍ മാന്യമായ എണ്ണം e-വെരിറ്റോ മോഡലുകള്‍ നിങ്ങള്‍ക്ക് കണ്ടെത്താന്‍ സാധിക്കും.

യൂസ്ഡ് കാര്‍ വിപണിയില്‍ മഹീന്ദ്ര e-വെരിറ്റോയുടെ വില 3.5 ലക്ഷം രൂപയില്‍ ആരംഭിക്കുന്നു എന്നതാണ് ശ്രദ്ധേയം. എന്നാല്‍ ടാക്‌സികള്‍, ക്യാബുകള്‍ എന്നിങ്ങനെ വാണിജ്യപരമായി ഉപയോഗിച്ചിരുന്ന മോഡലുകളില്‍ നിന്ന് വിട്ടുനില്‍ക്കാന്‍ ഞങ്ങള്‍ നിര്‍ദ്ദേശിക്കുന്നു, കാരണം അവയില്‍ മിക്കതും നല്ല അറ്റകുറ്റപ്പണികള്‍ ഉള്ളവയാകാം.

മഹീന്ദ്ര e-വെരിറ്റോയ്ക്ക് കരുത്തേകുന്നത് 72V ബാറ്ററി പാക്കിനൊപ്പം ഒരു ഇലക്ട്രിക് മോട്ടോറാണ്. ഫുള്‍ ചാര്‍ജില്‍ 110 കിലോമീറ്റര്‍ ഡ്രൈവിംഗ് റേഞ്ച് ഇലക്ട്രിക് സെഡാന്‍ വാഗ്ദാനം ചെയ്യുന്നുവെന്ന് മഹീന്ദ്ര അവകാശപ്പെടുന്നു.

ഫാസ്റ്റ് ചാര്‍ജിംഗ് സാങ്കേതികവിദ്യയിലൂടെ പൂര്‍ണ്ണമായും ചാര്‍ജ് ചെയ്യാന്‍ 1 മണിക്കൂറും 45 മിനിറ്റും എടുക്കുന്ന ലിഥിയം അയണ്‍ ബാറ്ററിയാണ് ഇവി ഉപയോഗിക്കുന്നത്, സാധാരണ മോഡില്‍ 8 മണിക്കൂറിലധികം എടുക്കും.

e-വെരിറ്റോയുടെ ഉയര്‍ന്ന വേഗത മണിക്കൂറില്‍ 86 കിലോമീറ്ററാണ്. ഒരു കിലോമീറ്ററിന് ഏകദേശം 1.15 ആണ് ഇവിയുടെ നടത്തിപ്പ് ചെലവ്, ഇത് ഒരു ശരാശരി പെട്രോള്‍ അല്ലെങ്കില്‍ ഡീസല്‍ കാറിനേക്കാള്‍ വളരെ കുറവാണെന്ന് മഹീന്ദ്ര പറയുന്നു.