Click it and Unblock the Notifications
Ford Endeavour മുതല് Toyota Yaris വരെ; 2021-ല് ഇന്ത്യവിട്ട ജനപ്രീയ മോഡുകള് ഇതൊക്കെ
വാഹന വിപണിയെ സംബന്ധിച്ചിടത്തോളം, 2021 എന്നത് സംഭവബഹുലമായ ഒരു വര്ഷമാണെന്ന് പറയുന്നതില് ഒരു തെറ്റും ഇല്ല. എല്ലാ മേഖലകളെയും പോലെ വലിയ പ്രതിസന്ധി ഘട്ടത്തിലൂടെയായിരുന്നു വാഹന വിപണി കടന്നുപോയത്.
കൊറോണ വൈറസിന്റെയും സെമികണ്ടക്ടര് ചിപ്പുകളുടെയും ദൗര്ലഭ്യത്തിന്റെയും രണ്ടാം തരംഗം മുതല് വാഹന വില്പ്പന കുറയുകയും കാര് ലോഞ്ചുകള് വൈകുകയും ചെയ്യുന്നത് വരെ, വാഹന വ്യവസായം ഈ വര്ഷം ഒന്നിലധികം തിരിച്ചടികള് നേരിട്ടു.
അതിനുപുറമെ, വിവിധ കാരണങ്ങളാല് രാജ്യത്ത് നിന്ന് വിടപറഞ്ഞ നിരവധി ജനപ്രിയ കാറുകളും 2021-ല് നാം കണ്ടു. അവയില് ചിലത് പലരെയും ഞെട്ടിച്ചാണ് വിപണി വിട്ടതും. അതിനാല്, വര്ഷം അവസാനിക്കുമ്പോള്, 2021-ല് നിര്ത്തലാക്കിയ ചില ജനപ്രിയ കാറുകള് ഏതൊക്കെയെന്ന് ഒന്ന് നോക്കാം.
ഫോര്ഡ് എന്ഡവര്
2021-ലെ പ്രധാന സംഭവങ്ങളിലൊന്ന് ഇന്ത്യയിലെ വാഹന ഉല്പ്പാദനം അവസാനിപ്പിക്കാനുള്ള ഫോര്ഡിന്റെ തീരുമാനമായിരുന്നു. കമ്പനി തങ്ങളുടെ രണ്ട് പ്ലാന്റുകളും അടച്ചുപൂട്ടി, പകരം ചില പ്രീമിയം ആഗോള ഉല്പ്പന്നങ്ങള് ഇറക്കുമതി ചെയ്യുമെന്ന് അറിയിക്കുകയും ചെയ്തു.
വിപണി, ഏറെ ഇഷ്ടപ്പെട്ട എന്ഡവര് ഉള്പ്പെടെ നിലവിലുള്ള എല്ലാ ഫോര്ഡ് മോഡലുകളും ഫലപ്രദമായി നിര്ത്തലാക്കുകയാണെന്ന് കമ്പനി പ്രഖ്യാപിക്കുകയും ചെയ്തു. പൂര്ണ്ണ വലുപ്പമുള്ള 7-സീറ്റര് എസ്യുവി സ്പെയ്സില് എന്ഡവര് ഒരു ജനപ്രിയ ഓഫറായിരുന്നു, കൂടാതെ 10-സ്പീഡ് AT സ്റ്റാന്ഡേര്ഡായി 2.0-ലിറ്റര് ഡീസല് എഞ്ചിനാണ് ഉപയോഗിച്ചിരുന്നത്.
ഫോര്ഡ് ഇക്കോസ്പോര്ട്ട്
വിപണിക്ക് ഏറെ പ്രിയപ്പെട്ട ഫോര്ഡ് ഇക്കോസ്പോര്ട്ടിനോട് നമുക്ക് വിട പറയേണ്ടി വന്ന വര്ഷമായിരുന്നു 2021. ഇന്ത്യയില് സബ്-കോംപാക്ട് എസ്യുവികളുടെ ട്രെന്ഡ് ആരംഭിച്ചത് ഇക്കോസ്പോര്ട്ടിലൂടെയായിരുന്നു.
ഏകദേശം 9 വര്ഷമായി ഒരു ജനറേഷന് അപ്ഗ്രേഡ് ലഭിച്ചിട്ടില്ലെങ്കിലും, ഇത് ഇപ്പോഴും വിപണിക്ക് പ്രീയപ്പെട്ട വാഹനങ്ങളില് ഒന്നായിരുന്നു. പെട്രോള്, ഡീസല് എഞ്ചിന് ഓപ്ഷനുകള് വാഗ്ദാനം ചെയ്യുന്ന ഏതാനും സബ്-4 മീറ്റര് എസ്യുവികളില് ഇക്കോസ്പോര്ട്ടും ഉള്പ്പെടുന്നു.
ഫോര്ഡ് ഫിഗോ/ഫ്രീസ്റ്റൈല്/ആസ്പയര്
പ്രാദേശിക ഉല്പ്പാദനം അവസാനിപ്പിച്ച ഫോര്ഡ് അതിന്റെ എന്ട്രി ലെവല് മോഡലുകളായ ഫിഗോ, ഫ്രീസ്റ്റൈല്, ആസ്പയര് എന്നിവയുയെടും വില്പ്പന അവസാനിപ്പിക്കുന്നുവെന്ന് വ്യക്തമാക്കി. 3 കാറുകളും ഒരേ ഫിഗോ ശ്രേണിയുടെ ഭാഗമായിരുന്നു.
ഒരേ പ്ലാറ്റ്ഫോമില് അധിഷ്ഠിതമായിരുന്നു, ഒരേ പെട്രോള്, ഡീസല് എഞ്ചിന് ഓപ്ഷനുകളും പങ്കിട്ടു. ഈ വര്ഷം ജൂലൈയിലാണ് ഫോര്ഡ് ഇന്ത്യ ഫിഗോ ഹാച്ച്ബാക്കിന്റെ 1.2 ലിറ്റര് ഓട്ടോമാറ്റിക് പതിപ്പ് ഇന്ത്യയില് അവതരിപ്പിച്ചത്.
എന്നിരുന്നാലും, 2021 സെപ്റ്റംബറില് കമ്പനി ഇന്ത്യ വിടാന് തീരുമാനിച്ചതോടെ അതിന്റെ വില്പ്പനയും അവസാനിച്ചു. ആസ്പയര് സബ്-കോംപാക്ട് സെഡാനും ഫ്രീസ്റ്റൈല് ക്രോസ്-ഹാച്ചും ഫിഗോ കോംപാക്ട് ഹാച്ചിനെ അടിസ്ഥാനമാക്കിയുള്ളതാണ്, കൂടാതെ 1.2 ലിറ്റര് പെട്രോളും 1.5 ലിറ്റര് ഡീസല് എഞ്ചിനുമാണ് ഇവയില് ഉപയോഗിച്ചിരുന്നത്.
സ്കോഡ റാപ്പിഡ്
ഈ വര്ഷം സ്കോഡ പോലും റാപ്പിഡ് സെഡാന്റെ നിര്മ്മാണം അവസാനിപ്പിച്ചു, കാര് ഇന്ത്യയില് അവതരിപ്പിച്ച് ഏകദേശം ഒരു ദശാബ്ദത്തിന് ശേഷം. കമ്പനിയുടെ നിരയില് ഏറ്റവുമധികം വിറ്റഴിക്കപ്പെടുന്ന കാറായിരുന്നു റാപ്പിഡ് മാറുകയും ചെയ്തിരുന്നു.
എന്നിരുന്നാലും, ഒരു ജനറേഷന് നവീകരണത്തിന്റെയോ പകരം വയ്ക്കേണ്ടതിന്റെയോ ആവശ്യകത മുന്നില് കണ്ടായിരുന്നു ഈ പിന്മാറ്റം. റാപ്പിഡിന് പകരക്കാരനായി അടുത്തിടെ MQB-A0-IN പ്ലാറ്റ്ഫോമിനെ അടിസ്ഥാനമാക്കി സ്കോഡ സ്ലാവിയ അവതരിപ്പിക്കുകയും ചെയ്തു.
കമ്പനി റാപ്പിഡിന്റെ പ്രത്യേക മാറ്റ് പതിപ്പാണ് അവസാനമായി പുറത്തിറക്കിയത്. ഇത് ഇന്ത്യയില് വില്പ്പനയ്ക്കെത്തിയ റാപ്പിഡ് സെഡാനുകളുടെ അവസാന ഭാഗമായിരുന്നു. മാനുവല്, ഓട്ടോമാറ്റിക് ചോയ്സുകളുള്ള 1.0 TSI എഞ്ചിനിലാണ് റാപ്പിഡ് വരുന്നത്.
ടൊയോട്ട യാരിസ്
ഈ വര്ഷം ഇന്ത്യന് വിപണി വിട്ട മറ്റൊരു കോംപാക്ട് സെഡാനാണ് ടൊയോട്ട യാരിസ്. 3 വര്ഷത്തിലേറെയായി വിപണിയിലുണ്ടായിരുന്ന സെഡാന് ഇന്ത്യയില് നിര്ത്തലാക്കുകയായിരുന്നു.
വിപണിയില് വില്പ്പന ഇടിഞ്ഞതോടെയാണ്, ഈ മോഡല് എന്നെന്നേക്കുമായി നിര്ത്താന് കമ്പനി തീരുമാനിച്ചത്. യാരിസ് സെഡാന് പകരം മാരുതി സുസുക്കി സിയാസിന്റെ ടൊയോട്ട ബാഡ്ജ് പതിപ്പ് വരുമെന്നാണ് പ്രതീക്ഷിക്കുന്നത്. ഇതിനെ ടൊയോട്ട ബെല്റ്റ എന്ന് വിളിക്കാനും സാധ്യതയുണ്ട്. വാസ്തവത്തില്, കാര് ഇതിനകം മിഡില് ഈസ്റ്റില് വില്പ്പനയ്ക്കെത്തുകയും ചെയ്തിട്ടുണ്ട്.
ഫോക്സ്വാഗണ് ടി-റോക്ക്
സ്കോഡയുടെ സഹോദര ബ്രാന്ഡായ ഫോക്സ്വാഗണ് ഇന്ത്യയും ടി-റോക്ക് കേംപാക്ട് എസ്യുവി നിര്ത്തലാക്കിയ വര്ഷമായിരുന്നു 2021. ടൈഗൂണിന്റെ കടന്നുവരവോടെയാണ് കമ്പനി ടി-റോക്കിനെ നിര്ത്തലാക്കിയിത്. പൂര്ണ്ണമായും നിര്മ്മിച്ച യൂണിറ്റ് (CBU) മോഡലായിട്ടാണ് വാഹനം വിപണിയില് എത്തിയിരുന്നത്. എസ്യുവിക്ക് 1.5-ലിറ്റര് TSI എഞ്ചിനും DSG ഓട്ടോമാറ്റിക്കുമായി ജോടിയാക്കിയ ഗിയര്ബോക്സുമായിരുന്നു ലഭിച്ചിരുന്നത്.
ഫോക്സ്വാഗണ് ടിഗുവാന് ഓള്സ്പേസ്
ടി-റോക്കിനെപ്പോലെ, ടിഗുവാന് ഓള്സ്പേസും ഈ വര്ഷം ബ്രാന്ഡ് നിരയില് നിന്ന് ഒഴിവാക്കപ്പെട്ട മോഡലുകളില് ഒന്നാണ്. അതിന് പകരമായി നേരത്തെ വിപണിയില് ഉണ്ടായിരുന്ന 5 സീറ്റര് പതിപ്പിനെ കമ്പനി തിരികെ കൊണ്ടുവരികയും ചെയ്തു. CBU മോഡലായി ഇന്ത്യയിലെത്തിയ ഓള്സ്പേസില് നിന്ന് വ്യത്യസ്തമായി, ടിഗുവാന് ഫെയ്സ്ലിഫ്റ്റ് CKD യൂണിറ്റായി എത്തിച്ച് ഇന്ത്യയില് അസംബിള് ചെയ്യുന്നു.
Continue with Google