ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

By Dijo Jackson

ഫ്രീസ്റ്റൈല്‍. അമേരിക്കന്‍ നിര്‍മ്മാതാക്കളായ ഫോര്‍ഡില്‍ നിന്നും ഇന്ത്യയില്‍ എത്തിയ ഏറ്റവും പുതിയ അവതാരം. കോമ്പാക്ട് യൂട്ടിലിറ്റി വാഹനങ്ങളുടെ ഗണത്തിലാണ് ഫ്രീസ്റ്റൈല്‍ പെടുക. ക്രോസ്ഓവര്‍ ഹാച്ച്ബാക്കെന്നും ഫിഗൊയെ അടിസ്ഥാനപ്പെടുത്തിയുള്ള ഫോര്‍ഡ് ഫ്രീസ്റ്റൈലിനെ വിശേഷിപ്പിക്കാം.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

കാഴ്ചയില്‍ പരുക്കനാണ് ഫ്രീസ്റ്റൈല്‍. ബോഡിയ്ക്ക് അടിവരയിടുന്ന പ്ലാസ്റ്റിക് ക്ലാഡിംഗും 15 ഇഞ്ച് അലോയ് വീലുകളും റൂഫ് റെയിലുകളും മാത്രം മതി ഒറ്റനോട്ടത്തില്‍ കാര്‍ പരുക്കനാണെന്നു അനുഭവപ്പെടാന്‍. ഇതൊക്കെയാണെങ്കിലും ഓഫ്‌റോഡിംഗിന് ഫോര്‍ഡ് ഫ്രീസ്റ്റൈലിനെ കൂടെക്കൂട്ടാമോ? കാര്‍ പ്രേമികള്‍ക്ക് ഈ സംശയമുണ്ട്.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

ബി സെഗ്മന്റ് ഹാച്ച്ബാക്കായതു കൊണ്ടു ഓഫ്‌റോഡിംഗിന് ഇറങ്ങിയാല്‍ ഫ്രീസ്റ്റൈല്‍ വഴിക്കാവുമെന്ന് പലരും കരുതുന്നു. എന്നാല്‍ ഓഫ്‌റോഡ് സാഹസത്തിന് ഇറങ്ങിയ ഫോര്‍ഡ് ഫ്രീസ്റ്റൈല്‍ ഈ മുന്‍വിധികളെല്ലാം തെറ്റിക്കും.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

എന്‍ഡവറിന്റെയും ഫ്രീസ്റ്റൈലിന്റെയും കരുത്തുകാട്ടാന്‍ ഫോര്‍ഡ് ഡീലര്‍ഷിപ്പ് സംഘടിപ്പിച്ച പരിപാടിയില്‍ നിന്നാണ് ദൃശ്യങ്ങള്‍. അമിതവേഗത്തിലും നിയന്ത്രണം നഷ്ടപ്പെടാതെ കുതിക്കുന്ന ഫ്രീസ്റ്റൈലില്‍ നിന്നു തുടങ്ങും ദൃശ്യങ്ങള്‍.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

പ്രത്യേക ആക്ടിവ് റോള്‍ഓവര്‍ പ്രൊട്ടക്ഷന്‍ (ARP) ഫ്രീസ്റ്റൈലില്‍ കമ്പനി നല്‍കുന്നുണ്ട്. ഇക്കാരണത്താല്‍ എത്രവേഗത്തില്‍ വന്നു വളച്ചാലും കാര്‍ മറിയുകയില്ല. കാലുകള്‍ നിലത്തുറച്ച് നില്‍ക്കും. വീഡിയോയിലും ഇതു കാണാം.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

കുഴികള്‍ താണ്ടുമ്പോഴും കോണിപ്പടികള്‍ കയറിയിറങ്ങുമ്പോഴും ഫ്രീസ്റ്റൈല്‍ എവിടെയും കിതക്കുന്നില്ല. ഉയര്‍ന്ന 190 mm ഗ്രൗണ്ട് ക്ലിയറന്‍സ് പ്രായണങ്ങളിലെല്ലാം ഫ്രീസ്റ്റൈലിനെ തുണച്ചു. 1.2 ലിറ്റര്‍ പെട്രോള്‍, 1.5 ലിറ്റര്‍ ഡീസല്‍ എഞ്ചിന്‍ പതിപ്പുകളാണ് ഫ്രീസ്റ്റൈലിലുള്ളത്.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

പ്രതിബന്ധങ്ങള്‍ കീഴടക്കാനുള്ള കരുത്ത് ഫ്രീസ്റ്റൈല്‍ എഞ്ചിനുകള്‍ക്കുണ്ടെന്ന കാര്യം ദൃശ്യങ്ങളില്‍ വ്യക്തം. വെല്ലുവിളിയേകുന്ന പ്രതലങ്ങളില്‍ ആവശ്യമായ ഗ്രിപ്പ് നേടാന്‍ വീതിയേറിയ 15 ഇഞ്ച് വീലുകള്‍ക്ക് കഴിയുന്നുണ്ടെന്നതും ഇവിടെ എടുത്തുപറയണം.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

അഭ്യാസങ്ങള്‍ക്കെല്ലാം ഒടുവില്‍ വെള്ളക്കെട്ട് മുറിച്ചു കടക്കുന്ന ഫ്രീസ്റ്റൈല്‍, തനിക്ക് ഓഫ്‌റോഡിംഗ് പ്രാപ്യമാണെന്നു പറഞ്ഞുവെയ്ക്കുന്നു.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

95 bhp കരുത്തും 120 Nm torque ഉം സൃഷ്ടിക്കാന്‍ ഫ്രീസ്റ്റൈലിലുള്ള 1.2 ലിറ്റര്‍ ഡ്രാഗണ്‍ സീരീസ് പെട്രോള്‍ എഞ്ചിന് കഴിയും. 1.5 ലിറ്റര്‍ ഡീസല്‍ എഞ്ചിന്‍ 100 bhp കരുത്തും 250 Nm torque -മാണ് പരമാവധിയേകുക.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

ഇരു എഞ്ചിന്‍ പതിപ്പുകളിലും അഞ്ചു സ്പീഡാണ് മാനുവല്‍ ഗിയര്‍ബോക്‌സ്. എഞ്ചിന്‍ സ്റ്റാര്‍ട്ട്/സ്റ്റോപ് ബട്ടണ്‍, ഓട്ടോമാറ്റിക് ക്ലൈമറ്റ് കണ്‍ട്രോള്‍, വൈദ്യുത പിന്തുണയാല്‍ മടങ്ങുന്ന മിററുകള്‍, മഴ തിരിച്ചറിയുന്ന വൈപ്പറുകള്‍, ഓട്ടോമാറ്റിക് ഹെഡ്‌ലാമ്പുകള്‍ എന്നിവ ഫ്രീസ്‌റ്റൈലിലെ ഫീച്ചറുകളാണ്.

ഫോര്‍ഡ് ഫ്രീസ്റ്റൈല്‍ ഓഫ്‌റോഡിംഗിന് ഇറങ്ങിയാല്‍ — വീഡിയോ

സുരക്ഷയുടെ കാര്യത്തിലും ഫ്രീസ്റ്റൈല്‍ ഒട്ടും പിന്നിലല്ല. മുന്നില്‍ ഇരട്ട എയര്‍ബാഗുകള്‍, ആന്റി-ലോക്ക് ബ്രേക്കിംഗ് സംവിധാനം, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷന്‍, റിവേഴ്സ് പാര്‍ക്കിംഗ് സെന്‍സറുകള്‍, എഞ്ചിന്‍ ഇമൊബിലൈസര്‍, സീറ്റ് ബെല്‍റ്റ് റിമൈന്‍ഡര്‍, കീലെസ് എന്‍ട്രി എന്നിങ്ങനെ നീളും ഫ്രീസ്‌റ്റൈലിലെ സുരക്ഷാ സജ്ജീകരണങ്ങള്‍.

ഏറ്റവും ഉയര്‍ന്ന ഫ്രീസ്‌റ്റൈല്‍ പതിപ്പുകള്‍ക്ക് സൈഡ് - കര്‍ട്ടന്‍ എയര്‍ബാഗുകള്‍, എമര്‍ജന്‍സി അസിസ്റ്റന്‍സ് ഫീച്ചറുകളുമുണ്ട്. 5.09 ലക്ഷം രൂപ മുതലാണ് ഫ്രീസ്റ്റൈലിന് വിപണിയില്‍ വില. മാരുതി സുസുക്കി ഇഗ്നിസ്, ടൊയോട്ട എത്തിയോസ് ക്രോസ്, ഫിയറ്റ് അവഞ്ചൂറ, ഹ്യുണ്ടായി ആക്ടിവ് i20 എന്നിവരാണ് ഫോര്‍ഡ് ഫ്രീസ്റ്റൈലിന്റെ എതിരാളികള്‍.

Source: YouTube

Malayalam
കൂടുതല്‍... #off beat
English summary
Ford Freestyle Goes Off-Roading. Read in Malayalam.
Story first published: Tuesday, July 17, 2018, 19:21 [IST]
ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
 
X

ഉടനടി ഓട്ടോ അപ്ഡേറ്റുകള് ഡ്രൈവ്സ്പാര്ക്കില് നിന്നും
Malayalam Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more