2023-ൽ ഇലക്ട്രിക് വാഹനം കുമിഞ്ഞ് കൂടുമല്ലോ; വിൽപ്പനയിൽ അതിവേഗ വളർച്ച

ഇലക്ട്രിക് വാഹന വിപണി ദിനം പ്രതി വളർന്നു കൊണ്ടിരിക്കുകയാണല്ലോ. അത് ഇന്ത്യയിൽ മാത്രമല്ല ലോകത്ത് മുഴുവൻ ഇലക്ട്രിക് മയമാണ്. ആഗോള പാസഞ്ചർ ഇലക്ട്രിക് വാഹനങ്ങളുടെ വിൽപ്പന 2022 വർഷത്തിൻ്റെ നാലാം പാദം നോക്കുകയാണെങ്കിൽ 53 ശതമാനമാണ് വിൽപ്പന വർധിച്ചിരിക്കുന്നത്. 1.2 കോടി യൂണിറ്റുകളാണ് വിൽപ്പന രേഖപ്പെടുത്തിയത്.

ഇലക്ട്രിക് കാറുകളുടെ കാര്യം നോക്കുകയാണെങ്കിൽ ടെസ്‌ലയുടെ മോഡൽ Y ആഗോള വിപണിയിൽ ഏറ്റവും കൂടുതൽ വിൽപ്പനയുളള വാഹനമാണ് അത്.ചൈനീസ് കമ്പനിയായ ബിവൈഡി എന്ന വാഹനനിർമാതാക്കളും ഒട്ടും പിന്നിലല്ല.വിദഗ്ദരുടെ പഠനറിപ്പോർട്ടുകൾ അനുസരിച്ച് 2023 അവസാനത്തോടെ ഇവിയുടെ വിൽപ്പന 1.7 കോടിയിലേയ്ക്ക് എത്തുമെന്നാണ് പറയുന്നത്.

2022 വർഷത്തിൽ യു.എസ്, ജർമ്മനി, ചൈന എന്നീ രാജ്യങ്ങളായിരുന്നു ഏറ്റവും ആദ്യത്തെ മൂന്ന് ഇലക്ട്രിക് വാഹന വിപണികൾ. 39 ൽ അധികം മോഡലുകളാണ് ഈ മൂന്ന് വിപണികളിലായി പത്തോളം ഇലക്ട്രിക് വാഹന നിർമാതാക്കൾ അവതരിപ്പിച്ചത്. അതിൻ്റെ ഭാഗമായി 2022 വർഷത്തിൽ ഇവിയുടെ 72 ശതമാനം വളർച്ചയാണ് ഇവർ സംഭാവന ചെയ്തത്. ചൈനയിൽ കൊവിഡ് മഹാമാരി വന്നത് കൊണ്ട് മാത്രമാണ് വിപണി താഴ്ന്ന നിലയിൽ പോയത്. അത് അല്ലായിരുന്നു എങ്കിൽ 11 ദശലക്ഷം യൂണിറ്റുകളായിരുന്നു വിപണിയിൽ എത്തേണ്ടിയിരുന്നത്.

ലോകത്തിലെ എല്ലാ വിപണികളേയും ബാധിച്ചത് പോലെ തന്നെയാണ് ചൈനയിലെ മാത്രമല്ല വാഹനവിപണി മൊത്തം അടഞ്ഞുകിടക്കുന്ന സാഹചര്യമായിരുന്നല്ലോ.എന്നാൽ ഇതിന് എല്ലാ ശേഷവും ചൈന വാഹനവിപണിയിൽ ഗംഭീര തിരിച്ചുവരവാണ് നടത്തിയത്.വാഹനങ്ങളിലായാലും ഇലക്‌ട്രോണിക് ഗാഡ്‌ജെറ്റുകളിലായാലും നൂതന സാങ്കേതികവിദ്യകളും അത്ഭുതപ്പെടുത്തുന്ന സവിശേഷതകളുമായി ഞെട്ടിക്കുന്നവരാണ് ചൈനീസ് കമ്പനികള്‍.

ചൈനീസ് കാര്‍ നിര്‍മ്മാതാക്കളായ വുലിംഗ് അവരുടെ പുതിയ ഇലക്ട്രിക് ഹാച്ച്ബാക്കായ ബിങ്കോ അവതരിപ്പിച്ചു. നിരവധി സവിശേഷതകള്‍ക്കൊപ്പം ബിങ്കോയുടെ പ്രധാന ഹൈലൈറ്റുകളിലൊന്നായി കാണാനാവുക ഒരു എയര്‍ബെഡാണ്. കാറ്റ് നിറക്കാവുന്ന ഈ എയര്‍ബെഡ് ഓപ്ഷനലായി നല്‍കി ചൈനയിലെ അര്‍ബന്‍ വനിത കസ്റ്റമേഴ്‌സിനെ ആകര്‍ഷിക്കാനാണ് കമ്പനി ലക്ഷ്യമിടുന്നത്. ഇലക്ട്രിക് വാഹന നിരയിലെ കമ്പനിയുടെ അടുത്ത ഫ്‌ലാഗ്ഷിപ്പ് മോഡലായ ബിങ്കോ അടുത്ത മാസം നടക്കുന്ന ഷാങ്ഹായ് ഓട്ടോ ഷോയില്‍ അരങ്ങേറ്റം കുറിക്കും. മൂന്ന് കമ്പനികളുടെ സംയുക്ത സംരംഭത്തില്‍ SGWM (SIAC-GM-Wuling) ആണ് വുലിംഗ് ബിങ്കോയുടെ നിര്‍മാണത്തിന് പിന്നില്‍.

ഇന്ത്യയിലെ പാസഞ്ചർ ഇലക്‌ട്രിക് വാഹന വിപണിയിലെ താരനക്ഷത്രമാണ് ബിവൈഡി എന്നറിയപ്പെടുന്ന ബിൽഡ് യുവർ ഡ്രീംസ്. ടെസ്‌ലയ്ക്ക് ഒത്ത എതിരാളിയെന്നാണ് പൊതുവേ ഈ ചൈനീസ് ബ്രാൻഡിനെ വിശേഷിപ്പിക്കുന്നത്.2023 ഓട്ടോ എക്‌സ്‌പോയിൽ പരിചയപ്പെടുത്തിയ സീൽ ഇലക്ട്രിക് പ്രീമിയം സെഡാനാണ് ഇന്ത്യൻ വിപണി കീഴടക്കാനായി എത്തുന്നത്. ടെസ്‌ലയുടെ മോഡല്‍ 3-യോട് പോലും കിടപിടിക്കാൻ പ്രാപ്‌തമായ വാഹനം ആദ്യകാഴ്ച്ചയിൽ തന്നെ ആരെയും കൈയിലെടുക്കും. ലോകത്തിലെ ഏറ്റവും വലിയ ഇവി നിർമാതാക്കളിൽ ഒരാളായി അറിയപ്പെടുന്ന BYD കാറിന്റെ വിൽപ്പന ആരംഭിക്കാൻ ഒരുങ്ങി കഴിഞ്ഞു.

ഇന്ത്യൻ വിപണി നോക്കുകയാണെങ്കിൽ മഹീന്ദ്ര, ടാറ്റ അങ്ങനെ ഏറ്റവും മുന്നിൽ നിൽക്കുന്ന രണ്ട് വാഹന നിർമാതാക്കളാണ്. XUV400 ഇലക്ട്രിക് എസ്‌യുവി മഹീന്ദ്ര XUV300-ന്റെ ഇലക്ട്രിക് ഡെറിവേറ്റീവാണെന്ന് വേണം പറയാന്‍. കൂടാതെ 150 bhp കരുത്തും 310 Nm പീക്ക് ടോര്‍ക്കും ഉല്‍പ്പാദിപ്പിക്കുന്ന 39.4kWh ബാറ്ററി പാക്കില്‍ നിന്നാണ് പവര്‍ എടുക്കുന്നത്. ഒറ്റ ചാര്‍ജില്‍ 456 കിലോമീറ്റര്‍ ഡ്രൈവിംഗ് റേഞ്ചും വാഹനത്തില്‍ കമ്പനി അവകാശപ്പെടുന്നു. ലഭിച്ച വിശദാംശങ്ങളെ അടിസ്ഥാനമാക്കി, ഇലക്ട്രിക് എസ്‌യുവി മൂന്ന് വേരിയന്റുകളില്‍ വാഗ്ദാനം ചെയ്യുമെന്ന് പറയാം - ബേസ്, EP, EL. ഇതിനോടകം തന്നെ വാഹനം ഞങ്ങള്‍ ടെസ്റ്റ് ഡ്രൈവ് ചെയ്യുകയും ചെയ്തിട്ടുണ്ട്.

XUV400 മഹീന്ദ്രയില്‍ നിന്നുള്ള ഒരു ഫ്യൂച്ചറിസ്റ്റിക് എല്ലാ ഇലക്ട്രിക് എസ്‌യുവിയാണ്, കൂടാതെ സാങ്കേതിക ഘടകത്തെ ഉയര്‍ത്തി ബ്രാന്‍ഡ് ഇപ്പോള്‍ Metadome.ai നല്‍കുന്ന ഇലക്ട്രിക് എസ്‌യുവിക്കായി ഒരു വെര്‍ച്വല്‍ അനുഭവ പ്ലാറ്റ്ഫോം അവതരിപ്പിക്കുകയും ചെയ്തിട്ടുണ്ട്. XUV400Verse ഉപയോഗിച്ച്, പൂര്‍ണ്ണവും ഫോട്ടോറിയലിസ്റ്റിക് ഗ്രാഫിക്‌സും ഉപയോഗിച്ച് ഉപഭോക്തൃ അനുഭവം വര്‍ദ്ധിപ്പിക്കുന്നതിന് വെര്‍ച്വല്‍ ലോകത്തിന്റെ ശക്തി പ്രയോജനപ്പെടുത്താനാണ് മഹീന്ദ്ര ലക്ഷ്യമിടുന്നത്. ഈ XUV400Verse മഹീന്ദ്ര ഉപഭോക്താക്കള്‍ക്കും താല്‍പ്പര്യക്കാര്‍ക്കും സോഷ്യലൈസ് ചെയ്യാനും ഇടപഴകാനും സഹകരിക്കാനും മികച്ച ഉല്‍പ്പന്ന അനുഭവം നേടാനുമുള്ള ഒരു ഇടമായി വര്‍ത്തിക്കുകയും ചെയ്യും.