ദുബായ് ജനതകളുടെ കണ്ണഞ്ചിപ്പിച്ച ഗോഡ്സില്ല

സ്വര്‍ണത്തില്‍ പൊതിഞ്ഞ ഈ കാറിന്റെ വില കേട്ടാലോ കണ്ണു തള്ളിപ്പോകും പത്ത് ലക്ഷം ഡോളർ ഇന്ത്യന്‍ രൂപ ഏകദേശം ആറര കോടിയിലധികം.

ഏതാണ്ട് പത്തു വർഷമെടുത്താണ് സ്വർണ നിറത്തിലുള്ള പെയിന്റ് നിർമിച്ചതെന്നും ചിത്രകലയ്ക്കും മറ്റുമായി ആറുമാസത്തോളമെടുത്തുവെന്നും കമ്പനി അറിയിച്ചു.

താകുമി സാങ്കേതികത ഉപയോഗിച്ചാണ് സ്വര്‍ണ പെയിന്റ് കാറില്‍ പൂശിയിട്ടുള്ളത്.

80 ഡിഗ്രി സെൽഷ്യസ് ചൂട് ഉപയോഗിച്ചാണ് കാറിന്റെ പെയിന്റ് ഉണക്കിയെടുത്തത്. എൻജിനിലും കാറിന്റെയുള്ളിലും സ്വർണം പൂശിയിട്ടുണ്ട്.

റേസിംഗ് കാറുകളുടെ വേഗതയും കരുത്തുമാണ് ഗോഡ്‌സില്ലയുടെ മറ്റൊരുസവിശേഷത. കാറോട്ട മത്സരങ്ങള്‍ക്ക് യോജിച്ച വിധമുള്ള ഇന്ധനമാണിതിൽ ഉപയോഗിക്കുന്നത്.

545 ബിഎച്ച്പിയുള്ള 3.8ലിറ്റർ വി6 ട്വിൻ ടർബോ എൻജിനാണ് ഈ നിസാൻ ആർ 35 ജിടി-ആറിന് കരുത്തേകുന്നത്.

6സ്പീഡ് സീക്വെൻഷ്യൽ ഡ്യുവൽ ക്ലച്ച് ഗിയർബോക്സും ഈ എൻജിനിൽ ഉൾക്കൊള്ളിച്ചിട്ടുണ്ട്.

ദുബായ് അന്താരാഷ്ട്ര കണ്‍വെന്‍ഷന്‍ സെന്ററിലെ 15 ഹാളുകളിലായാണ് ഓട്ടോമെക്കാനിക്ക എന്ന പ്രദർശനം അരങ്ങേറിയത്.

വാഹന പാർട്സുകൾ, ഇലക്ട്രോണിക് സംവിധാനങ്ങള്‍, ആക്‌സസറികള്‍, ഉപകരണങ്ങള്‍, ബാറ്ററികള്‍, ടയറുകള്‍, സര്‍വീസ് സ്റ്റേഷന്‍, അറ്റകുറ്റപ്പണികള്‍ക്കായുള്ള സാങ്കേതികത, കാര്‍വാഷ് ഉത്പന്നങ്ങള്‍ എന്നിവയുടെ പ്രദര്‍ശനവും നടത്തിയിട്ടുണ്ട്.

90 ശതമാനം പ്രദശകരും വിദേശത്ത് നിന്ന് എത്തിയവരാണ്. 25 രാജ്യങ്ങളുടെ പവിലിയനുകളാണ് പ്രദശനത്തിലുണ്ടായിരുന്നത്.

ഈ വർഷം മെയ് അല്ലെങ്കിൽ ജൂൺ മാസത്തോടു കൂടി നിസാൻ ജിടിആർ ഇന്ത്യയിൽ എത്തുന്നതായിരിക്കും. 1.60 മുതൽ 1.90 കോടി വരെ വിലയാകാനാണ് സാധ്യത.

542ബിഎച്ച്പിയും 612എൻഎം ടോർക്കും നൽകുന്ന 3.8ലിറ്റർ എൻജിനാണ് ഇന്ത്യയിലെത്തുന്ന ജിടിആറിൽ ഉൾപ്പെടുത്തുക.

ഓൾവീൽ ഡ്രൈവ് ഓപ്ഷൻ ഉൾപ്പെടുത്തിയ ഈ വാഹനം മൂന്ന് സെക്കന്റ് കൊണ്ടാണ് പുജ്യത്തിൽ നിന്ന് 100 കിലോമീറ്റർ വേഗത കൈവരിക്കുന്നത്.

ലോകത്തിലെ ഏറ്റവും വലിയ ലംബോർഗിനി ഷോറൂം ദുബായിൽ

കാറുവാങ്ങി നിമിഷത്തിനുള്ളിൽ തരിപ്പണമായാൽ ആരാണ് സഹിക്കുക