ഒരു 'ഞെട്ടിക്കൽ' കല്ല്യാണം! വരൻ നൽകിയത് 92 ലക്ഷത്തിന്റെ BMW കാർ

പണ്ട് കാലത്തെ പോലെ അല്ല ഇപ്പോൾ കല്ല്യാണമെന്നാൽ അതൊരു ആഘോഷം തന്നെയാണ്. ചിലപ്പോൾ തോന്നും മോട്ടോർഷോ ആണെന്ന്. കാരണം മറ്റൊന്നുമല്ല ചെറുക്കനോ പെണ്ണോ ആരെങ്കിലും വണ്ടികമ്പമുളളവരാണെങ്കിൽ പിന്നെ ആഡംബര കാറുകളും ഓഫ്റോഡ് വാഹനങ്ങളുടേയും ബഹളം തന്നെയായിരിക്കുമെന്ന് പറയാതെ വയ്യ. തങ്ങളുടെ വിവാഹം എങ്ങനെ വ്യത്യസ്തമാക്കാം എന്നാണ് ഏതൊരു വധുവും വരനും തലപുകഞ്ഞ് ആലോചിക്കുന്നത്. പണ്ട് വധുവിന് പയ്യൻ ആഭരണം സമ്മാനമായി നൽകിയിരുന്നെങ്കിൽ ഇപ്പോൾ ട്രെൻഡ് ആഡംബര കാറുകളാണ് കേട്ടോ. കേരളത്തിലെ കല്ല്യാണത്തിന് വരൻ വധുവിന് നൽകിയത് 92 ലക്ഷം രൂപയുടെ പുതിയ ബിഎംഡബ്ല്യു M340i ആഡംബര സെഡാൻ ആണ്.

'ഫ്ലയിംഗ്ഡച്ച്മെൻ' ഇൻസ്റ്റാഗ്രാം പേജിലാണ് വീഡിയോ പോസ്റ്റ് ചെയ്തത്. ആഘോഷങ്ങൾക്കിടെ വധുവിനായി വരൻ സർപ്രൈസ് ഒരുക്കുകയും.വരൻ ഒരു താക്കോലിൻ്റെ കെയ്സ് പുറത്തെടുത്ത് വധുവിന് കൈമാറുകയായിരുന്നു. വധുവിന്റെ മുഖത്ത് ആവേശവും സന്തോഷവും വളരെ പ്രകടമായിയിരുന്നു. ചുവപ്പ് നിറത്തിലുള്ള പുത്തൻ M340i-ൻ്റെ ഡ്രൈവിങ്ങ് സീറ്റിലേക്ക് വധു കയറി വാഹനം മുന്നോട്ട് എടുത്തതും എല്ലാവരും കൈയ്യടിച്ചു.

ബിഎംഡബ്ല്യു 3 സീരീസ് ശ്രേണിയിലെ ഏറ്റവും മസ്ക്കുലറായ മോഡലാണ് M340i. പ്രാദേശികമായി നിര്‍മ്മിച്ച ആദ്യത്തെ 'M' കാര്‍ എന്ന വിശേഷണത്തോടെയായിരുന്നു ബി‌എം‌ഡബ്ല്യു M340i എന്ന ആഢംബര കാർ നിർമാതാക്കൾ വിപണിയിലെത്തിച്ചത്. മുന്‍വശത്ത്, M340i-ന് സജീവമായ എയര്‍ വെന്റുകളുള്ള ഒരു സൂക്ഷ്മ ഗ്രില്‍ ലഭിക്കുന്നു.

BMW M340i-യ്ക്ക് എം-സ്പെസിഫിക് ബ്ലാക്ക് കിഡ്‌നി ഗ്രിൽ, സ്പോർട്ടിയർ ബമ്പറുകൾ, ഇരട്ട എക്സ്ഹോസ്റ്റ് ടിപ്പുകൾ എന്നിവയുണ്ട്. സ്ലീക് അഡാപ്റ്റീവ് LED ഹെഡ്‌ലാമ്പുകൾ, LED DRL-കൾ, 19 ഇഞ്ച് അലോയ് വീലുകൾ എന്നിവ കാറിന് മസ്കുലറും അത് പോലെ തന്നെ പ്രീമിയം ലുക്കും നൽകുന്നു. പുറത്തുനിന്ന് നോക്കുമ്പോൾ തന്നെ ഇത് ഒരു സാധാരണ 3 സീരീസ് അല്ലെന്ന് തിരിച്ചറിയാൻ കഴിയും.

അകത്തേക്ക് കയറിയാൽ M340i ആഡംബരവും ടെക്നോളജിയും നിറഞ്ഞ ക്യാബിനാണ് വാഗ്ദാനം ചെയ്യുന്നു. M സ്റ്റിച്ചിംഗോടുകൂടിയ ലെതർ സീറ്റുകൾ, ഡ്രൈവർ-ഫോക്കസ്ഡ് ലേഔട്ട്, പ്രീമിയം മെറ്റീരിയലുകൾ എന്നിവ ക്യാബിനിൽ സ്പോർട്ടി പ്രീമിയം അനുഭവം നൽകുന്നു. 14.9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ചേർന്ന് BMW 'വൈഡ്‌സ്‌ക്രീൻ കർവ്ഡ് ഡിസ്‌പ്ലേ' എന്ന ഫീച്ചറും നൽകുന്നുണ്ട്.

BMW M340i-ന് കരുത്ത് നൽകുന്നത് 3.0 ലിറ്റർ ടർബോചാർജ്ഡ് സിക്സ്-സിലിണ്ടർ പെട്രോൾ എൻജിനാണ്. 48V മൈൽഡ്-ഹൈബ്രിഡ് സിസ്റ്റവുമായി ചേർന്ന ഈ എൻജിൻ 374 PS പവറും 500 Nm ടോർക്കും ഉത്പാദിപ്പിക്കുന്നു. 8-സ്പീഡ് ഓട്ടോമാറ്റിക് ട്രാൻസ്മിഷൻ xDrive സിസ്റ്റം മികച്ച ഡ്രൈവിംഗ് അനുഭവം ഉറപ്പാക്കുന്നുണ്ട്.

മോഡൽ അനുസരിച്ച് ഓൺ-റോഡ് വില 92-94 ലക്ഷം രൂപ വരെ ആണ്. ശക്തമായ പെർഫോമൻസ്, ആഡംബര ഫീച്ചറുകൾ, BMW എന്ന ബ്രാൻഡിൻ്റെ വിശ്വസ്യത എന്നിവ പരിഗണിക്കുമ്പോൾ, സ്പോർട്ടി ലക്‌സറി സെഡാൻ വിഭാഗത്തിൽ BMW M340i ഒരു ആകർഷക ഓപ്ഷനായി മാറാൻ സാധിച്ചിട്ടുണ്ട്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.