നമ്മുടെ പിഴവുകളും അവയ്ക്കുള്ള ശിക്ഷകളും

Updated: Saturday, January 25, 2014, 12:37 [IST]

ഋഷിരാജ് സിംഗിനെ പുകഴ്ത്തി ലാലേട്ടൻ രംഗത്തുവന്നത് വാർത്തയായിരുന്നു. ഋഷിരാജ് സിംങ് വീണ്ടും കേരളത്തിലേക്ക് തിരിച്ചെത്തിയപ്പോള്‍ യുവാക്കള്‍ ഹെല്‍മെറ്റില്ലാതെ യാത്ര ചെയ്യുന്നതുകണ്ട് കുണ്ഠിതപ്പെടുകകയും ട്രാന്‍സ്‌പോര്‍ട് കമ്മീഷണറായി ചുമതലയേറ്റ അദ്ദേഹം വന്‍തോതിലുള്ള പരിഷ്‌കാരങ്ങള്‍ക്ക് തുടക്കം കുറിക്കുകയും ചെയ്യുകയാണുണ്ടായത്.

സംരക്ഷിക്കപ്പെടേണ്ടതായി പ്രത്യേകിച്ചൊന്നും തലയിലില്ലെന്ന് തിരിച്ചറിഞ്ഞവര്‍ പോലും ഹെല്‍മെറ്റില്ലാതെ പുറത്തിറങ്ങുകയില്ല എന്ന നില വന്നു. ഈ മാറ്റം മോഹന്‍ലാലിനെ കുറച്ചൊന്നുമല്ല സന്തോഷിപ്പിച്ചത്. ഋഷിരാജ്‌സിംഗിനെയും അദ്ദേഹത്തിന്റെ മീശയെയും വാനോളം പുകഴ്ത്തി ലാലേട്ടന്‍ തന്റെ ബ്ലോഗില്‍ വെച്ചുകീറി. നമ്മൾ നിരന്തരം ഏർപ്പെടാറുള്ള നിയമലംഘനങ്ങളും അവയ്ക്കുള്ള പിഴയും തടവും എന്തെല്ലാമാണെന്ന് താഴെ പരിശോധിക്കുന്നു.

'ഋഷിരാജ്‌സിംഗ് താങ്കളാണ് സൂപ്പര്‍സ്റ്റാര്‍'

റോഡപകടങ്ങളെക്കുറിച്ച് താന്‍ നിരന്തരം എഴുതിയിട്ടും ഫലമൊന്നുമുണ്ടായില്ലെന്ന് ചൂണ്ടിക്കാട്ടിയാണ് ലാലേട്ടന്‍ തുടങ്ങുന്നത്. ഇ ശ്രീധരന്‍ നായരുമായി ഋഷിരാജ് സിംഗിനെ താരതമ്യം ചെയ്യുകയും ചെയ്യുന്നു ലാലേട്ടന്‍.

ലാലേട്ടൻ എഴുതിയ ലേഖനം

മോട്ടോര്‍ വാഹന നിയമമനുസരിച്ച് ഓരോ റോഡിനും നിശ്ചയിച്ചിട്ടുള്ള വേഗതാ പരിധി ലംഘിക്കുന്നവരില്‍ നിന്ന് വലിയ തോതിലുള്ള പിഴ ഈടാക്കുവാന്‍ നിശ്ചയിക്കുകയായിരുന്നു ഋഷിരാജ് സിംഗ് ചെയ്തത്.

പിഴ, വലിയ പിഴ!

ഹെല്‍മെറ്റ് വെക്കാതെ യാത്ര ചെയ്യുന്നവരില്‍ നിന്ന് 1500 രൂപ പിഴ ഈടാക്കുവാനാണ് ഋഷിരാജ് സിംഗ് നിശ്ചയിച്ചത്. പരിശോധനയില്‍ നിന്ന് വെട്ടിച്ച് രക്ഷപ്പെടുവാന്‍ ശ്രമിക്കുന്നവര്‍ക്ക് 3300 രൂപ പിഴയും നിശ്ചയിച്ചു. ഇങ്ങനെ രക്ഷപ്പെടാന്‍ ശ്രമിക്കുന്നവര്‍ക്ക് നോട്ടീസ് നല്‍കി വിശദീകരണം ആരായും. വിശദീകരണം തൃപ്തികരമായില്ലെങ്കില്‍ ശിക്ഷ കൂടും.

ഹെല്‍മെറ്റ് വെക്കാത്തവരുടെ ലൈസന്‍സ് റദ്ദ് ചെയ്യുവാനുള്ള ഒരു നീക്കം ഇടക്കാലത്ത് നടത്തിയിരുന്നു. എന്നാല്‍ ഇത് നിയമസാധുതയില്ലാത്തതാകയാല്‍ പൊലീസ് പിന്‍മാറി. ഇക്കാര്യത്തിലുള്ള അവ്യക്തതകള്‍ അടുത്ത താളില്‍ നീക്കം ചെയ്യപ്പെടുന്നു.