CNG കാര്‍ ഉടമകള്‍ക്ക് ധാരാളം പണം ലാഭിക്കാം; ഈ നുറുങ്ങുവിദ്യകള്‍ പാലിച്ച് നോക്കൂ...

സിഎന്‍ജി (കംപ്രസ്ഡ് നാച്ചുറല്‍ ഗ്യാസ്) ഒരു വാതക ഇന്ധനമാണ്. ഇത് ഹൈഡ്രോകാര്‍ബണുകളുടെ മിശ്രിതമാണ്. പ്രധാനമായും മീഥെയ്ന്‍. CNG എന്നത് 200-250 Kg/cm² എന്ന മര്‍ദ്ദത്തില്‍ കംപ്രസ് ചെയ്ത പ്രകൃതി വാതകമാണ്. പ്രകൃതി വാതകത്തിന്റെ കംപ്രസ് ചെയ്ത രൂപം വാഹന ഇന്ധനമായി ഉപയോഗിക്കുകയാണ്. പെട്രോളിനെയോ ഡീസലിനെയോ അപേക്ഷിച്ച് CNG കൂടുതല്‍ ചെലവ് കുറഞ്ഞ ഇന്ധനമായി കണക്കാക്കപ്പെടുന്നു.

വിലയുടെ കാര്യത്തില്‍ ആണെങ്കിലും പരമാവധി ഇന്ധനക്ഷമത ഉറപ്പാക്കുന്ന കാര്യത്തിലാണങ്കിലും നമ്മള്‍ ചില ടിപ്പുകള്‍ പാലിക്കേണ്ടതുണ്ട്. നിങ്ങള്‍ ഒരു CNG കാര്‍ ഉടമയാണെങ്കില്‍ വിലയേറിയ ഇന്ധനവും പണവും ലാഭിക്കാന്‍ പിന്തുടരാവുന്ന ചില ടിപ്പുകാണ് ഞങ്ങള്‍ ഇവിടെ കുറിക്കുന്നത്.

CNG ഇന്ധന ബില്‍ എങ്ങനെ ലാഭിക്കാം

1.CNG ടാങ്ക് അമിതമായി നിറയ്ക്കുന്നത് ഒഴിവാക്കുക

2:എസി അല്ലെങ്കില്‍ ഹീറ്റര്‍ കൂടുതലായി ഉപയോഗിക്കുന്നത് ഒഴിവാക്കുക

3.CNG ഗ്യാസ് ലീഡ് മുറുക്കുക

4.ടയര്‍ മര്‍ദ്ദം എപ്പോഴും നിലനിര്‍ത്തുക

5.എഞ്ചിന്‍ ട്യൂണ്‍ അപ്പ് ചെയ്യുക

6.കൃത്യമായ ഇടവേളകളില്‍ എയര്‍ ഫില്‍ട്ടറുകള്‍ മാറ്റുക

അമിതമായി CNG നിറയ്ക്കാതിരിക്കുക

CNG ടാങ്ക് മുഴുവനായോ അതിന് മുകളിലോ നിറയ്ക്കുന്നത് ഒഴിവാക്കുക. കാരണം അങ്ങനെ ചെയ്യുമ്പോള്‍ അധിക വാതകം ചുറ്റുപാടും ചിതറിപ്പോകും. ടാങ്കില്‍ അമിതമായി നിറച്ച വാതകം പുറത്തേക്ക് ഒഴുകാന്‍ ഇത് കാരണമായേക്കാം. നാം വില കൊടുത്ത് വാങ്ങിയ വിലയേറിയ ഇന്ധനം പാഴാകാന്‍ ഇത് ഇടയാക്കും. പെട്രോള്‍, ഡീസല്‍ കാറുകളില്‍ ഇന്ധനം അമിതമായി നിറക്കാന്‍ ശുപാര്‍ശ ചെയ്യാത്തതുപോലെ തന്നെ CNG ടാങ്കിലും പ്രകൃതി വാതകം ഓവറായി നിറയ്ക്കാന്‍ പാടില്ല.

എസി/ഹീറ്റര്‍ കൂടുതലായി ഉപയോഗിക്കാതിരിക്കുക

പെട്രോള്‍ അല്ലെങ്കില്‍ ഡീസല്‍ കാറുകളെ പോലെ തന്നെ ഒരു CNG കാറിലും എയര്‍ കണ്ടീഷണറോ ഹീറ്ററോ അമിതമായി ഉപയോഗിക്കുന്നത് ഇന്ധന ഉപഭോഗത്തെ ബാധിക്കും. എസികളോ ഹീറ്ററുകളോ ഒരു പരിധിവരെ ഓണ്‍ ആണെന്ന് ഉറപ്പാക്കുക, കാരണം എസികളും ഹീറ്ററുകളും ധാരാളം ഊര്‍ജം ഉപയോഗിക്കുന്നു.

എസി അല്ലെങ്കില്‍ ഹീറ്റര്‍ പ്രവര്‍ത്തനക്ഷമമായിരിക്കുമ്പോള്‍ CNG കാറിന്റെ ഇന്ധന ഉപഭോഗം ഗണ്യമായി വര്‍ദ്ധിക്കുന്നു. പെട്രോള്‍ അല്ലെങ്കില്‍ ഡീസല്‍ കാറിന് സമാനമാണ് ഇത്. അത്തരം സാഹചര്യങ്ങളില്‍ ഇന്ധന ഉപഭോഗം കുടുന്നത് CNG കാറിന്റെ ഉടമയുടെ മൊത്തത്തിലുള്ള ഇന്ധന ബില്ലിനെ ബാധിക്കും.

CNG ഗ്യാസ് ലീഡ് എപ്പോഴും മുറുക്കുക

ഗ്യാസ് ലീഡില്‍ ചെറിയ ചോര്‍ച്ചയോ ലീക്കോ ഉണ്ടായാല്‍ ഇന്ധന ടാങ്കില്‍ നിന്ന് CNG വാതകം ബാഷ്പീകരിക്കപ്പെടാം. ഗ്യാസ് ലീഡ് മുറുക്കി അടച്ചിട്ടുണ്ടെന്ന് ഉറപ്പാക്കണം. കൂടാതെ, വാഹനം തണലിലോ മരത്തിനടിയിലോ പാര്‍ക്ക് ചെയ്യുന്നതാണ് ഏറ്റും ഉത്തമം. സൂര്യപ്രകാശം കാറിനെ നേരിട്ട് ബാധിക്കുകയും വാതകം ബാഷ്പീകരിക്കാനുള്ള ധ്യത കുറയ്ക്കുകയും ചെയ്യും.

ടയര്‍ മര്‍ദ്ദം നിലനിര്‍ത്തുക

ഇന്ധനത്തിന്റെ തരം പരിഗണിക്കാതെ തന്നെ ഇന്ധനക്ഷമത ഉറപ്പാക്കുന്നതില്‍ ടയര്‍ മര്‍ദ്ദം ഒരു പ്രധാന പങ്ക് വഹിക്കുന്നു. ടയറിലെ വായു മര്‍ദ്ദം കുറയുക എന്നതിനര്‍ത്ഥം പവര്‍ട്രെയിനില്‍ മര്‍ദ്ദം വര്‍ദ്ധിക്കുകയും അത് ഉയര്‍ന്ന ഇന്ധന ഉപഭോഗത്തിന് കാരണമാവുകയും ചെയ്യുന്നു. അതിനാല്‍ ടയര്‍ മര്‍ദ്ദം എല്ലായ്‌പ്പോഴും വാഹന നിര്‍മാതാക്കള്‍ നിര്‍ദ്ദേശിച്ച അളവില്‍ നിലനിര്‍ത്തുക.

എഞ്ചിന്‍ ട്യൂണ്‍ അപ്പ് ചെയ്യുക

മികച്ച പ്രകടനത്തിനും ഇന്ധനക്ഷമതയ്ക്കും വേണ്ടി എഞ്ചിന്‍ എപ്പോഴും ട്യൂണ്‍ ചെയ്യുക. നല്ല രീതിയില്‍ പരിപാലിക്കപ്പെടാത്ത പവര്‍ട്രെയിന്‍ തകരാറിലാകുകയും നല്ല ഇന്ധനക്ഷമത ലഭിക്കാതിരിക്കുകയും ചയ്യും.

കൃത്യമായ ഇടവേളകളില്‍ എയര്‍ ഫില്‍ട്ടറുകള്‍ മാറ്റുക

എപ്പോഴും എയര്‍ ഫില്‍ട്ടറുകള്‍ പരിശോധിച്ച് കൃത്യമായ ഇടവേളകളില്‍ മാറ്റുക. എയര്‍ ഫില്‍ട്ടര്‍ അഴുക്കും പൊടിയും കൊണ്ട് നിറഞ്ഞിരിക്കുകയാണെങ്കില്‍ പവര്‍ട്രെയിന്‍ ഉയര്‍ന്ന അളവിലുള്ള ഇന്ധനം ഉപയോഗിക്കുകയും അതിന്റെ പ്രകടനം കുറയുകയും ചെയ്യും.