Click it and Unblock the Notifications
2023 ഓട്ടോ എക്സ്പോ; ടാറ്റ, മാരുതി ബ്രാന്ഡുകളില് നിന്നും എത്തുന്ന മോഡലുകള്
രാജ്യത്തെ പ്രധാന നിര്മാതാക്കളായ ടാറ്റ മോട്ടോര്സും മാരുതി സുസുക്കിയും തങ്ങളുടെ പുതിയ കാറുകളും എസ്യുവികളും വരാനിരിക്കുന്ന ഡല്ഹി ഓട്ടോ എക്സ്പോ 2023-ല് പ്രദര്ശിപ്പിക്കാനും അവതരിപ്പിക്കാനും ഒരുങ്ങുകയാണ്.
ഇന്ത്യയിലെ ഏറ്റവും വലിയ കാര് നിര്മാതാക്കളായ മാരുതി സുസുക്കിയും ടാറ്റ മോട്ടോര്സും വരാനിരിക്കുന്ന കാറുകളുടെയും എസ്യുവികളുടെയും ശ്രേണിയുമായി 2023 ഓട്ടോ എക്സ്പോയില് മിന്നിത്തിളങ്ങുമെന്നാണ് പ്രതീക്ഷിക്കുന്നത്. ഡല്ഹി ഓട്ടോ എക്സ്പോയില് ടാറ്റ മോട്ടോര്സും മാരുതി സുസുക്കിയും പ്രദര്ശിപ്പിക്കുമെന്ന് ഞങ്ങള് വിശ്വസിക്കുന്ന ചില മോഡലുകളുടെ വിവരങ്ങളാണ് ഇവിടെ പങ്കുവെയ്ക്കുന്നത്.
2023 മാരുതി സ്വിഫ്റ്റ്
മാരുതി സുസുക്കി സ്വിഫ്റ്റ് ഏകദേശം 15 വര്ഷമായി ഇന്ത്യന് വിപണിയിലെ ഏറ്റവും ജനപ്രിയമായ ഹാച്ച്ബാക്കുകളില് ഒന്നാണ്. പുതുക്കിയ സ്വിഫ്റ്റ് 2018-ല് ഇന്ത്യന് വിപണിയില് അവതരിപ്പിച്ചു, ഇപ്പോള് ഒരു വലിയ നവീകരണത്തിനൊരുങ്ങുകയാണ് കമ്പനി ഇപ്പോള്.
2023 സ്വിഫ്റ്റ് അടുത്തിടെ യൂറോപ്പില് പരീക്ഷണയോട്ടം നടത്തുന്നതിന്റെ വിവരങ്ങള് പുറത്തുവന്നിരുന്നു. 2022 അവസാനത്തോടെ ഹാച്ച്ബാക്കിന്റെ എല്ലാ പുതിയ മോഡലുകളും ലോകമെമ്പാടും ലഭ്യമായി തുടങ്ങിയേക്കാം. ഇതിന്റെ ഇന്ത്യന് ലോഞ്ച് 2023-ന്റെ തുടക്കത്തില് സംഭവിക്കാം. 2023 സ്വിഫ്റ്റിന് പുതിയ ഹെഡ്ലാമ്പുകള്, പുതിയ ഫ്രണ്ട് ഗ്രില്, പുതുക്കിയ ബമ്പര് എന്നിവയോടുകൂടിയ നവീകരണങ്ങള് ലഭിക്കും.
2023 ടാറ്റ ഹാരിയര്
പട്ടികയിലെ രണ്ടാമത്തെ പേര് ടാറ്റ ഹാരിയര് ഫെയ്സ്ലിഫ്റ്റാണ്. ടാറ്റ ഹാരിയര് എസ്യുവി ആദ്യമായി പുറത്തിറക്കിയത് 2019-ലാണ്. നിരവധി കളര് ഓപ്ഷനുകളും പതിപ്പ് അപ്ഡേറ്റുകളും കാറിന് ലഭിച്ചിട്ടുണ്ട്. ഇപ്പോള് അതിന്റെ പുതിയ രൂപകല്പനയെക്കുറിച്ച് എന്തെങ്കിലും പറയാന് പ്രയാസമാണ്. എന്നാല് അതിന്റെ നേരായ സിലൗറ്റ് നിലവിലെ മോഡലിന് സമാനമാണ്.
അതേസമയം, അളവുകളില് മാറ്റമൊന്നും പ്രതീക്ഷിക്കുന്നില്ല. മോഡലിന് ഫ്രണ്ട്, റിയര് ബമ്പറുകള്, ഹെഡ്ലാമ്പ് സജ്ജീകരണം എന്നിവ പുനര്രൂപകല്പ്പന ചെയ്തേക്കാം. ലേഔട്ട് ഡിസൈന് മുന് തലമുറയെപ്പോലെ തന്നെ തുടരുമെന്ന് പ്രതീക്ഷിക്കുന്നു, എന്നാല് കണക്റ്റഡ് കാര് സാങ്കേതികവിദ്യയുള്ള വലിയ ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം കാറിന് ലഭിക്കുമെന്നാണ് പ്രതീക്ഷിക്കുന്നത്.
പൂര്ണമായും ഡിജിറ്റല് ഇന്സ്ട്രുമെന്റ് ക്ലസ്റ്ററും ക്യാബിനും ആധുനികവും ഉയര്ന്ന പ്രീമിയം ഫീലും നല്കുന്നതിനായി ടാറ്റ ക്യാബിനിനുള്ളില് മാറ്റങ്ങള് വരുത്തിയേക്കാം. നിലവില് 14.7 ലക്ഷം മുതല് 22.2 ലക്ഷം വരെ (എക്സ്ഷോറൂം) വിലയുള്ള പുതിയ ഹാരിയറിന് കുറഞ്ഞത് ഒരു ലക്ഷം രൂപയെങ്കിലും വില വര്ദ്ധിക്കുമെന്നും പ്രതീക്ഷിക്കാം.
മാരുതി ജിംനി 5 ഡോര്
5 ഡോര് ജിംനിയെ മാരുതി മുമ്പ് പലതവണ നിരത്തുകളില് പരീക്ഷണയോട്ടം നടത്തുന്നത് കണ്ടിട്ടുണ്ട്, അടുത്തിടെ ലേയില് പരീക്ഷണയോട്ടം നടത്തുന്നത് ശ്രദ്ധയില്പ്പെട്ടിരുന്നു. പുറത്തിറക്കുമ്പോള്, മാരുതി സുസുക്കി ജിംനി മഹീന്ദ്ര ഥാര്, ഫോഴ്സ് ഗൂര്ഖ എന്നിവയുമായി മത്സരിക്കും.
ജിംനി 5-ഡോര് ത്രീ-ഡോര് പതിപ്പിനേക്കാള് സ്റ്റൈലിഷ് ആയി കാണപ്പെടുന്നു. 5 ഡോര് പതിപ്പിന് അഞ്ച്-ഇരട്ട-സ്പോക്ക് അലോയ് വീല് ഡിസൈന്, ഹണികോംബ് മെഷ് പാറ്റേണുള്ള വലിയ ബമ്പര്, രണ്ടറ്റത്തും ഫോഗ് ലാമ്പുകള്, ടെയില്ഗേറ്റ് ഘടിപ്പിച്ച സ്പെയര് വീല് എന്നിവ ലഭിക്കുന്നു.
ടാറ്റ ആള്ട്രോസ് ഇലക്ട്രിക്
2019 ജനീവ മോട്ടോര് ഷോയില് ആള്ട്രോസ് പ്രീമിയം ഹാച്ച്ബാക്കിന്റെ ഓള്-ഇലക്ട്രിക് വേരിയന്റ് ടാറ്റ പ്രദര്ശിപ്പിച്ചിരുന്നു. ടാറ്റ ആള്ട്രോസ് ഇവി ആല്ഫ (ALFA) പ്ലാറ്റ്ഫോമിനെ അടിസ്ഥാനമാക്കിയുള്ളതാണ്.
ഇലക്ട്രിക് പ്രീമിയം ഹാച്ച്ബാക്ക് 2023 ഓട്ടോ എക്സ്പോയില് അവതരിപ്പിക്കുമെന്ന് പ്രതീക്ഷിക്കുന്നു. ഇലക്ട്രിക് പവര്ട്രെയിന്, PDU (പവര് ഡിസ്ട്രിബ്യൂഷന് യൂണിറ്റ്), ബാറ്ററി പാക്ക് തുടങ്ങിയവ ഇതിനകം ലോഞ്ച് ചെയ്ത നെക്സോണ് ഇവി പോലുള്ള നിരവധി സവിശേഷതകള് ടാറ്റ ആള്ട്രോസ് ഇവിക്ക് ലഭിക്കാന് സാധ്യതയുണ്ട്.
മാരുതി ബലേനോ ക്രോസ്
മാരുതി ബലേനോ ക്രോസ് നിരവധി തവണ ഇന്ത്യന് നിരത്തുകളില് പരീക്ഷണയോട്ടം നടത്തിയിരുന്നു. ഇതിന് വ്യത്യസ്തമായ ചരിഞ്ഞ മേല്ക്കൂരയും കൂടുതല് ഗ്രൗണ്ട് ക്ലിയറന്സും ലഭിക്കുന്നു. ഫ്രണ്ട് ഗ്രില് വലുതും വിശാലവുമായി കാണപ്പെടുന്നു, കൂടാതെ താഴ്ന്ന സെറ്റ് പ്രധാന ഹെഡ്ലൈറ്റുകളും അവയ്ക്ക് മുകളില് ഡേ-ലൈറ്റ് എല്ഇഡികളുടെ സ്ട്രീക്കുകളും ഉള്ള പ്രത്യേക ഹെഡ്ലാമ്പുകളും ഇത് കാണിക്കുന്നു.
ബലേനോയുടെ അതേ 1.2 ലിറ്റര് ഫോര് സിലിണ്ടര് ആസ്പിരേറ്റഡ് K12C ഡ്യുവല്ജെറ്റ് പെട്രോള് എഞ്ചിന് തന്നെ ബലെനോ ക്രോസിലും ഉപയോഗിക്കുമെന്ന് പ്രതീക്ഷിക്കുന്നു. ഈ എഞ്ചിന് 90 bhp പവറും 113 Nm ടോര്ക്കും ഉല്പ്പാദിപ്പിക്കുകയും 5-സ്പീഡ് മാനുവല് അല്ലെങ്കില് AMT-യുമായി ജോടിയാക്കുകയും ചെയ്യുന്നു.
ടാറ്റ കര്വ്
ഈ വര്ഷം ഏപ്രിലിലാണ് ടാറ്റ കര്വ് കണ്സെപ്റ്റ് അവതരിപ്പിച്ചത്. കൂപ്പെ ശൈലിയിലുള്ള കണ്സെപ്റ്റ് ടാറ്റയുടെ പുതിയ രൂപകല്പ്പനയാണ് കാണിക്കുന്നത്. ഇതിന്റെ ദൂരപരിധി ഏകദേശം 400 - 500 കിലോമീറ്റര് ആയിരിക്കാം, എന്നിരുന്നാലും, ഇത് ഇതുവരെ സ്ഥിരീകരിച്ചിട്ടില്ല.
Continue with Google