Click it and Unblock the Notifications
റൂഫില് ടെന്റുമായി മഹീന്ദ്ര ഥാര്; പ്രവര്ത്തനം വ്യക്തമാക്കി വീഡിയോ
വളരെ ചുരുങ്ങിയ സമയത്തിനുള്ളില് ജനപ്രീതി നേടിയ എസ്യുവിയാണ് മഹീന്ദ്ര ഥാര്. ബുക്ക് ചെയ്ത് ദീര്ഘനാളത്തെ കാത്തിരിപ്പ് കാലാവധിയും വാഹനത്തിന്റെ ജനപ്രീതി വ്യക്തമാക്കുന്നു.
ബുക്ക് ചെയ്ത് കാത്തിരിക്കുന്നവരിലേക്ക് വാഹനം വളരെ വേഗത്തില് തന്നെ എത്തിക്കുന്നതിനായി മഹീന്ദ്ര ഇതിനകം തന്നെ ഉല്പാദനം വര്ദ്ധിപ്പിച്ചു. പഴയതിനെ അപേക്ഷിച്ച് പുതുതലമുറ ഥാര് ഒരു മികച്ച വിജയമായിത്തീര്ന്നതിന്റെ പ്രധാന കാരണം ബില്ഡ് ക്വാളിറ്റിയാണ്.
ഇത് വളരെയധികം മെച്ചപ്പെടുത്തി കൂടാതെ കൂടുതല് സവിശേഷതകളും വാഗ്ദാനം ചെയ്യുന്നു. ചുരുക്കത്തില്, പുതിയ തലമുറ റോഡിലും, ഓഫ്റോഡ് അവസ്ഥകളിലും മികച്ചതെന്ന് വേണം പറയാന്. മഹീന്ദ്ര ഥാറില് ഇതിനകം നിരവധി പരിഷ്ക്കരണങ്ങള് കണ്ടുതുടങ്ങിയിട്ടുണ്ട്.
കൂടാതെ സവിശേഷമായ ഒരു പരിഷ്ക്കരണമുള്ള മറ്റൊന്നിനെയാണ് ഇവിടെ പരിചയപ്പെടുത്തുന്നത്. റൂഫില് ടെന്റ് ലഭിക്കുന്ന ഇന്ത്യയുടെ ആദ്യത്തെ 2020 മഹീന്ദ്ര ഥാര് ആയിരിക്കാം ഇത്. DCV എന്ന് പേരുള്ള യുട്യൂബ് ചാനലിലാണ് വീഡിയോ പങ്കുവെച്ചിരിക്കുന്നത്.
മേല്ക്കൂരയുടെ ഘടിപ്പിച്ചിരിക്കുന്ന ടെന്റിന്റെ പ്രവര്ത്തനങ്ങള് എങ്ങനെയെന്ന് വീഡിയോയില് വ്യക്തമാക്കുന്നു. മേല്ക്കൂരയുടെ മുകളിലെ ടെന്റില് ഉറങ്ങുമ്പോള് തനിക്ക് യാതൊരു ബുദ്ധിമുട്ടും നേരിട്ടിട്ടില്ലെന്ന് വ്ലോഗര് പറയുന്നു.
MOST READ: ഹോട്ട് ഹാച്ച് ശ്രേണിയിലെ മല്ലൻ, 140 bhp കരുത്തുമായി 2021 സ്വിഫ്റ്റ് സ്പോർട്ട് വിപണിയിൽ
ക്രമീകരിക്കാന് തനിക്ക് കുറച്ച് സമയമെടുത്തുവെന്ന് അദ്ദേഹം സമ്മതിക്കുന്നു, കൂടാതെ, മൊത്തത്തിലുള്ള അനുഭവം വളരെ മികച്ചതായിരുന്നു. വ്ലോഗര് പറയുന്നതനുസരിച്ച് ഇത് രാത്രിയില് സീറോ ഡിഗ്രിയായിരുന്നു, പക്ഷേ, തനിക്ക് കൂടുതല് തണുപ്പ് അനുഭവപ്പെട്ടിട്ടില്ലെന്നും വീഡിയോയിലൂടെ ഷെയര് ചെയ്യുന്നു.
ടെന്റ് സ്ഥാപിക്കാന് അദ്ദേഹത്തിന് 2-5 മിനിറ്റ് മാത്രമേ വേണ്ടി വന്നുള്ളൂ, പക്ഷേ അത് മടക്കിവെയ്ക്കേണ്ടി വന്നപ്പോള് കുറച്ച് സമയമെടുത്തു. ഏതാനും മിനിറ്റുകള്ക്കുള്ളില് അയാള് ടെന്റ് എളുപ്പത്തില് മേല്ക്കൂരയിലേക്ക് മടക്കിവെയ്ക്കുന്നത് വീഡിയോയില് കാണാം.
MOST READ: ഫിനാന്സ് സേവനങ്ങള് സുഗമമാക്കുക; ആക്സിസ് ബാങ്കുമായി കൈകോര്ത്ത് ജീപ്പ്
പക്ഷേ, ടെന്റിനെ സംരക്ഷിക്കുന്ന കവറാണ് കുടുതല് സമയവും എടുത്തത്. ടെയില് ഗേറ്റില് മടക്കാവുന്ന സ്റ്റൗ കൗണ്ടറും വ്ലോഗര് സ്ഥാപിച്ചിട്ടുണ്ട്. വീഡിയോയില് കണ്ട മഹീന്ദ്ര ഥാര് യഥാര്ത്ഥത്തില് സോഫ്റ്റ് ടോപ്പ് കണ്വെര്ട്ടബിള് പതിപ്പാണ്.
എസ്യുവി ഉടമകള്ക്കിടയില് ജോലി ചെയ്യുന്ന ബിംബ്ര 4 x 4 ല് നിന്നാണ് മേല്ക്കൂര സ്ഥാപിച്ചത്. ഈ ഥാറില് അവര് സ്ഥാപിച്ച മേല്ക്കൂരയുടെ മുകളിലെ ടെന്റിന് മൗണ്ടിംഗ് പോയിന്റുകളുമായിട്ടാണ് വരുന്നത്.
ടെന്റിന്റെ അടിത്തറ മേല്ക്കൂരയില് എളുപ്പത്തില് ഘടിപ്പിച്ചിരിക്കുന്നതിനാല് അവ മേല്ക്കൂരയില് തന്നെ മാറ്റങ്ങള് വരുത്തേണ്ടതില്ല. ലൈന്-X കോട്ടിംഗുള്ള ഈ ഥാറില് FRP ഹാര്ഡ് ടോപ്പിന്റെ വില 74,990 രൂപയും മേല്ക്കൂര ടോപ്പ് സ്ഥാപിക്കാനുള്ള ചെലവ് 89,990 രൂപയുമാണ്.
ഇതുകൂടാതെ, മറ്റ് പരിഷ്കാരങ്ങളൊന്നും ഥാറില് കാണാന് കഴിയില്ല. പെട്രോള്, ഡീസല് എഞ്ചിന് ഓപ്ഷനുകളില് മഹീന്ദ്ര ഥാര് ലഭ്യമാണ്. 2.0 ലിറ്റര് ടര്ബോചാര്ജ്ഡ് യൂണിറ്റാണ് പെട്രോള്.
ഈ പതിപ്പിന് 150 bhp കരുത്തും 320 Nm torque ഉം ആണ് ഉത്പാദിപ്പിക്കുന്നത്. 2.2 ലിറ്റര് ടര്ബോചാര്ജ്ഡ് യൂണിറ്റാണ് ഡീസല് പതിപ്പിന് കരുത്ത് പകരുന്നത്, ഈ യൂണിറ്റ് 130 bhp കരുത്തും 320 Nm torque ഉം ഉത്പാദിപ്പിക്കുന്നു. മാനുവല്, ഓട്ടോമാറ്റിക് ഗിയര്ബോക്സ് ഓപ്ഷനുകളില് പെട്രോളും ഡീസലും ലഭ്യമാണ്.
Image Courtesy: DCV
Continue with Google