ബുക്കിങ്ങ് 2025 വരെ തീർന്നു; സൂപ്പർ കാറിന് എന്നാ ഒരു ഡിമാൻ്റാഡാ ഉവ്വേ

ലോകമെമ്പാടുമുള്ള സൂപ്പർകാർ വാങ്ങുന്നവർക്കിടയിലെ ഏറ്റവും ആവശ്യക്കാർ കൂടുതൽ ഉളള മോഡലാണ് ലംബോർഗിനി റെവൽറ്റോ. ഏറ്റവും അമ്പരിപ്പിക്കുന്ന കാര്യം എന്താണെന്ന് വച്ചാൽ 2025 അവസാനം വരെയുളള റെവൽറ്റോ വിറ്റഴിഞ്ഞതായി ഇറ്റാലിയൻ സ്‌പോർട്‌സ് കാർ നിർമ്മാതാവ് അറിയിച്ചിരിക്കുകയാണ്.

ലംബോർഗിനി ഹുറാകാൻ, ഉറുസ് മോഡലുകളും 2025 അവസാനം വരെയുളള ബുക്കിങ്ങ് ലഭിച്ചു കഴിഞ്ഞു. 11 വർഷത്തെ ഉൽപ്പാദന പ്രവർത്തനത്തിൽ മൊത്തം റെവൽറ്റോയുടെ 11,465 യൂണിറ്റുകൾ ആഗോളവിപണിയിൽ വിറ്റത്. യുഎസിലെ സമ്പന്നരായ ആളുകൾക്കിടിയിൽ ഏറ്റവും വലിയ ഡിമാൻ്റാണ് മോഡലിന് ലഭിച്ചു കൊണ്ടിരിക്കുന്നത് എന്നാണ് മോധാവി പറയുന്നത്.

രാജ്യത്ത് ഏറ്റവും കൂടുതല്‍ വിറ്റഴിക്കപ്പെടുന്ന ലംബോര്‍ഗിനി മോഡല്‍ ഉറൂസ് സൂപ്പര്‍ എസ്‌യുവിയാണ്. രണ്ടാം സ്ഥാനം ആര്‍ക്കെന്ന് നോക്കിയാല്‍ അത് മറ്റാരുമല്ല ഹുറാകാന്‍ ആണ്. 2014-ലാണ് ഹുറാകാന്‍ ഇന്ത്യന്‍ മണ്ണില്‍ അരങ്ങേറിയത്. ലംബോര്‍ഗിനി ഗല്ലാര്‍ഡോയുടെ പകരക്കാരനായി കമ്പനിയുടെ എന്‍ട്രി ലെവല്‍ മിഡ് എഞ്ചിന്‍ഡ് സൂപ്പര്‍ കാറായി ഹുറാകാന്‍ മാറി.

രാജ്യത്ത് 150 യൂണിറ്റ് ഹുറാകാന്‍ വിതരണം ചെയ്തതായി ലംബോര്‍ഗിനി അറിയിച്ചു. ആഗോളതലത്തില്‍ അരങ്ങേറ്റം കുറിച്ചതിന് തൊട്ടുപിന്നാലെ ഒമ്പത് വര്‍ഷം മുമ്പാണ് ലംബോര്‍ഗിനി ഹുറാകാന്‍ ഇന്ത്യയിലെത്തിയത്. ആദ്യം എത്തിയ ഹുറാകാന്‍ കൂപ്പെക്ക് തൊട്ടുപിന്നാലെ സ്‌പൈഡറും വലവിരിക്കാനെത്തി. റിയല്‍ വീല്‍ ഡ്രൈവുമായി 2016-ല്‍ പെര്‍ഫോമന്റെയും 2018-ല്‍ പെര്‍ഫോമന്‍സ് സ്‌പൈഡറും എത്തി. മിഡ്ലൈഫ് അപ്ഡേറ്റ് സ്വീകരിച്ചുകൊണ്ട് ഹുറാകാന്‍ EVO കൂപ്പെയും സ്‌പൈഡറും 2019-ല്‍ എത്തി.

മുന്‍ഗാമിയേക്കാള്‍ കോസ്‌മെറ്റിക്, പവര്‍ അപ്ഗ്രേഡുകളുമായിട്ടായിരുന്നു ഫെയ്‌സ്‌ലിഫ്റ്റ് മോഡലിന്റെ വരവ്. 2021-ല്‍ STO (സൂപ്പര്‍ ട്രോഫിയോ ഒമലോഗറ്റ) പതിപ്പ് ബ്രാന്‍ഡിന്റെ റേസ കാറിന്റെ റോഡ്-ലീഗല്‍ ഹോമോലോഗേറ്റഡ് പതിപ്പ് കൊണ്ടുവന്നതോടെ വീണ്ടും ഹുറാകാന്‍ വീണ്ടും വലുതായി. മോഡലിന്റെ ഉല്‍പ്പാദനം അവസാനിച്ചതോടെ 2022-ല്‍ ഹുറാകാന്‍ ടെക്നിക്ക, ഹുറാകാന്‍ സ്റ്റെറാറ്റോ എന്നിവ കൊണ്ടുവന്നു. ഇന്ത്യന്‍ ഭൂപ്രകൃതിക്ക് അനുയോജ്യമായ ഗ്രൗണ്ട് ക്ലിയറന്‍സും ഓള്‍-വീല്‍ ഡ്രൈവും ഉള്ള സൂപ്പര്‍കാറിന്റെ ആദ്യ ഓള്‍-ടെറൈന്‍ പതിപ്പാണ് ഹുറാകാന്‍ സ്‌റ്റെറാറ്റോ.

'ദൈനം ഡ്രൈവിംഗ് മുതല്‍ ട്രാക്കിലെ ത്രില്ലിംഗ് പെര്‍ഫോമന്‍സടക്കം എല്ലാ പരിതസ്ഥിതിയിലും സൂപ്പര്‍ സ്പോര്‍ട്സ് വികാരം പ്രദാനം ചെയ്യുന്ന ഒരു കാറായിട്ടാണ് ഹുറാകാന്‍ രൂപകല്‍പ്പന ചെയ്തിരിക്കുന്നത്. ഹുറാക്കന്റെ ഓരോ ആവര്‍ത്തനവും ആ ലംബോര്‍ഗിനി ഫിലോസഫിക്ക് അനുസൃതമായി നിലകൊള്ളുന്നു. 150-ാമത് ഹുറാകാന്‍ ഇന്ത്യയില്‍ ഡെലിവറി ചെയ്യുന്നത് സൂപ്പര്‍ സ്പോര്‍ട്സ് കാര്‍ സെഗ്മെന്റിലേക്ക് ഉപഭോക്താക്കള്‍ ആകര്‍ഷിക്കപ്പെടുന്നതിന്റെ തെളിവ് തന്നെയാണ്.

നാചുറലി ആസ്പരേറ്റഡ് പവര്‍ട്രെയിനിന്റെ സാന്നിധ്യമാണ് ഹുറകാനെ പ്രധാന എതിരാളികളായ ഫെറാറി, മക്‌ലാരന്‍ എന്നിവയില്‍ നിന്ന് മാറ്റി നിര്‍ത്തിയത്. പവര്‍ട്രെയിനിനെക്കുറിച്ച് പറയുകയാണെങ്കില്‍, ലംബോര്‍ഗിനി ഹുറാകാന്‍ 602 bhp പവറും 560 Nm പീക്ക് ടോര്‍ക്കും നല്‍കുന്ന 5.2 ലിറ്റര്‍, നാച്ചുറലി ആസ്പിറേറ്റഡ്, V10 എഞ്ചിനാണ് ഉപയോഗിക്കുന്നത്. കൂടാതെ, ഈ എഞ്ചിന്‍ 7-സ്പീഡ് ഡ്യുവല്‍-ക്ലച്ച് ട്രാന്‍സ്മിഷനുമായി ജോടിയാക്കിയിരിക്കുന്നു.

കൂടാതെ സൂപ്പര്‍കാറിന്റെ മിക്ക വേരിയന്റുകളും ഓള്‍വീല്‍ഡ്രൈവാണ്. 12 റോഡ്, മൂന്ന് റേസിംഗ് പതിപ്പുകളിലൂടെയാണ് ലംബോര്‍ഗിനി ഹുറകാന്‍ ഒമ്പത് വര്‍ഷക്കാലം വിപണിയില്‍ തുടര്‍ന്നത്. ലംബോര്‍ഗിനി ഹുറാകാന്‍ ഡിസൈന്‍, എഞ്ചിനീയറിംഗ്, പെര്‍ഫോമന്‍സ് എന്നിവയില്‍ ബ്രാന്‍ഡിന്റെ മികവിന്റെ പ്രതീകമായി നിലകൊള്ളുന്നു. സൂപ്പര്‍ സ്പോര്‍ട്സ് കാറിന്റെ ആകര്‍ഷകമായ രൂപവും അസാധാരണമായ ഡ്രൈവിംഗ് അനുഭവവും ഇന്ത്യയിലെ കാര്‍ പ്രേമികള്‍ക്കിടയില്‍ ഹുറകാനെ ഒരു ജനപ്രിയ ഓപ്ഷനാക്കി മാറ്റി.