മാറ്റങ്ങൾക്കൊരുങ്ങി ഇന്ത്യൻ റെയിൽവേ അത്യാഡംബര കോച്ചുകളിറക്കി

രാജധാനി, ശതാബ്ദി കോച്ചുകളേക്കാൾ നിർമാണച്ചിലവ് വളരെയധികം കുറവാണെന്നാണ് റെയിൽവെ മന്ത്രാലയത്തിലൊരു ഉയർന്ന ഉദ്യോഗ്സ്ഥൻ വ്യക്തമാക്കിയത്.

നിലവിലെ ഓരോ കോച്ചുകളുടേയും നിർമാണ ചിലവ് 2.75 കോടിയാണെങ്കിൽ ടാൽഗോയുടെ ഒരു കോച്ചിന് വീതം 1.7കോടി രൂപയുടെ ചിലവേ ആകുന്നുള്ളൂ.

ഇതുമൂലം ഓരോ കോച്ചിനും ഒരു കോടിരൂപയുടെ ലാഭമാണ് റെയിൽവേയ്ക്കുണ്ടാകുന്നത്. മാത്രമല്ല മറ്റ് ട്രെയിനുകളെ അപേക്ഷിച്ച് ടാൽഗോയ്ക്ക് മുപ്പത് ശതമാനം കുറവ് വൈദ്യുതി ചിലവ് മതി.

രാജധാനി, ശതാബ്ദി ട്രെയിനുകളേക്കാൾ അമ്പത് ശതമാനം അധിക വേഗതയുള്ളതിനാൽ യാത്രാസമയവും വളരെ കുറച്ച് മതി.

ദില്ലി-മുംബൈ റൂട്ടിൽ രാജധാനി എക്സ്പ്രെസിന് മണിക്കൂറിൽ 85കിലോമീറ്റർ വേഗതയാണുള്ളതെങ്കിൽ ടാൽഗോ 125km/h വേഗതയിലാണ് ഓടുക.

അതിനാൽ പതിനേഴ് മണിക്കൂർ എടുക്കുന്ന സ്ഥാനത്ത് വെറും പന്ത്രണ്ട് മണിക്കൂറിൽ ദില്ലിയിൽ നിന്ന് മുംബൈയിലെത്താനാകും.

ബാർസിലോണയിൽ നിന്നും ടാൽഗോ ട്രെയിനിന്റെ ഒമ്പത് കോച്ചുകൾ ഇതിനകം തന്നെ മുംബൈ പോർട്ടിൽ എത്തിച്ചേർന്നിട്ടുണ്ട്.

ഈ ട്രെയിനുകളെ മറ്റ് റൂട്ടിലേക്ക് അനുവദിക്കുന്ന പക്ഷം തിരുവന്തപുരത്ത് നിന്ന് ദില്ലിയിലെത്താൻ വെറും പതിനഞ്ച് മണിക്കൂർ മതിയാകും.

നിലവിലെ ട്രാക്കുകളിൽ മാറ്റങ്ങളൊന്നും വരുത്താതെ ഈ ട്രെയിനുകൾക്ക് 160 മുതൽ 200 കിലോമീറ്റർ വരെ വേഗതയിൽ ഓടാനാകുമെന്നാണ് കമ്പനി അവകാശപ്പെടുന്നത്.

പരീക്ഷണയോട്ടം ചിലവില്ലാതെ തന്നെ നടത്താൻ കമ്പനി തയ്യാറാണെന്നാണ് റെയിൽവെ അധികൃതർ അറിയിച്ചത്.

പരീക്ഷണയോട്ടം വിജയിച്ചാൽ നിലവിലെ ട്രാക്കുകളിൽ തന്നെ ഓടാൻ കഴിയുന്ന ഈ അതിവേഗ ട്രെയിനുകളെ ഉടൻ പാളത്തിൽ ഇറക്കുന്നതായിരിക്കും.

ടാൽഗോ ട്രെയിൻ ഇന്റീരിയർ

ടാൽഗോ ട്രെയിൻ ഇന്റീരിയർ

ടാൽഗോ ട്രെയിൻ ഇന്റീരിയർ

ടാൽഗോ ട്രെയിൻ ഇന്റീരിയർ

ടാൽഗോ ട്രെയിൻ ഇന്റീരിയർ

ഹോസ്റ്റസ്‍മാരും വിമാനതുല്യ സജ്ജീകരണങ്ങളുമായി ഗതിമാൻ എക്സ്പ്രസൊരുങ്ങി

വിവേക് എക്സ്പ്രെസിനെ കുറിച്ച് ചില രസകരമായ കാര്യങ്ങൾ