പുനീത് രാജ്കുമാറിന്റെ ബൈക്ക് ലേലം ചൂടുപിടിക്കുന്നു

റോയല്‍ എന്‍ഫീല്‍ഡ് ബൈക്ക് മോഡിഫൈ ചെയ്താണ് പുനീത് രാജ്കുമാര്‍ ഈ ബൈക്ക് നിര്‍മിച്ചെടുത്തത്. ബങ്കളുരുവില്‍ ജയനഗറിലുള്ള ഒരു ട്യൂണിംഗ് സ്ഥാപനമാണ് ബൈക്ക് മോഡിഫൈ ചെയ്തു കൊടുത്തത്.

മനുഷ്യന്റെ അസ്ഥികൂടത്തിന്റെ ആകൃതിയിലുള്ള ഈ നിര്‍മിതി പൊതിവഴിയിലിറക്കാന്‍ അനുവാദമില്ല എന്നുകൂടി ഓര്‍ക്കേണ്ടതുണ്ട്.

ഫെബ്രുവരി 20ന് തുടങ്ങിയ ലേലം വിളി ഇപ്പോഴും തുടരുകയാണ്. മാര്‍ച്ച് 20 വരെ വിളി നടക്കും. പുനീതിന്റെ ബൈക്കിന് അഞ്ച് ലക്ഷം രൂപയെങ്കിലും ലഭിക്കുമെന്നാണ് ലേലം നടത്തിപ്പുകാരുടെ പ്രതീക്ഷ.

ഇനി ഏഴ് ദിവസവും ഏതാനും മണിക്കൂറുകളുമാണ് അവശേഷിക്കുന്നത്. ഇതിനകം തന്നെ 355001 രൂപ വരെ വിളിച്ചെത്തിയിട്ടുണ്ട്.

ക്രഡിറ്റ് കാര്‍ഡ്, ഡെബിറ്റ് കാര്‍ഡ്, ഓണ്‍ലൈന്‍ ബാങ്കിംഗ് തുടങ്ങിയ വഴികളിലൂടെ ലേലത്തിന് പണമടയ്ക്കാവുന്നതാണ്.

ലേലംവിളി സാന്‍ഡല്‍വുഡില്‍ ഒരു ട്രെന്‍ഡായി മാറുകയാണ്. സെലിബ്രിറ്റി ക്രിക്കറ്റ് ലീഗ് കര്‍ണാടക കാപ്റ്റന്‍ കിച്ച സുദീപിന്റെ ഓട്ടോഗ്രാഫോടു കൂടിയ ഒരു ക്രിക്കറ്റ് ബോള്‍ ലേലത്തിനൊരുങ്ങുന്നുണ്ട്.

ലേലത്തിന് വരാനിരിക്കുന്ന മറ്റൊരു ഉരുപ്പടി മംഗലാപുരംകാരിയായ കന്നഡ താരം രാധികാ പണ്ഡിറ്റിന്റെ വസ്ത്രമാണ്.

ലേലത്തിന്റെ അവസാനനാളുകളിലേക്കാണ് ഇപ്പോള്‍ ഏവരും ഉറ്റുനോക്കുന്നത്. ലേലക്കാര്‍ക്കിടയില്‍ സംഗതി ചൂടുപിടിക്കുകയാണെങ്കില്‍ ബൈക്ക് 5 ലക്ഷത്തിനു മുകളില്‍ വിളിക്കാനിടയുണ്ടെന്നാണ് കരുതപ്പെടുന്നത്. ലേലം നടക്കുന് സ്ഥലത്തേക്ക് ഈ ലിങ്ക് വഴി പോകാം (http://www.follo.co.in/starauctions/auctionhome.aspx?auctionid=5)