യന്ത്രമനുഷ്യനുമായി ഒബാമയുടെ അഭിമുഖം

അസിമോ റോബോട്ടിന്റെ ശേഷികള്‍ ഒബാമയെയും അതുവഴി ലോകത്തെയും അറിയിക്കുക എന്ന ഉദ്ദേശ്യത്തോടെയാണ് അസിമോയുടെ സന്ദര്‍ശനപരിപാടി സംഘടിപ്പിച്ചത്. 'മിസ്റ്റര്‍ പ്രസിഡണ്ട്, ഞാന്‍ അസിമോ, ഒരു ഹ്യൂമനൈസ്ഡ് റോബോട്ട്. താങ്കളെ കാണാന്‍ കഴിഞ്ഞതില്‍ സന്തോഷിക്കുന്നു' എന്ന വാക്കുകളോടെ റോബോട്ട് തന്നെയാണ് സംഭാഷണത്തിനു തുടക്കമിട്ടത്.

തുടര്‍ന്ന് ചാടല്‍, ഓടല്‍, ഫൂട്‌ബോള്‍ തട്ടല്‍ തുടങ്ങി തനിക്ക് ചെയ്യാന്‍ ശേഷിയുള്ള വിവിധ കാര്യങ്ങളുടെ പ്രദര്‍ശനമായിരുന്നു. എല്ലാ ദിവസവും താന്‍ പുതിയ കാര്യങ്ങള്‍ പഠിക്കുന്നതായും ഭാവിയില്‍ വീടുകള്‍ താനൊരു മികച്ച സഹായിയായി മാറുമെന്നും റോബോട്ട് ഒബാമയെ ധരിപ്പിച്ചു. അസിമോയുടെ പ്രവര്‍ത്തനങ്ങളെക്കുറിച്ച് കൂടുതലറിയാം താളുകളില്‍.

അസിമോ എന്ന ചുരുക്കപ്പേരിനെ വലിച്ചുനീട്ടിയാല്‍ 'അഡ്വാന്‍സ്ഡ് സെറ്റെപ് ഇന്‍ ഇന്നവേറ്റീവ് മൊബിലിറ്റി' എന്നു ലഭിക്കുന്നു. ലോകത്തിലെ ഏറ്റവും വികസിതമായ മനുഷ്യരൂപമുള്ളതും മനുഷ്യന്റേതിനു സമാനമായ പ്രവര്‍ത്തനശേഷികള്‍ ഉള്ളതുമായ റോബോട്ടാണിത്. ഈ റോബോട്ടിന് നടക്കുവാനും ഓടുവാനും പടികളിറങ്ങിക്കയറുവാനുമെല്ലാം സാധിക്കും.

വസ്തുക്കളെ തിരിച്ചറിയാനും മനുഷ്യന്റെ മുഖഭാവങ്ങള്‍ മനസ്സിലാക്കുവാനുമുള്ള ശേഷിയും അസിമോയ്ക്കുണ്ട്. റോബോട്ടിന്റെ മോന്തായം നിറയെ ഉയര്‍ന്ന ശേഷിയുള്ള സെന്‍സറുകളും കാമറകളുമാണ്. ചലിക്കുന്നതും ചലിക്കാത്തതുമായ വസ്തുക്കളെ തിരിച്ചറിയാനും അവയില്‍ നിന്നും വിട്ടുനടക്കാനും റോബോട്ടിന് സാധിക്കും.

അസിമോയുടെ ഏറ്റവും പുതിയ പതിപ്പാണ് അമേരിക്കന്‍ പ്രസിഡണ്ടിനെ കാണാനെത്തിയത്. കഴിഞ്ഞ 20 വര്‍ഷമായി ഈ റോബോട്ടിനെ വികസിപ്പിച്ചെടുത്തുകൊണ്ടിരിക്കുന്നു. ഓരോ പുതിയ സാങ്കേതികതയും കൂട്ടിച്ചേര്‍ത്ത് അനുദിനം പുതുക്കിക്കൊണ്ടിരിക്കുകയാണ് ഈ റോബോട്ടിനെ. ഒബാമയെ കണ്ടത് അസിമോയുടെ പന്ത്രണ്ടാമത്തെ പതിപ്പാണ്.

മണിക്കൂറില്‍ 5.5 മൈല്‍ വേഗതയില്‍ ഓടാന്‍ കഴിയും. ഓടുന്നതിനിടയ്ക്ക് പെട്ടെന്ന് ദിശ മാറ്റുവാനും ശേഷിയുണ്ട് ഈ റോബോട്ടിന്.

വീഡിയോ

വീഡിയോ