അമേരിക്കൻ പൊലീസ് കാറിൻ്റെ ഇൻ്റീരിയർ കണ്ടോ! നമ്മുടെ മാമൻമാർക്കും വേണ്ടേ ഇത് പോലെയൊരു വണ്ടി, വീഡിയോ കാണാം

പൊലീസ് വണ്ടി കണ്ടാൽ എപ്പോഴും ഒരു ഭയം ഉണ്ടാകാറുണ്ടോ നിങ്ങൾക്ക്. എന്തിനാണ് പൊലീസ് മാമൻമാരെ ഭയക്കുന്നത്. കുറ്റം ചെയ്യുന്നവരല്ലേ ശരിക്കും പൊലീസ് ഉദ്യോഗസ്ഥരെ കാണുമ്പോൾ പേടിക്കുന്നത്. പൊലീസ് വാഹനങ്ങളുടെ ഉൾവശം എപ്പോഴെങ്കിലും നിങ്ങൾ കണ്ടിട്ടുണ്ടോ. മഹീന്ദ്രയുടേയൊടാറ്റയുടെ വാഹനങ്ങളാണ് സാധാരണ ഇന്ത്യയിൽ പൊലീസ് ഉദ്യോഗസ്ഥർക്ക് നൽകുന്ന വാഹനം. ബൊലേറോ, സുമോ എന്നിവരൊക്കെ പൊലീസിൻ്റെ സാരഥികളാണ്. ഇംഗ്ലീഷ് സിനിമകളിൽ അമേരിക്കൻ പൊലീസ് വാഹനങ്ങളുടെ ഇൻ്റീരിയർ നിങ്ങൾ ശ്രദ്ധിച്ചിട്ടുണ്ടാകാം. അമേരിക്കൻ പൊലീസ് വാഹനത്തിൻ്റെ ഇൻ്റീരിയർ പരിചയപ്പെടുത്തുന്ന ഒരു വീഡിയോ ഇപ്പോൾ സമൂഹമാധ്യമങ്ങളിൽ വൈറലായിരിക്കുകയാണ്.

യുഎസ്എയിൽ പോലീസ് ഡിപ്പാർട്ട്‌മെൻ്റിൽ ജോലി ചെയ്യുന്ന ഒരു ഇന്ത്യക്കാരനോട് വ്ലോഗർ സംസാരിക്കുന്നത് കാണാം. ഇൻ്റീരിയർ കാണിക്കാനും അതിലെ ഫീച്ചറുകളെ കുറിച്ച് കുറച്ച് സംസാരിക്കാനും വ്ലോഗർ ഓഫീസറോട് അഭ്യർത്ഥിച്ചിരിക്കാം. ഈ വീഡിയോയിൽ ഉദ്യോഗസ്ഥൻ ഉപയോഗിച്ച കാർ ഒരു ഡോഡ്ജ് ഡുറങ്കോ എസ്‌യുവിയാണ്. പോലീസ് ഡിപ്പാർട്ട്‌മെൻ്റിന് വേണ്ടിയാണ് എസ്‌യുവി കസ്റ്റമൈസ് ചെയ്തിരിക്കുന്നത്. ഈ വീഡിയോയിൽ ഓഫീസർമാരെ അവരുടെ ജോലി ചെയ്യാൻ സഹായിക്കുന്ന ചില ഫീച്ചറുകളെ കുറിച്ച് ഉദ്യോഗസ്ഥൻ പറയുന്നത് കാണാം.

എസ്‌യുവിയുടെ ഡാഷ്‌ബോർഡിൽ സ്ഥാപിച്ചിരിക്കുന്നത് വലിയ ഫ്ലോട്ടിംഗ് സ്‌ക്രീൻ ആണ്. ഉദ്യോഗസ്ഥന് സ്‌ക്രീൻ ചുറ്റും നീക്കാനും സ്‌ക്രീൻ വ്യക്തമായി കാണാനും കഴിയുന്ന തരത്തിൽ ഇത് ഒരു സ്റ്റാൻഡിൽ ഇൻസ്റ്റാൾ ചെയ്തിരിക്കുകയാണ്. സ്‌ക്രീൻ സിസ്റ്റവുമായും കൺട്രോൾ റൂമുമായും ബന്ധിപ്പിച്ചിരിക്കുന്നു. ഒരു വാഹനത്തിൻ്റെ വിശദാംശങ്ങൾ നൽകാനും അത് ഏതെങ്കിലും തരത്തിലുള്ള ലംഘനത്തിലോ കുറ്റകൃത്യത്തിലോ ഉൾപ്പെട്ടിട്ടുണ്ടോയെന്ന് പരിശോധിക്കാനും ഈ സ്‌ക്രീൻ ഉപയോഗിക്കാം.

എസ്‌യുവിയുടെ ഡ്രൈവർ സൈഡ് എ പില്ലറിലും ഒരു സ്പോട്ട്‌ലൈറ്റ് ഉണ്ട്. ക്യാബിനിനുള്ളിൽ ഒരു ഹാൻഡിൽ ഉപയോഗിച്ച് ഇത് നിയന്ത്രിക്കാം. ഈ സ്‌പോട്ട്‌ലൈറ്റ് ഉപയോഗിച്ച്, ഉദ്യോഗസ്ഥന് ലൈസൻസ് പ്ലേറ്റോ വീടിൻ്റെ നമ്പറോ വിലാസമോ അല്ലെങ്കിൽ കാറിൻ്റെ ക്യാബിനിനുള്ളിൽ പോലും പുറത്തിറങ്ങാതെ പരിശോധിക്കാൻ കഴിയും. സംശയാസ്പദമായ എന്തെങ്കിലും കണ്ടെത്തിയാൽ, അയാൾക്ക് ബാക്കപ്പിനായി വിളിക്കാനുളള സംവിധാനവുമുണ്ട്.

ഈ പ്രത്യേക കാറിൽ പെട്ടെന്ന് ശ്രദ്ധയിൽപ്പെടുന്നത്, വാഹനത്തിൽ നിന്ന് ഇറങ്ങാതെ തന്നെ ഏത് വാഹനത്തെയും കുറിച്ചുള്ള വിശദാംശങ്ങൾ ഉദ്യോഗസ്ഥന് ആക്സസ് ചെയ്യാൻ കഴിയും എന്നതാണ്. വികസിത രാജ്യമാണ് അമേരിക്ക പോലൊരു സ്ഥലത്ത് കുറ്റകൃത്യങ്ങളുടെ എണ്ണവും കുറവല്ല. അത് കൊണ്ട് ക്രമസമാധാനപാലനത്തിന് വേണ്ടി ഏറ്റവും മികച്ച സംവിധാനങ്ങൾ തന്നെ ഒരുക്കേണ്ടത് വളരെ അത്യാവശം തന്നെയാണ്.

മിയാമിയിലെ ബീച്ച് പൊലീസ് തങ്ങളുടെ പുതിയ പട്രോളിങ്ങ് കാറായ റോൾസ് റോയ്സിൻ്റെ വീഡിയോ പുറത്ത് വിട്ടത് വൻ വൈറലായിരുന്നു. റോൾസ് റോയ്സിൻ്റെ ഏറ്റവും ജനപ്രിയ മോഡലായ ഗോസ്റ്റാണ് മിയാമി ബീച്ച് പൊലീസ് സ്വന്തമാക്കിയിരിക്കുന്നത്. ഇന്ത്യയിൽ റോൾസ് റോയ്സ് ഏറ്റവും കൂടുതൽ ഉപയോഗിക്കുന്നത് അംബാനി കുടുംബമാണ്. 563 bhp പവറിൽ പരമാവധി 820 Nm torque വരെ ഉത്പാദിപ്പിക്കുന്ന 6.75 ലിറ്റർ V12 എഞ്ചിനാണ് ഗോസ്റ്റിന്റെ ഹൃദയം. എഞ്ചിൻ എട്ട് സ്പീഡ് ഓട്ടോമാറ്റിക് ട്രാൻസ്മിഷനുമായി ജോടിയാക്കിയിരിക്കുന്നു.

കൂടാതെ വെറും 4.6 സെക്കൻഡിനുള്ളിൽ കാറിന് 0 മുതൽ 100 കിലോമീറ്റർ വേഗത കൈവരിക്കാൻ കഴിയുമെന്നും ബ്രിട്ടീഷ് ആഡംബര ബ്രാൻഡ് പറയുന്നു. ഗംഭീരമായ പെർഫോമൻസ് ഉണ്ടെങ്കിലും ഗോസ്റ്റ് അവിശ്വസനീയമാംവിധമുള്ള യാത്രയാണ് സമ്മാനിക്കുന്നത് എന്ന കാര്യവും എടുത്തു പറയേണ്ട കാര്യമാണ്. വിപുലമായ നോയിസ് ഇൻസുലേഷനും പുതിയ എയർ സസ്പെൻഷൻ സിസ്റ്റവുമാണ് ഇക്കാര്യം കൈവരിക്കാൻ റോൾസ് റോയ്‌സ് ഗോസ്റ്റിനെ സഹായിക്കുന്നത്.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.