ഹോളി ആഘോഷിക്കുന്നതൊക്കെ കൊള്ളാം, വാഹനത്തിൽ പറ്റിപിടിച്ച നിറം കഴുകി കളയേണ്ടത് ഇങ്ങനെ

നിറങ്ങളുടെ ആഘോഷമാണല്ലോ ഹോളി. എന്നാൽ ഹോളി ആഘോഷിക്കുമ്പോൾ നിങ്ങളുടെ ദേഹത്ത് കളർ പൊടി വീണാൽ കഴുകി കളയാം എന്ന് വിചാരിക്കാം, എന്നാൽ നിങ്ങളുടെ വാഹനത്തിൽ കളർ പൊടി വീണ കറ എങ്ങനെ കഴുകി കളയണമെന്ന് അറിയാമോ. പലരും വെളളം ഒഴിക്കാതെ പൊടി തൂത്ത് കളയാറുണ്ട് എന്നാൽ അങ്ങനെ ചെയ്താൽ നിങ്ങളുടെ വാഹനത്തിൻ്റെ കളറിന് തന്നെയാണ് ദോഷം. ചിലപ്പോൾ, നമ്മുടെ കാറുകൾ, മോട്ടോർസൈക്കിളുകൾ, സ്കൂട്ടറുകൾ എന്നിവയിൽ നിന്നുള്ള കറ നീക്കം ചെയ്യുക എന്നത് കഷ്ടപ്പാട് നിറഞ്ഞ ജോലി തന്നെയാണ്.

എന്നാൽ വലിയ ബുദ്ധിമുട്ടില്ലാതെ നിങ്ങളുടെ വാഹനത്തിൽ പറ്റിപിടിച്ച കറകൾ നീക്കം ചെയ്യാനുളള വഴികൾ അറിഞ്ഞുവയ്ക്കുന്നത് നല്ലതാണ്. പാടുകൾ എത്രത്തോളം നിലനിൽക്കുന്നുവോ അത്രത്തോളം അവ നീക്കം ചെയ്യാൻ ബുദ്ധിമുട്ടാണ് എന്നത് ശ്രദ്ധിക്കേണ്ടതാണ്. നിങ്ങളുടെ വാഹനത്തിൽ കളർ സ്റ്റെയിൻസ് ശ്രദ്ധയിൽപ്പെട്ടാൽ ഉടൻ തന്നെ അത് മാറ്റാനുളള ശ്രമം ആരംഭിച്ചാൽ നല്ലതാണ്.

അതോടൊപ്പം നിങ്ങളുടെ വാഹനത്തിൻ്റെ പെയിൻ്റിൽ കഠിനമായ രാസവസ്തുക്കളോ ഉരച്ചിലുകളുള്ള ക്ലീനറോ ഉപയോഗിക്കുന്നത് ഒഴിവാക്കുക. മൃദുവായ കാർ വാഷ് സോപ്പ് പോലുള്ള മൃദുവായ ക്ലീനിംഗ് സൊല്യൂഷനുകൾ തിരഞ്ഞെടുക്കാൻ ശ്രദ്ധിക്കുക. പെയിൻ്റിന് കേടുപാടുകൾ വരുത്താതെ കളർ മാറ്റാൻ ഇത് സഹായിക്കുന്നു. ഏതെങ്കിലും ക്ലീനിംഗ് ലായനി പ്രയോഗിക്കുന്നതിന് മുമ്പ്, നിങ്ങളുടെ വാഹനം വെള്ളം ഉപയോഗിച്ച് നന്നായി കഴുകുക. ഇത് കളർ സ്റ്റെയിനുകൾ മങ്ങുവാനും പെയിൻ്റിൽ കൂടുതൽ ഇറങ്ങി ചെല്ലുന്നത് തടയാനും സഹായിക്കും.

കളർ പാടുകൾ മൃദുവായി സ്‌ക്രബ് ചെയ്യാൻ മൃദുവായ തുണി അല്ലെങ്കിൽ സ്‌പോഞ്ച് ഉപയോഗിക്കുക. സ്‌ക്രബ്ബിംഗ് പാഡുകളോ ബ്രഷുകളോ പോലുള്ള മൂർച്ചയുളളതും കട്ടിയുളളതുമായ വസ്തുക്കൾ ഉപയോഗിക്കുന്നത് ഒഴിവാക്കുക, കാരണം അവ വാഹനത്തിൻ്റെ പെയിൻ്റിൽ പാടുകൾ ഉണ്ടാക്കും. നിങ്ങളുടെ വാഹനത്തിൽ നിന്ന് കളർ സ്റ്റെയിൻസ് നീക്കംചെയ്യുന്നതിന് ക്ഷമയും ഒന്നിലധികം റൗണ്ട് വൃത്തിയാക്കലും ആവശ്യമായി വന്നേക്കാം. മികച്ച ഫലങ്ങൾ ഉറപ്പാക്കാൻ വളരെ സമയമെടുത്ത് വൃത്തിയാക്കേണ്ടി വരും.

കാറിന്റെ സംരക്ഷണത്തിൽ പെയിന്റ് പോയാൽ വണ്ടിയൊന്ന് വിൽക്കണമെന്ന് തോന്നിയാൽ പോലും പ്രതീക്ഷിക്കുന്ന വില കിട്ടിയെന്നു വരില്ല. അതിനാൽ കാറിന്റെ പെയിന്റിന്റെ കാര്യത്തിൽ പ്രത്യേക ശ്രദ്ധതന്നെയാണ് വേണ്ടത്. ബോഡിയുടെ ഒരു ചെറിയ ഭാഗം പെയിന്റടിക്കാൻ വലിയ ചെലവാണുള്ളത്. മാത്രമല്ല സ്റ്റോക്ക് കണ്ടീഷനിൽ കിട്ടാനും വലിയ പാടാണ്. ഇന്റീരിയർ അല്ലെങ്കിൽ മറ്റ് ഭാഗങ്ങൾ പരിപാലിക്കുന്നത് പോലെ തന്നെ ബോഡിയുടെ കാര്യത്തിലും പ്രത്യേക ശ്രദ്ധവേണം.

ഒരു പുത്തൻ കാർ വാങ്ങിയാൽ പലരും ഇന്ന് ആദ്യ ചെയ്യുന്ന കാര്യങ്ങളിൽ ഒന്നാണ് സെറാമിക് കോട്ടിംഗ് ചെയ്യുക എന്നത്. ഇതൊരു പെയിന്റ് സീലന്റ് ആണെന്ന് പറയാം. സെറാമിക് കോട്ടിംഗ് വാഹനത്തിന്റെ പുറംഭാഗത്ത് ഉപയോഗിക്കുന്ന ഒരു ദ്രാവക പോളിമറാണ്. ഈ കോട്ടിംഗ് വാഹനത്തിന്റെ ഫാക്ടറി പെയിന്റുമായി ചേർന്ന് ഒരു സംരക്ഷണ പാളി തീർക്കുന്ന ജോലിയാണ് ചെയ്യുന്നത്.

ഒരു സെറാമിക് കോട്ടിംഗ് വാക്‌സ് ചെയ്യുന്നതിനേക്കാൾ കൂടുതൽ നീണ്ടുനിൽക്കും എന്നാണ് പഠനങ്ങൾ തെളിയിച്ചിരിക്കുന്നത്. നല്ല നിലവാരമുള്ള സെറാമിക് കോട്ടിംഗ് ഉപയോഗിക്കുന്നതും അത് വേണ്ട രീതിയിൽ ശ്രദ്ധിക്കുന്നതും ഒരു വർഷത്തിലേറെ നിലനിർത്താൻ സഹായിക്കും. സെറാമിക് കോട്ടിംഗിന്റെ ഏറ്റവും പ്രധാനപ്പെട്ട മറ്റൊരു സവിശേഷതകളിലൊന്ന് അത് ഹൈഡ്രോഫോബിക് ആണെന്നതാണ്. വാഹനത്തിലേക്ക് ചെളി തെറിച്ചാലും പെയിൻ്റുമായി ചേരാനുളള സമയം ഇത് കൊടുക്കുന്നില്ല.

കാറിന്റെ പുറംഭാഗം വാക്‌സിംഗ് ചെയ്യുന്നത് പെയിന്റിന് മുകളിൽ ഒരു സംരക്ഷണം നൽകുന്നതിന് സമാനമാണ്. ഇത് അഴുക്ക്, പൊടി, മലിനീകരണം, വെള്ളം, മറ്റ് ദോഷകരമായ വസ്തുക്കൾ എന്നിവയിൽ നിന്ന് പെയിന്റിനെ സംരക്ഷിക്കുന്ന കാര്യമാണ്. ചെറിയ പോറലുകളിൽ നിന്നും മറ്റ് ചെറിയ പാടുകളിൽ നിന്നും രക്ഷനേടാനും ഒരു നല്ല വാക്‌സിന്റെ ഉപയോഗത്തിലൂടെ സാധിക്കും. കൃത്യമായ സാങ്കേതിക വിദ്യകൾ ഉപയോഗിച്ച് ഏതാനും മാസങ്ങൾ കൂടുമ്പോൾ കാർ വാക്‌സ് ചെയ്യുന്നതാണ് ശുപാർശ ചെയ്യുന്നത്.

പിപിഎഫ് അഥവാ പെയിന്റ് പ്രൊട്ടക്ഷൻ ഫിലിം കാറിന്റെ പെയിന്റിനെ പോറലുകൾ, കഠിനമായ സൂര്യപ്രകാശം, മറ്റ് പല ബാഹ്യ ഘടകങ്ങൾ എന്നിവയിൽ നിന്നും സംരക്ഷിക്കുന്ന ഒരു മെറ്റീരിയൽ കൊണ്ട് നിർമ്മിച്ച ഒരു റാപ്പാണ്. അത് അൽപം ചെലവേറിയ കാര്യമാണെങ്കിലും വാക്സിംഗ് അല്ലെങ്കിൽ സെറാമിക് കോട്ടിംഗ് ഉപയോഗിക്കുന്നതിനേക്കാൾ ഉപയോഗപ്രദവും കൂടുതൽ കാര്യക്ഷമവുമാണ്.