നിങ്ങളൊരു വിദേശ മലയാളിയായ വണ്ടിപ്രാന്തനാണോ! കാർനെറ്റ് വഴി വണ്ടി നാട്ടിൽ എത്തിക്കാൻ വഴി പറഞ്ഞു തരാം

കേരളത്തിലെ വണ്ടിപ്രാന്തൻമാരിൽ കൂടുതൽ പേരും വിദേശത്ത് ആണ്. സ്വന്തം നാട്ടിൽ ഒരു അടിപൊളി വാഹനം വാങ്ങുക എന്നത് ഏതൊരു വണ്ടിപ്രാന്തൻ്റേയും ആഗ്രഹമാണല്ലോ, നാട്ടിൽ സ്വന്തമാക്കാൻ സാധിക്കാത്ത പല വാഹനങ്ങളും വിദേശത്ത് വാങ്ങുകയും ചെയ്യുന്നുണ്ട്. എന്നാൽ അതൊന്നു നാട്ടിൽ എത്തിച്ച് കവലയിലൂടെ രണ്ട് കറക്കം കറങ്ങണമെന്ന് ആഗ്രഹിക്കാത്ത ആരാണ് ഉളളത്. എന്നാൽ പണ്ടൊക്കെ അതൊക്കെ വലിയ നൂലാമാലകളുളള കേസായിരുന്നു. എന്നാൽ ഇപ്പോൾ കേരളത്തിൽ വിദേശ കാറുകളുടെ എട്ടുകളിയാണ് എന്ന് വേണമെങ്കിൽ പറയാം. കാർനെറ്റ് എന്ന ഡൊക്യുമെൻ്റ് ഉപയോഗിച്ച് വിദേശത്ത് സ്വന്തം പേരിലുള്ള വാഹനം നിങ്ങൾക്ക് നാട്ടിലെത്തിക്കാൻ സാധിക്കും. അത് എങ്ങനെയാണെന്നാണ് ഈ ലേഖനത്തിലൂടെ പങ്കുവയ്ക്കാൻ പോകുന്നത്.

ആദ്യം കാർനെറ്റ് എന്താണെന്ന് പരിശോധിക്കാം. കാർനെറ്റ് എന്നാൽ ശരിക്കും നിങ്ങളുടെ കാറിൻ്റെ പാസ്പോർട്ട് ആണെന്ന് പറയാം. ഡ്യൂട്ടി ഫീസ് ഇല്ലാതെ താൽക്കാലിക ഇറക്കുമതി ആണ് ഇതിലൂടെ സാധിക്കുന്നത്. CPD അതായത് കാർനെറ്റ് ഡി പാസേജസ് എൻ ഡൗനെ ഒരു വർഷത്തേക്ക് ആണ് സാധുതയുള്ളത്, ആവശ്യമെങ്കിൽ ഇത് നീട്ടാനും കഴിയും. വിദേശ യാത്ര ചെയ്യുമ്പോൾ പ്രാദേശിക നിയന്ത്രണങ്ങൾ പാലിക്കുന്നുണ്ടെന്ന് ഇത് ഉറപ്പാക്കുന്നു.

IMAGE SOURCE: @r3nny59 via instagram

ഇനി കാർനെറ്റ് കിട്ടാൻ എന്തുചെയ്യണമെന്ന് നോക്കാം. ഒരു കാർനെറ്റ് ലഭിക്കാൻ, നിങ്ങളുടെ പ്രാദേശിക ഓട്ടോമൊബൈൽ അസോസിയേഷനുമായി ബന്ധപ്പെട്ട് നൽകുന്ന അപേക്ഷാ പ്രക്രിയയിലൂടെയാണ് ലഭിക്കുന്നത്. ഡ്രൈവിംഗ് ലൈസൻസ് പകർപ്പ്,വാഹന രജിസ്ട്രേഷൻ പകർപ്പ്, ആർസി ഉടമയുടെ പാസ്‌പോർട്ട് പകർപ്പ്,
വാഹനത്തിൻ്റെ ചിത്രങ്ങൾ, കാർനെറ്റ് ഉടമയുടെ ഐഡന്‍റിറ്റി തെളിയിക്കുന്ന രേഖകൾ,പാസ്‌പോർട്ട് സൈസ് ഫോട്ടോകൾ, വാഹന ഇൻഷുറൻസ് പകർപ്പ്, കാർനെറ്റ് ഓഫീസിലെ അംഗത്വം, സ്പെയർ ടൂളുകളുടെയും അവയുടെ മൂല്യത്തിന്റെയും ഒരു ലിസ്റ്റ് എന്നിവയെല്ലാം ഹാജരാക്കണം

ഉദ്യോഗസ്ഥർ രേഖകൾ പരിശോധിച്ച് നിങ്ങളുടെ വാഹനം പരിശോധിക്കും. കാലതാമസം ഒഴിവാക്കാൻ എല്ലാ പേപ്പർ വർക്കുകളും പൂർത്തിയായിട്ടുണ്ടെന്ന് ഉറപ്പാക്കുക. ഇന്ത്യയിൽ നിങ്ങൾ താമസിക്കുന്നിടത്തോളം കാലം കാർനെറ്റ് സാധുവായിരിക്കണം എന്നത് ശ്രദ്ധിക്കുക. അത് മാത്രമല്ല ഈ കാലയളവിൽ വാഹനത്തിൻ്റെ ആർസി ഉടമയല്ലാത്ത വ്യക്തികൾ വാഹനമോടിക്കാൻ അനുവദിക്കുന്നതല്ല.

നിങ്ങൾ തിരിച്ച് വിദേശത്തേക്ക് തിരികെ പോകുന്നില്ല എങ്കിൽ കാർനെറ്റിൻ്റെ കാലാവധി നീട്ടണമെങ്കിൽ അതിൻ്റെ കാലാവധി തീരുന്നതിന് മുൻപ് പുതുക്കാൻ അപേക്ഷ നൽകേണ്ടതാണ്. നിങ്ങളുടെ CPD നീട്ടുന്നതിനെക്കുറിച്ചുള്ള മാർഗ്ഗനിർദ്ദേശത്തിനായി ഇഷ്യൂ ചെയ്യുന്ന അധികാരിയുമായി ബന്ധപ്പെടുകയും വേണം. ഇനി അഥവാ അതിന സാധിച്ചില്ലെങ്കിൽ പിഴ അടയ്ക്കേണ്ടി വരും.

ഞാൻ മുൻപ് സൂചിപ്പിച്ചത് പോലെ കാർനെറ്റ് ഉപയോഗിക്കുന്നതിനുള്ള പ്രാഥമിക വ്യവസ്ഥ, കാർനെറ്റ് കാലാവധി കഴിയുന്നതിന് മുമ്പ് വാഹനം ഇന്ത്യയ്ക്ക് പുറത്തേക്ക് വീണ്ടും കയറ്റുമതി ചെയ്യണം എന്നതാണ്. അങ്ങനെ ചെയ്യുന്നതിൽ പരാജയപ്പെടുന്നത് പിഴകൾ, പിഴകൾ, ഇറക്കുമതി തീരുവ, നികുതി എന്നിവ അടയ്ക്കുന്നതിന് കാരണമാകും.

കേരളത്തിൽ നിന്ന് നിരവധി ആളുകൾ വിദേശത്ത് തങ്ങളുടെ ഉടമസ്ഥതയിലുള്ള സ്പോർട്സ് കാറുകൾ, മസിൽ കാറുകൾ എന്നിങ്ങനെ നിരവധി കാറുകൾ എത്തിക്കുന്നത് പതിവാണ്. വിദേശത്ത് നിന്ന് കാർനെറ്റ് വഴി കേരളത്തിലേക്ക് ആദ്യ ഹമ്മർ ഇവി എത്തിച്ചതിൻ്റെ വാർത്ത നിങ്ങളുമായി ഞങ്ങൾ പങ്കുവച്ചിരുന്നു. ഈ ലേഖനം നിങ്ങളുടെ വിദേശത്തുളള ചങ്ക് കൂട്ടുകാരന് പങ്കുവയ്ക്കാൻ മറക്കരുതേ.

ഡ്രൈവ്സ്പാർക്ക് മലയാളം വെബ്‌സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു.ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്‌സ്ബുക്ക്, ഇൻസ്റ്റഗ്രാം, ടെലിഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻ്റ് ചെയ്യാനും മറക്കല്ലേ.