സീറ്റ് തണുപ്പിക്കുന്നത് എങ്ങനെ; വെൻ്റിലേറ്റഡ് സീറ്റുകളുടെ പ്രവർത്തനം അറിയാമോ

കാറുകളിലെ വെൻ്റിലേറ്റഡ് സീറ്റുകൾ ഇന്ത്യൻ കാർ ഉടമകൾക്കിടയിൽ ഇപ്പോൾ ജനപ്രിയമായിക്കൊണ്ടിരിക്കുന്ന ഒരു പുതിയ ഫീച്ചറാണ്, പ്രത്യേകിച്ച് കൊടും വേനൽ മാസങ്ങളിൽ. വെൻ്റിലേറ്റഡ് സീറ്റുകൾ നിങ്ങളുടെ ഡ്രൈവിങ്ങിൽ ഒരുപാട് ഉപകാരപ്പെടുന്നുണ്ട് എന്നതാണ് സത്യം, എന്നാൽ എങ്ങനെയാണ് ഇത്തരം വെൻ്റിലേറ്റഡ് സീറ്റുകൾ പ്രവർത്തിക്കുന്നത് എന്ന് അറിയണ്ടേ, അതിനായി തുടർന്നു വായിക്കുക.

വെൻ്റിലേറ്റഡ് സീറ്റുകൾ, സീറ്റ് കുഷ്യനുകളിൽ ഫാനുകൾ ഉപയോഗിച്ചാണ് പ്രവർത്തിക്കുന്നത്, അത് തുണിയുടെയോ ലെതറിൻ്റെയോ ഒരു പെർമിബിൾ പാളിയിലൂടെ വായു വീശുകയും ഈ വായു സീറ്റിൻ്റെ ഉപരിതലത്തെ തണുപ്പിക്കുകയും ചെയ്യുന്നതാണ് പ്രധാനമായും വെൻ്റിലേറ്റഡ് സീറ്റുകളുടെ പ്രവർത്തനം എന്നു പറയുന്നത്. വേനൽക്കാലത്ത് ഇത്തരം സീറ്റുകളുടെ ഉപയോഗത്തിലൂടെ മികച്ചതും മടുപ്പില്ലാത്തതുമായ ഡ്രൈവിങ്ങ് അനുഭവും ലഭിക്കുന്നു എന്നതാണ് ഗുണം.

വെൻ്റിലേറ്റഡ് സീറ്റുകളുടെ പ്രധാന ഗുണം വേനൽക്കാലത്ത് നിങ്ങളെ തണുപ്പിക്കുകയും അമിതമായ വിയർപ്പ് മൂലമുള്ള അസ്വസ്ഥതകൾ കുറയ്ക്കുകയും ചെയ്യുന്നു എന്നതാണ്. കാർ ക്യാബിൻ പുതുമയുള്ളതും ദുർഗന്ധമില്ലാത്തതും നിലനിർത്തുന്നതിനും നിങ്ങളുടെ ഡ്രൈവിംഗ് അനുഭവം വർദ്ധിപ്പിക്കുന്നതിനും അവ സഹായിക്കുന്നു.

ഒരു പുതിയ കാർ വാങ്ങാൻ പ്ലാൻ ചെയ്യുമ്പോൾ ഇപ്പോൾ എല്ലാ ഉപഭോക്താക്കളും ആവശ്യപ്പെടുന്ന ഒരു ഫീച്ചറായി വെൻ്റിലേറ്റഡ് സീറ്റുകൾ മാറിയിരിക്കുകയാണ്. വേനൽക്കാലത്ത് ഈ ഒരു ഫീച്ചറിന് വേണ്ടി ആളുകൾ പണം മുടക്കുന്നതായും അറിയാൻ സാധിക്കുന്നുണ്ട്. പല ആഫ്റ്റർ മാർക്കറ്റിലും വെൻ്റിലേറ്റഡ് സീറ്റുകൾ ലഭ്യമാണ്. ഒരു സീറ്റിന് 6000 രൂപ മുതൽ ലഭ്യമാണ്.

ഉപഭോക്താക്കൾക്ക് താങ്ങാനാവുന്നതും ആഡംബര ഫീച്ചറുകൾക്കുള്ള ഡിമാൻഡും വർധിക്കുന്നതോടെ, വെൻ്റിലേറ്റഡ് സീറ്റുകൾ താമസിയാതെ ഒരു സ്റ്റാൻഡേർഡ് ഇന്റീരിയർ ഫീച്ചറായി മാറുമെന്നാണ് തോന്നുന്നത്. ഇന്ത്യൻ വേനൽക്കാലത്ത് മൊത്തത്തിലുള്ള റൈഡ് അനുഭവം മെച്ചപ്പെടുത്താൻ ലക്ഷ്യമിട്ട് കംഫർട്ട് ഫീച്ചറുകൾ നൽകുന്നതിൽ വാഹന നിർമ്മാതാക്കൾ ഇപ്പോൾ കൂടുതൽ ശ്രദ്ധ കേന്ദ്രീകരിക്കുന്നുണ്ട് എന്ന് വേണം പറയാൻ.

സീറ്റുകളുടെ കാര്യം പറയുമ്പോൾ സീറ്റ് ബെൽറ്റുകളുടെ കാര്യം കൂടെ പറയണമല്ലോ. നിങ്ങൾ മികച്ച ഒരു ഡ്രൈവറായിരിക്കാം പക്ഷേ സുരക്ഷയാണ് വലുത്. അത് നിങ്ങളുടേയും വാഹനത്തിൽ ഒപ്പം യാത്ര ചെയ്യുന്നവരുടേയും. അത് കൊണ്ട് സീറ്റ് ബെൽറ്റ് ധരിക്കുകയും മറ്റുളളവരെ ധരിക്കാൻ നിർബന്ധിക്കുകയും വേണം. സീറ്റ് ബെൽറ്റ് ധരിക്കുമ്പോഴും ശ്രദ്ധിക്കണം, മറ്റൊന്നും കൊണ്ടല്ല സീറ്റ് ബെൽറ്റ് ധരിക്കുന്നതിന് ശരിയായ രീതിയുണ്ട്. ആദ്യം സീറ്റിലേക്ക് ശരിക്കും ചേർന്നിരുന്നതിന് ശേഷം മാത്രം സീറ്റ് ബെൽറ്റ് ധരിക്കുക.

പുതിയ വാഹനത്തിൽ സീറ്റുകളിൽ പ്ലാസ്റ്റിക്ക് കവറുകളാൽ പൊതിഞ്ഞിരിക്കുകയായിരിക്കും. അത് മാറ്റുന്നതായിരിക്കും നല്ലത്. പുതിയ സീറ്റ്കവർ ഇടുമ്പോഴും സീറ്റ് ബെൽറ്റിൻ്റെ ദ്വാരം മൂടിപോകാതിരിക്കാൻ ശ്രദ്ധിക്കണം. അപകടങ്ങളിൽ കൂടുതലും വെളുപ്പിനെ മൂന്ന് മണിക്കും എട്ട് മണിക്കും ഇടയ്ക്കാണ് സംഭവിക്കുന്നത് എന്നാണ് കണക്കുകളും പഠനങ്ങളും സൂചിപ്പിക്കുന്നത്. സീറ്റ്ബെൽറ്റ് നിങ്ങളുടെ കഴുത്തിൻ്റെ കോളർബോൺ വഴി ഷോൾഡർ ബെൽറ്റ് ഇടുക. അത് പോലെ തന്നെ ഇടുപ്പ് വഴിയിടുന്ന ബെൽറ്റ് ഒരുപാട് മുറുക്കരുത്. നിങ്ങൾക്ക് സൗകര്യപ്രദമായ രീതിയിൽ ധരിക്കുക.

സീറ്റ്ബെൽറ്റ് നിങ്ങളുടെ ജീവൻ രക്ഷിക്കുന്നതിൽ വലിയ പങ്ക് വഹിക്കുന്ന ഒന്നാണ് എന്ന് ഒരിക്കലും മറക്കരുത്. മുൻസീറ്റിലും പിൻസീറ്റിലും ഇരിക്കുന്നവർ സീറ്റ്ബെൽറ്റ് ധരിക്കുക. കഴിഞ്ഞ ദിവസം ഹെവി വാഹനങ്ങൾക്കും സീറ്റ് ബെൽറ്റ് നിർബന്ധമാക്കി മന്ത്രി ഉത്തരവ് ഇറക്കിയിരുന്നു. ലോറികളിൽ സഞ്ചരിക്കുമ്പോൾ മുന്നിൽ ഇരിക്കുന്ന രണ്ട് പേരും സീറ്റ് ബെൽറ്റ് ധരിക്കണം. ബസിൽ ക്യാബിൻ ഉളളതാണ് എങ്കിൽ മുൻവശത്തുളള രണ്ട് പേരും സീറ്റ് ബെൽറ്റ് ധരിച്ചിരിക്കണം എന്നതും നിർബന്ധമാണ്.

ഓരോ വര്‍ഷവും രാജ്യത്തെ അപകടങ്ങളുടെയും മരണങ്ങളുടെയും എണ്ണം കൂടിവരികയാണ്. പ്രത്യേകിച്ചും, കഴിഞ്ഞ 2021-ല്‍, ഇന്ത്യക്കാരെ മുഴുവന്‍ ഞെട്ടിച്ചുകൊണ്ട് വളരെ ഉയര്‍ന്ന അപകടങ്ങളാണ് അരങ്ങേറിയത്. സര്‍ക്കാര്‍ പുറത്തുവിട്ട ഏറ്റവും പുതിയ സ്ഥിതിവിവരക്കണക്കുകള്‍ പ്രകാരം കഴിഞ്ഞ വര്‍ഷം മാത്രം രാജ്യത്ത് 4,12,432 റോഡപകടങ്ങളുണ്ടായി. ഈ വലിയ അപകട എണ്ണത്തില്‍ 1,53,972 ജീവനുകള്‍ ദാരുണമായി നഷ്ടപ്പെട്ടുവെന്നും കണക്കുകള്‍ പറയുന്നു. കണക്കുകള്‍ ഇങ്ങനെയൊക്കെ ആണെങ്കിലും ഈ കണക്കുകളില്‍ ഉള്‍പ്പെടുത്താത്ത മരണങ്ങളും ഉണ്ടാകുമെന്നതാണ് മറ്റൊരു വസ്തുത.