ഇതാണോ ഇപ്പോഴത്തെ ഫാഷൻ, ബേസ് വേരിയൻ്റിൽ നിന്ന് ടോപ്പിലേക്ക് എത്തിയ ഹ്യുണ്ടായി ക്രെറ്റ

ഹ്യുണ്ടായിയുടെ എസ്‌യുവി സെഗ്മെൻ്റിനെ മുന്നിൽ നിന്ന് നയിക്കുന്ന പടത്തലവനാണ് ക്രെറ്റ എന്ന് പറയാം. 2015-ൽ ലോഞ്ച് ചെയ്തതുമുതൽ വിലയ വിൽപ്പനയാണ് മോഡലിനുണ്ടായത്. കാറിന് നിരവധി ആഫ്റ്റർ മാർക്കറ്റ് ഓപ്ഷനുകൾ ലഭ്യമാണ്. അടുത്തിടെ, ഒരു സാധാരണ ക്രെറ്റയെ എൻ-ലൈനിലേക്ക് കൺവേർട്ട് ചെയ്യുന്ന വീഡിയോ സമൂഹമാധ്യമങ്ങളിൽ പ്രചരിച്ചിട്ടുണ്ട്. മുഴുവൻ കസ്റ്റമൈസേഷനും പൂർത്തിയാക്കി വിഗ് ഓട്ടോ ആക്സസറീസ് തങ്ങളുടെ യൂട്യൂബ് ചാനലിൽ പങ്കുവച്ചതാണ് ഈ വീഡിയോ. ക്രെറ്റ എൻ സ്‌പോർട്‌സിലേക്കും ബേസ് ടു ടോപ്പിലേക്കും മാറിയ ക്രെറ്റയുടെ അടിസ്ഥാന ഇ വേരിയൻ്റാണ് അവർ തെരഞ്ഞെടുത്തത്. കാറിൽ എന്തൊക്കെ മാറ്റങ്ങളാണ് വരുത്തിയിരിക്കുന്നതെന്നും, അതിന് എത്ര ചിലവ് വന്നു എന്നും പരിശോധിക്കാം. തുടർന്ന് വായിക്കാൻ മറക്കരുതേ.

കാറിൻ്റെ ആദ്യത്തെ പ്രധാന കാര്യം എന്ന് പറയുന്നത് നിറമാണ്. റോഡുകളിൽ അങ്ങനെ അധികം കാണാത്ത ഒരു നിറമാണ് കാക്കി ഗ്രീൻ. ഇന്ത്യയിൽ താൻ പരിഷ്‌ക്കരിക്കുന്ന ആദ്യത്തെ കാക്കി ഗ്രീൻ ക്രെറ്റയാണിതെന്നാണ് ഉടമ അവകാശപ്പെടുന്നത്. മുൻവശത്തെ മാറ്റങ്ങളിൽ ഹ്യൂണ്ടായിയുടെ യഥാർത്ഥ പാരാമെട്രിക് ബ്ലാക്ക് ക്രോം ഗ്രിൽ തന്നെയാണ് ഉപയോഗിച്ചിരിക്കുന്നത്. അത് ഉയർന്ന വേരിയൻ്റുകളിൽ മാത്രം ലഭിക്കുന്ന ഒന്നാണ്.

ഹെഡ്‌ലൈറ്റുകൾ ഹാലജനിൽ നിന്ന് എൽഇഡികളാക്കി മാറ്റിയിട്ടുണ്ട്. ഇക്കാലത്ത് ഒരു ട്രെൻഡായ കണക്ട് DRL-കളും ഈ കാറിൽ ചേർത്തിട്ടില്ല. സൈഡ് പ്രൊഫൈലിനെ സംബന്ധിച്ചിടത്തോളം, ക്രെറ്റ എൻ ലൈനിൽ നിന്ന് എടുത്ത 18 ഇഞ്ച് ഹ്യുണ്ടായിയുടെ യഥാർത്ഥ അലോയ് വീലാണ് നൽകിയിരിക്കുന്നത്. ഇത് അടിസ്ഥാന വേരിയൻ്റായതിനാൽ, ഇലക്ട്രിക്കലി ക്രമീകരിക്കാവുന്നതും മടക്കാവുന്നതുമായ ORVM-കളും സംയോജിത ടേൺ സിഗ്നലുകളുള്ള ORVM-കളും പോലുള്ള ആവശ്യമായ സവിശേഷതകൾ ഇതിന് ഇല്ലാത്തത് കൊണ്ട് അത് രണ്ടും ചേർത്തു.

ബിഎംഡബ്ല്യു എം കാറുകളിൽ നിന്ന് പ്രചോദനം ഉൾക്കൊണ്ടാണ് ഒആർവിഎമ്മുകളുടെ കവർ ഈ എസ്‌യുവിക്ക് സ്‌പോർടിനസ് നൽകുന്നത്. ഈ മാറ്റങ്ങൾ കൂടാതെ, റൂഫ് റെയിലുകളും ബി-പില്ലറിനെ സി-പില്ലറുമായി ബന്ധിപ്പിക്കുന്ന സിൽവർ എലമെൻ്റ്സും തിളങ്ങുന്ന കറുപ്പ് നിറത്തിലാണ് നൽകിയിരിക്കുന്നത്.കാറിൽ കയറുന്നതും ഇറങ്ങുന്നതും എളുപ്പമാക്കാൻ ഒരു ഫുട്സ്റ്റെപ്പും ചേർത്തിട്ടുണ്ട്. പിന്നിൽ, ഇന്തോനേഷ്യയിൽ നിന്ന് ഇറക്കുമതി ചെയ്തതാണെന്ന് ഹോസ്റ്റ് പരാമർശിക്കുന്ന ഒരു തരം എബിഎസ് സ്‌പോയിലർ ചേർത്തിട്ടുണ്ട്. ടെയിൽലൈറ്റുകളും ടോപ്പ് മോഡൽ യൂണിറ്റുകളിലേക്ക് മാറ്റി.

ലെതറിൽ പൊതിഞ്ഞ സ്റ്റിയറിംഗ് വീൽ, ഡോർ ആം റെസ്റ്റുകൾ, ഫ്രണ്ട് ആം റെസ്റ്റ് എന്നിവ ഉൾപ്പെടുന്ന ഇൻ്റീരിയറിലെ ഒന്നിലധികം സ്ഥലങ്ങളിൽ സോഫ്റ്റ് ടച്ച് മെറ്റീരിയൽ ചേർത്തിട്ടുണ്ട്. സീറ്റ് കവറുകൾ, 7 ഡി മാറ്റുകൾ എന്നിവയും നൽകിയിരിക്കുന്നു. സ്പീക്കറുകൾ, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള ഇൻഫോടെയ്ൻമെൻ്റ് സിസ്റ്റം, സ്റ്റിയറിംഗ് മൗണ്ടഡ് മൾട്ടിമീഡിയ കൺട്രോളുകൾ, ക്രൂയിസ് കൺട്രോൾ എന്നിവ മറ്റ് പ്രവർത്തനപരമായ കൂട്ടിച്ചേർക്കലുകളിൽ ഉൾപ്പെടുന്നു.

ക്രെറ്റയുടെ മറ്റ് വിശേഷങ്ങളായ പവർ ട്രെയിനിലേക്ക് വന്നാൽ 1.5 ലിറ്റർ NA പെട്രോൾ, 1.5 ലിറ്റർ ടർബോ-പെട്രോൾ, 1.5 ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകളിൽ ഹ്യുണ്ടായി ക്രെറ്റ വാങ്ങാനാവും. 6-സ്പീഡ് മാനുവൽ, ഇന്റലിജന്റ് വേരിയബിൾ ട്രാൻസ്മിഷൻ, 7 സ്പീഡ് ഡ്യുവൽ ക്ലച്ച് ട്രാൻസ്മിഷൻ, 6 സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവയാണ് ഗിയർബോക്‌സ് ചോയ്‌സുകൾ. E, EX, S, S(O), SX, SX ടെക്, SX(O) എന്നിങ്ങനെ 7 വേരിയന്റുകളിലാണ് ഹ്യുണ്ടായി ക്രെറ്റയെ വിപണിയിൽ എത്തിക്കുന്നത്.

സുരക്ഷയുടെ കാര്യത്തിലും ഹ്യുണ്ടായി ക്രെറ്റ അടിപൊളിയാണെന്ന് ദക്ഷിണ കൊറിയൻ ബ്രാൻഡ് ഉറപ്പുവരുത്തിയിട്ടുണ്ട്. അതിൽ ADAS ഫീച്ചർ കൂടിയാവുമ്പോൾ എല്ലാവർക്കും സേഫ്റ്റി ഗ്യാരണ്ടിയാണ്. 6 എയർബാഗുകൾ, ഒരു ബ്ലൈൻഡ് വ്യൂ മോണിറ്റർ, 360-ഡിഗ്രി ക്യാമറ, ടയർ പ്രഷർ മോണിറ്ററിംഗ് സിസ്റ്റം, ഓട്ടോ ഹോൾഡോടുകൂടിയ ഇലക്ട്രോണിക് പാർക്കിംഗ് ബ്രേക്ക്, ഹിൽ ഹോൾഡ് കൺട്രോൾ, സ്റ്റെബിലിറ്റി കൺട്രോൾ, എമർജൻസി സ്റ്റോപ്പ് സിഗ്നൽ എന്നിവയെല്ലാമാണ് എസ്‌യുവിയിൽ കിട്ടുന്നത്.

11 ലക്ഷം മുതൽ 20.15 ലക്ഷം രൂപ വരെയാണ് വാഹനത്തിന് വരുന്ന എക്സ്ഷോറൂം വില. ഇന്ത്യൻ വിപണിയിലെ മിഡ്-സൈസ് എസ്‌യുവി സെഗ്മെന്റിൽ മാരുതി സുസുക്കി ഗ്രാൻഡ് വിറ്റാര, കിയ സെൽറ്റോസ്, ഹോണ്ട എലിവേറ്റ്, ടൊയോട്ട അർബൻ ക്രൂയിസർ ഹൈറൈഡർ, സ്കോഡ കുഷാഖ്, ഫോക്‌സ്‌വാഗൺ ടൈഗൂൺ, എംജി ആസ്റ്റർ എന്നിങ്ങനെ ക്രെറ്റയുടെ എതിരാളികളുടെ ലിസ്റ്റും നീളമേറിയതാണ്.