മഞ്ഞിലുറഞ്ഞ കപ്പലിനെ രക്ഷിക്കാന്‍ റഷ്യയ്ക്കും ഐസ്ബ്രേക്കർ

സമുദ്രത്തിൽ മഞ്ഞിൽ ഉറച്ച് പോയ കപ്പലുകളെ മാറ്റുകയും, ഐസ് തകര്‍ത്ത് കപ്പലിന് വഴിയൊരുക്കുകയും, യാത്രക്കാരെ രക്ഷിക്കുകയും ചെയ്യുന്ന ദൗത്യമാണ് ഐസ് ബ്രേക്കറിനുള്ളത്.

രണ്ട് മാസത്തോളം തുടർച്ചയായി 12,000നോട്ടിക്കൽ മൈൽ സഞ്ചരിക്കാനുള്ള കഴിവാണ് പുതുതായി നിർമ്മിച്ച ഈ റഷ്യൻ ഐസ്ബ്രേക്കറിനുള്ളത്.

ജൂൺ പത്തിന് സെന്റ്. പീറ്റേസ്ബർഗിലെ ഷിപ്പ്യാർഡിലായിരുന്നു ലോഞ്ച് കർമ്മങ്ങൾ നടന്നത്. ഇത് 2017ൽ റഷ്യൻ നാവികസേനയുടെ ഭാഗമാകുമെന്നാണ് കപ്പൽ നിർമാണശാലയുടെ മേധാവി അറിയിച്ചിരിക്കുന്നത്.

അന്റാർട്ടിക് സമുദ്രം കേന്ദ്രീകരിച്ചായിരിക്കും റഷ്യൻ നാവികസേനയുടെ ഈ ഐസ്ബ്രേക്കർ പ്രവർത്തിച്ച് വരിക.

കിലോമീറ്ററുകളോളം വ്യാപിച്ച് കിടക്കുന്ന മഞ്ഞ് പൊട്ടിച്ച് വെള്ളമുള്ളിടം വരെ വഴിയുണ്ടാക്കാനുള്ള കഴിവാണ് ഐസ്ബ്രേക്കറിനുള്ളത്.

കപ്പലുകൾ മഞ്ഞിലുറഞ്ഞ് പോകുന്ന പക്ഷം രക്ഷാപ്രവർത്തനങ്ങൾക്കായാണ് നാവികസേനയുടെ ഐസ്ബ്രേക്കർ സാധാരണയായി ഉപയോഗിച്ച് വരുന്നത്.

ആളുകളെ രക്ഷിച്ച് കൊണ്ടുപോകുന്നതിനായി ഐസ്ബ്രേക്കറിൽ ഒരു ഹെലികോപ്ടർ കൂടി ഉണ്ടായിരിക്കുന്നതാണ്.

2015ലാണ് ഇലിയ മുറോമെറ്റ്സ് എന്ന ഈ കപ്പലിന്റെ നിർമാണമാരംഭിച്ചത്. ഇതോടുകൂടി രക്ഷാപ്രവർത്തനങ്ങൾക്കായി ഒരു പുതിയ കപ്പൽ കൂടി റഷ്യൻ നാവികസേനയുടെ ഭാഗമാകുന്നു.

മഞ്ഞ്പോട്ടിക്കുക എന്ന ദൗത്യം മാത്രമല്ല ഐസ് ബ്രേക്കറിനുള്ളത്. കപ്പലുകളെ വലിച്ചു കൊണ്ടുപോകുന്നതിനും കടലിൽ പട്രോൾ നടത്തുന്ന കപ്പലുകളായും ഇതിനെ ഉപയോഗപ്പെടുത്തും.

ആറ് ടൺ ഭാരം വലിക്കാനുള്ള ശേഷിയുണ്ട് ഈ കപ്പലിന്. രണ്ട് മാസത്തോളം തുടർച്ചയായി സഞ്ചരിക്കാൻ കഴിയുന്ന ഐസ്ബ്രേക്കറിൽ മുപ്പത്തഞ്ചോളം വരുന്ന ജീവനക്കാരെയായിരിക്കും നിയമിക്കുക.

പുട്ടിനെ തളയ്ക്കാൻ ബ്രിട്ടന്റെ ഭീമൻ യുദ്ധക്കപ്പലുകൾ

ചൈനയിലെ ഗ്ലാസ് തൂക്കുപാലത്തിന്റെ സുരക്ഷയ്ക്ക് വെല്ലുവിളിയോ