9 മനിറ്റിൽ 700 കിലോമീറ്റർ താണ്ടി അഗ്നി1 വിജയപഥത്തിൽ

കരസേനയുടെ സ്ട്രാറ്റജിക്‌ ഫോഴ്സസ്‌ കമാന്റിന്റെ പരിശീലന പരിപാടിയുടെ ഭാഗമായിട്ടാണ് വിക്ഷേപണം നടന്നിട്ടുള്ളതെന്ന് അധികൃതർ വ്യക്തമാക്കി.

9 മനിറ്റ്‌ 36 സെക്കൻഡ്‌ സമയത്തിനുള്ളിലാണ് മിസൈൽ ലക്ഷ്യസ്ഥാനം കണ്ടത്. അങ്ങനെ വളരെ ചുരുങ്ങിയ സമയത്തിനുള്ളിൽ കൂടുതൽ ദൂരം സ‍ഞ്ചരിച്ച് അഗ്നി 1 ചരിത്രം കുറിച്ചു.

ആധുനിക റഡാറുകൾ, ഇലക്ട്രോ ഓപ്റ്റിക് ഇൻസ്ട്രുമെന്റ്, നേവൽ ഷിപ്പുകൾ എന്നിവയുടെ സഹായത്തോടെയാണ് മിസൈൽ ലക്ഷ്യസ്ഥാനത്ത് എത്തി എന്നറിയാനുള്ള പരിശോധനകൾ നടത്തിയത്.

കൃത്യസമയത്ത് തന്നെ മിസൈൽ ലക്ഷ്യസ്ഥാനം കണ്ടെന്നറിയാനുള്ള ആധുനിക നാവിഗേഷനുകളും ഈ ബാലസ്റ്റിക് മിസൈലിൽ ഉൾപ്പെടുത്തിയിരുന്നു.

ഡിആര്‍ഡിഒയുടെ അഡ്വാന്‍സ് സിസ്റ്റംസ് ലബോറട്ടറിയിൽ വെച്ചാണ് മിസൈല്‍ നിര്‍മാണം നടന്നിട്ടുള്ളത്.

പന്ത്രണ്ട് ടണ്‍ ഭാരമാണ് പതിനഞ്ച് മീറ്റര്‍ നീളമുള്ള ഈ ബാലസ്റ്റിക് മിസൈലിനുള്ളത്.

കഴിഞ്ഞവർഷം നവംബറിലായിരുന്നു അഗ്നി 1 അവസാനമായി പരീക്ഷിച്ചത് ഇതും വൻ വിജയമായിരുന്നു.

അമേരിക്കൻ ജിപിഎസിന് വിട ഇനി ഐആര്‍എന്‍എസ്എസ് നമ്മുക്ക് സ്വന്തം