വേറെ റേഞ്ചായി സ്മൃതി മന്ദാന; സ്വന്തമാക്കിയത് 72 ലക്ഷത്തിന്റെ റേഞ്ച് റോവര്‍ ഇവോക്ക്

വാഹന നിര്‍മ്മാതാക്കളുടെ നിരയില്‍ നിങ്ങള്‍ക്ക് ലഭിക്കുന്ന ഏറ്റവും ചെറിയ റേഞ്ച് റോവറാണ് ഇവോക്ക്. 72.09 ലക്ഷം രൂപയാണ് ഇതിന്റെ എക്‌സ് ഷോറൂം വില. സിലിക്കണ്‍ സില്‍വര്‍ ഷേഡിലുള്ള റേഞ്ച് റോവര്‍ ഇവോക്കിന്റെ ടോപ്പ് വേരിയന്റാണ് ക്രിക്കറ്റ് താരം വാങ്ങിയത്.

മൈല്‍ഡ്-ഹൈബ്രിഡ് സാങ്കേതികവിദ്യയുമായി പെട്രോള്‍, ഡീസല്‍ എഞ്ചിന്‍ ഓപ്ഷനുകളില്‍ എസ്യുവി ലഭ്യമാണ്. ഏത് എഞ്ചിന്‍ ഓപ്ഷനാണ് മന്ദാന തിരഞ്ഞെടുത്തതെന്ന് വ്യക്തമല്ല. തന്റെ പുത്തന്‍ റേഞ്ച് റോവര്‍ ഇവോക്കിന് സമീപം സ്മൃതി മന്ദാന നില്‍ക്കുന്ന ചിത്രം ഒരു ഇന്‍സ്റ്റഗ്രാം ഉപഭോക്താവ് സോഷ്യല്‍ മീഡിയയില്‍ പങ്കുവെച്ചു. ഈ ചിത്രങ്ങള്‍ വൈറലായി മാറി.

2020-ല്‍ അവസാനമായി അപ്ഡേറ്റ് ചെയ്ത ലാന്‍ഡ് റോവര്‍ റേഞ്ച് റോവര്‍ ഇവോക്ക് ആര്‍-ഡൈനാമിക് എസ്ഇ വേരിയന്റിലാണ് വാഗ്ദാനം ചെയ്യുന്നത്. റേഞ്ച് റോവര്‍ ഫാമിലി മോഡലുകളുടെ മുന്‍ തലമുറയുമായി കൂടുതല്‍ യോജിക്കുന്നതാണ് സ്‌റ്റൈലിംഗ്.

ഇതിന് പുതിയ ഗ്രില്ലും സ്വീപ്ബാക്ക് ബോണറ്റും വ്യതിരിക്തമായ എല്‍ഇഡി ഡിആര്‍എല്ലുകളും ലഭിക്കുന്നു. പുറമേയുള്ള നവീകരണത്തിന്റെ ഭാഗമായി ഫ്‌ലഷ് ഡോര്‍ ഹാന്‍ഡിലുകളും പുതിയ അലോയ് വീലുകളും ഉണ്ട്.

കാറിന്റെ ഇന്റീരിയര്‍ നോക്കുമ്പോള്‍ ലാന്‍ഡ് റോവര്‍ റേഞ്ച് റോവര്‍ ഇവോക്കിന് 3D സറൗണ്ട് ക്യാമറ, ക്യാബിന്‍ എയര്‍അയോണൈസേഷനോടുകൂടിയ PM 2.5 ഫില്‍ട്ടര്‍, പുതിയ പിവി പ്രോ ഇന്‍ഫോടെയ്ന്‍മെന്റ് സിസ്റ്റം, ഫോണ്‍ സിഗ്‌നല്‍ ബൂസ്റ്ററോടു കൂടിയ വയര്‍ലെസ് ചാര്‍ജിംഗ് എന്നിങ്ങനെയുള്ള ഫീച്ചറുകളുടെ ഒരു ലിസ്റ്റ് ലഭിക്കുന്നു. കൂടാതെ, എബോണി, ഡീപ് ഗാര്‍നെറ്റ് ഷേഡുകളില്‍ പൂര്‍ത്തിയാക്കിയ ഡ്യുവല്‍-ടോണ്‍ കളര്‍ സ്‌കീമാണ് ക്യാബിന് ലഭിച്ചിരിക്കുന്നത്.

247 bhp കരുത്തും 365 Nm ടോര്‍ക്കും ഉത്പാദിപ്പിക്കുന്ന 2.0 ലിറ്റര്‍ ഇന്‍ജെനിയം പെട്രോള്‍ എഞ്ചിനാണ് റേഞ്ച് റോവര്‍ ഇവോക്കിന് കരുത്തേകുന്നത്. 201 bhp കരുത്തും 430 Nm ടോര്‍ക്കും ഉത്പാദിപ്പിക്കുന്ന 2.0 ലിറ്റര്‍ ഇന്‍ജെനിയം ഡീസല്‍ എഞ്ചിനാണ് രണ്ടാമത്തെ എഞ്ചിന്‍ ഓപ്ഷന്‍.

രണ്ട് എഞ്ചിനുകളും 9-സ്പീഡ് ഓട്ടോമാറ്റിക് ട്രാന്‍സ്മിഷനുമായി ജോടിയാക്കിയിരിക്കുന്നു. ഇതിന് പരമാവധി ക്ലെയിം ചെയ്ത വേഗത മണിക്കൂറില്‍ 213 കി.മീ ആണ്. ഇതിന് 8.7 സെക്കന്‍ഡിനുള്ളില്‍ പൂജ്യത്തില്‍ നിന്ന് 100 മണിക്കൂര്‍ വേഗത കൈവരിക്കാന്‍ സാധിക്കുമെന്നാണ് നിര്‍മാതാവ് അവകാശപ്പെടുന്നത്.

ആദ്യ ആഡംബര കാറിനൊപ്പം മാരുതി സുസുക്കി ഡിസയറും ഹ്യുണ്ടായ് ക്രെറ്റ എസ്‌യുവിയും സ്മൃതി മന്ദാനയുടെ ഗാരോജിലുണ്ട്. ആദ്യത്തേത് ദൈനംദിന യാത്രകള്‍ക്കാണ് ഉപയോഗിക്കുന്നത്. ഇവോക്ക് വളരെ മികച്ച ഒരു അപ്ഗ്രേഡാണ്. മാത്രമല്ല ഇനി സ്മൃംതിയുടെ ലോംഗ് ഡ്രൈവുകള്‍ തീര്‍ച്ചയായും സുഖകരമാകും.

അടുത്തിടെയാണ് സ്റ്റാര്‍ ബാറ്റര്‍ സ്മൃതി മന്ദാന ഏകദിന ക്രിക്കറ്റില്‍ 3000 റണ്‍സ് തികച്ചത്. ഏറ്റവും വേഗത്തില്‍ 3000 റണ്‍സ് അടിച്ചുകൂട്ടുന്ന ഇന്ത്യന്‍ വനിതാ താരമായി സ്മൃതി മാറിയിരുന്നു. ശിഖര്‍ ധവാനും വിരാട് കോഹ്ലിക്കും ശേഷം ഏറ്റവും വേഗത്തില്‍ നാഴികക്കല്ല് കടക്കുന്ന മൂന്നാമത്തെ ഇന്ത്യന്‍ ക്രിക്കറ്ററാണ് സ്മൃതി.

ഇന്ത്യയും ഇംഗ്ലണ്ടും തമ്മിലുള്ള കാന്റര്‍ബറിയില്‍ നടന്ന രണ്ടാം ഏകദിനത്തിലായിരുന്നു നേട്ടത്തിലെത്തിയത്. 88 ഇന്നിംഗ്സുകളില്‍ ഈ നേട്ടം കൈവരിച്ച ഇന്ത്യന്‍ ഇതിഹാസം മിതാലി രാജിനെ സ്മൃതി തന്റെ 76-ാം ഏകദിന ഇന്നിംഗ്സില്‍ മറികടന്നു. മിതാലിലിയെയും സ്മൃതിയെയും കൂടാതെ ഹര്‍മന്‍പ്രീത് കൗറും 3000 തികച്ചിട്ടുണ്ട്.