Click it and Unblock the Notifications
ജൂലൈ 1 മുതല് ട്രെയിന് യാത്രക്ക് ചെലവേറും! സാധാരണക്കാര്ക്ക് പേടി വേണ്ട, നിരക്ക് വര്ധനവ് ഇത്ര
ഇന്ത്യയിലെ ഏറ്റവും വലിയ പൊതുമേഖലാ സ്ഥാപനങ്ങളില് ഒന്നാണ് ഇന്ത്യന് റെയില്വേ. പ്രതിദിനം ലക്ഷക്കണക്കിനാളുകളാണ് തങ്ങളുടെ യാത്രകള്ക്കായി റെയില്വേയെ ആശ്രയിക്കുന്നത്. മറ്റ് ഗതാഗത മാര്ഗങ്ങള് ഉപേക്ഷിച്ച് ജനങ്ങള് ട്രെയിനുകളെ ആശ്രയിക്കാനുള്ള ഒരു കാരണം ചെലവ് കുറവാണ് എന്നതാണ്. എന്നാല് ഇപ്പോള് സ്ഥിരമായി ട്രെയിനുകളില് യാത്ര ചെയ്യുന്നവര്ക്ക് കേള്ക്കാന് അത്ര രസമില്ലാത്ത ഒരു വാര്ത്തയുണ്ട്. ഇന്ത്യന് റെയില്വേ യാത്രാ നിരക്കുകള് വര്ദ്ധിപ്പിക്കാന് ഒരുങ്ങുന്നു. വര്ഷങ്ങള്ക്ക് ശേഷമാണ് യാത്രാ നിരക്കുകള് വര്ദ്ധിപ്പിക്കുന്നത്. പുതുക്കിയ നിരക്കുകള് ജൂലൈ 1 മുതല് പ്രാബല്യത്തില് വരും.
റിപ്പോര്ട്ടുകള് പ്രകാരം നോണ്-എസി മെയില്, എക്സ്പ്രസ് ട്രെയിനുകളില് യാത്ര ചെയ്യുന്ന യാത്രക്കാര്ക്ക് ഇനി മുതല് ഒരു കിലോമീറ്ററിന് 1 പൈസ കൂടുതല് മുടക്കേണ്ടതായി വരും. രാജ്യത്തുടനീളമുളം എല്ലാദിവസവും സര്വീസ് നടത്തുന്ന ഏകദേശം 13,000 നോണ്-എസി മെയില്, എക്സ്പ്രസ് ട്രെയിനുകള് ഉണ്ടെന്നാണ് കണക്ക്. ഈ ട്രെയിനുകളില് യാത്ര ചെയ്യുന്നവരെ നിരക്ക് വര്ധനവ് നേരിയ തോതില് ബാധിക്കുമെന്ന് ഒരു മുതിര്ന്ന റെയില്വേ ഉദ്യോഗസ്ഥന് അറിയിച്ചു.
എസി ക്ലാസ് യാത്രക്കാര്ക്ക് കിലോമീറ്ററിന് 2 പൈസയാണ് വര്ധനവ്. പുതിയ നിരക്ക് ഘടന യാത്രക്കാരുടെ ബഡ്ജറ്റിനെ കാര്യമായി ബാധിക്കില്ലെന്ന് റെയില്വേ ഉദ്യോഗസ്ഥന് ഉറപ്പ് നല്കി. സാധാരണക്കാര്ക്ക് ആശ്വാസമായി സബര്ബന് ട്രെയിന് നിരക്കുകളിലും പ്രതിമാസ സീസണ് ടിക്കറ്റ് (എംഎസ്ടി) നിരക്കുകളിലും മാറ്റമില്ല. കൂടാതെ, സാധാരണ സെക്കന്ഡ് ക്ലാസില് 500 കിലോമീറ്റര് വരെ യാത്ര ചെയ്യുന്ന യാത്രക്കാരെ നിരക്ക് വര്ധന ബാധിക്കില്ല.
അതേസമയം, ജനറല് സെക്കന്ഡ് ക്ലാസില് 500 കിലോമീറ്ററില് കൂടുതല് യാത്രചെയ്യുന്നവര്ക്ക് കിലോമീറ്ററിന് അര പൈസ വീതം നിരക്ക് വര്ധിക്കും. ഉദാഹരണത്തിന് 600 കിലോമീറ്റര് യാത്ര ചെയ്യുന്ന ഒരാള്ക്ക് 50 പൈസയുടെ വര്ധനവ് മാത്രമേ ഉണ്ടാകൂ. ഇത് വളരെ തുച്ഛമായ ഒരു തുകയാണെല്ലോ. നിരക്ക് വര്ധനവ് അല്ലാതെ മറ്റ് ചില പരിഷ്കാരങ്ങളും 2025 ജൂലൈ 01 മുതല് റെയില്വേ നടപ്പാക്കുന്നുണ്ട്.
2025 ജൂലൈ 01 മുതല് തത്കാല് ടിക്കറ്റുകള് ബുക്ക് ചെയ്യുന്നതിന് ആധാര് നിര്ബന്ധമാക്കിയതായി ഏതാനും ദിവസങ്ങള്ക്ക് മുമ്പാണ് റെയില്വേ പ്രഖ്യാപിച്ചത്. പെട്ടെന്ന് ഉണ്ടാകുന്ന യാത്രകള്ക്ക് യാത്രക്കാര്ക്ക് ടിക്കറ്റ് ലഭിക്കാനുള്ള അവസരമെന്ന നിലയിലാണ് തത്കാല് പ്രയോജനപ്പെടുത്തുന്നത്. യാത്രയുടെ തൊട്ട് തലേദിവസമാണ് ഈ ടിക്കറ്റ് ബുക്ക് ചെയ്യാനാകുക. എന്നാല് തത്കാല് ടിക്കറ്റ് ബുക്കിംഗ് ഏജന്റുമാര് ദുരുപയോഗം ചെയ്യുന്നുവെന്ന് വ്യാപക വിമര്ശനം വന്നതോടെയാണ് റെയില്വേ ടിക്കറ്റ് ബുക്കിംഗിന് ആധാര് നിര്ബന്ധമാക്കുന്നത്.
തത്കാല് പദ്ധതിയുടെ ആനുകൂല്യങ്ങള് സാധാരണ ജനങ്ങള്ക്ക് ലഭിക്കുന്നുണ്ടെന്ന് ഉറപ്പാക്കാനും ഏജന്റുമാരുടെ ദുരുപയോഗം തടയുന്നതിനും ലക്ഷ്യമിട്ടാണ് ഈ നടപടിയെന്ന് റെയില്വേ മന്ത്രാലയം 2025 ജൂണ് 10-ന് പുറത്തിറക്കിയ ഉത്തരവില് പറയുന്നു. ഇന്ത്യന് റെയില്വേയുടെ അറിയിപ്പ് അനുസരിച്ച് 2025 ജൂലൈ 1 മുതല് ആധാര് വെരിഫിക്കേഷന് പൂര്ത്തിയാക്കിയ യാത്രക്കാര്ക്ക് മാത്രമേ തത്കാല് ടിക്കറ്റുകള് ലഭ്യമാകൂ. ഔദ്യോഗിക IRCTC വെബ്സൈറ്റ് അല്ലെങ്കില് ആപ്പ് വഴി മാത്രമേ ബുക്കിംഗ് നടത്താന് സാധിക്കുകയുള്ളൂ.
കൂടാതെ, 2025 ജൂലൈ 15 മുതല് സുരക്ഷയുടെ ഭാഗമായി യാത്രക്കാര് ആധാര് അടിസ്ഥാനമാക്കിയുള്ള ഒടിപി വെരിഫിക്കേഷന് പൂര്ത്തിയാക്കണം. ബുക്കിംഗ് സമയത്ത് രജിസ്റ്റര് ചെയ്ത മൊബൈല് നമ്പറിലേക്ക് ഒടിപി അയയ്ക്കും. തുടര്ന്ന് ഇത് നല്കിയാല് മാത്രമേ നടപടികള് പൂര്ത്തിയാക്കാന് കഴിയൂ. ഏതായാലും വര്ഷങ്ങള്ക്ക് ശേഷം ഇന്ത്യന് റെയില്വേ യാത്രാ നിരക്കുകള് വര്ദ്ധിപ്പിക്കുന്നത് യാത്രക്കാര്ക്ക് ഒരു പുതിയ അനുഭവമായിരിക്കും. അതേസമയം, തത്കാല് ടിക്കറ്റുകള്ക്ക് ആധാര് നിര്ബന്ധമാക്കിയതിലൂടെ ടിക്കറ്റ് ബുക്കിംഗ് കൂടുതല് സുതാര്യമാകും.
ഡ്രൈവ്സ്പാർക്ക് മലയാളം വെബ്സൈറ്റ് വാഹന സംബന്ധിയായ വാർത്തകൾ തത്സമയം നിങ്ങളുടെ വിരൽത്തുമ്പിൽ ലഭ്യമാക്കുന്നു. സോഷ്യൽ മീഡിയയിലൂടെ ഞങ്ങൾ വാർത്തകൾ വായനക്കാരുമായി തൽക്ഷണം പങ്കിടുന്നു. ഏറ്റവും പുതിയ കാർ, ബൈക്ക് വാർത്തകൾ, ടെസ്റ്റ് ഡ്രൈവ് റിപ്പോർട്ടുകൾ, വീഡിയോകൾ എന്നിവ ലഭിക്കാൻ ഡ്രൈവ്സ്പാർക്ക് മലയാളത്തിന്റെ ഫെയ്സ്ബുക്ക്, ഇൻസ്റ്റഗ്രാം, ടെലഗ്രാം, യൂട്യൂബ് ചാനൽ എന്നിവ മറക്കാതെ ഫോളോ ചെയ്യാം. ഞങ്ങളുടെ ഏതെങ്കിലും വാർത്ത ഇഷ്ടപ്പെട്ടാൽ ലൈക്ക് ചെയ്യാനും കമൻറ് ചെയ്യാനും മറക്കല്ലേ.
Continue with Google