ഇന്ത്യൻ സൈന്യത്തിന് കരുത്തായി ഇനി തേജസും

ഒറ്റ എന്‍ജിൻ മാത്രമുള്ള ലോകത്തെ ഏറ്റവും ചെറിയതും ഭാരം കുറഞ്ഞതുമായ സൂപ്പര്‍ സോണിക് യുദ്ധവിമാനമാണിത്.

ഹിന്ദുസ്ഥാന്‍ എയ്‌റോനോട്ടിക്കല്‍ ലിമിറ്റഡാണ് ഇവ നിര്‍മ്മിച്ചത്. ഡോ. കോട്ട ഹരിനാരായണനാണ് ഇവയുടെ ശില്പ്പി.

ബെഗ്ളൂരുവിലെ എച്ച്എഎൽ നിന്നാണ് ഈ യുദ്ധവിമാനം നിർമിച്ചത്. ഡോ. കോട്ട ഹരിനാരായണനാണ് വിമാനത്തിന്റെ രൂപകല്പനയ്ക്ക് പിന്നിൽ.

15 വര്‍ഷം മുമ്പായിരുന്നു തേജസിന്റെ ആദ്യ പരീക്ഷണപ്പറക്കല്‍. 2001നുശേഷം 3050 ത്തോളം പരീക്ഷണപ്പറക്കലാണ് നടത്തിയത്.

ഒടുവിൽ ഇക്കഴിഞ്ഞ മെയിലായിരുന്നു അവസാനഘട്ട പരീക്ഷണ പറക്കൽ നടത്തിയത്. ‌

എന്‍ജിന്‍ ഉള്‍പ്പെടെ വിമാനത്തിന്റെ പലതും ഇറക്കുമതി ചെയ്തതാണ്. 33 വര്‍ഷത്തെ പരീക്ഷണങ്ങൾക്ക് ഒടുവിലാണ് ശബ്ദാത്തേക്കാൾ വേഗത്തിൽ പറക്കുന്ന ഈ യുദ്ധവിമാനം ഇന്ത്യൻ വ്യോമസേനയുടെ ഭാഗമാകുന്നത്.

തേജസിന്റെ ആസ്ഥാനം രണ്ടു വര്‍ഷം ബെംഗളൂരുവായിരിക്കും പിന്നീട് തമിഴ്‌നാട്ടിലെ സുളൂരേക്ക് മാറ്റുമെന്നാണ് സേനാ അധികൃതർ അറിയിച്ചിരിക്കുന്നത്.

ഈ സാമ്പത്തിക വര്‍ഷം ആറു തേജസ് വിമാനങ്ങളും അടുത്ത വർഷം എട്ടെണ്ണവും സ്‌ക്വാഡ്രണില്‍ ഉള്‍പ്പെടുത്തുമെന്ന് വ്യോമസേന വക്താവ് അറിയിച്ചു.

കരയിലും കടലിലും ഒരേപോലെ ആക്രമണം നടത്താൻ കഴിവുള്ള തേജസിന് 13.2മീറ്റർ നീളവും 12 ടൺ ഭാരവും 4.4മീറ്റർ ഉയരുവുമാണുള്ളത്.

ദൂരപരിധി 400 കിലോമീറ്ററുള്ള ഈ യുദ്ധവിമാനത്തിന്റെ വേഗത മണിക്കൂറിൽ 1350കിലോമീറ്ററാണ്.

ഏതാണ്ട് 250കോടി രൂപയാണ് ഈ സുപ്പർസോണിക് യുദ്ധവിമാനത്തിന്റെ നിർമാണ ചിലവായി കണക്കാക്കുന്നത്.

ബോയിംഗ് വിമാനത്തെ വീടാക്കിയ അമേരിക്കക്കാരൻ

ഫുട്ട്ബോൾ ഫീൽഡിനേക്കാളും നീളമുള്ള വിമാനമോ, എന്തായിരിക്കാം ദൗത്യം?