നാസയെ കീഴ്‌പ്പെടുത്തി ഐഎസ്ആർഒ ചരിത്രം കുറിക്കുന്നു

പിഎസ്എൽവി റോക്കറ്റുകൾ ഉപയോഗിച്ചാണ് ഉപഗ്രഹങ്ങൾ വിക്ഷേപിക്കുന്നത്. ഇതുവരെ ഇരുപത്തിയൊന്ന് രാജ്യങ്ങളുടെ 57 ഉപഗ്രഹങ്ങളാണ് പിഎസ്എൽവിയുടെ സഹായത്താൽ ഭ്രമണപഥത്തിൽ എത്തിയിട്ടുള്ളത്.

ഈയിടെ ആറ് സിങ്കപ്പൂർ ഉപഗ്രഹങ്ങളെയാണ് പിഎസ്എൽവി29 വിജയകരമായി വിക്ഷേപിച്ചത്. ഇന്ത്യൻ ബഹിരാകാശ മേഖലയിലെ ഒരു പൊൻതൂവൽ കൂടിയാണ് ഈ നേട്ടം.

ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിൽ നിന്നാണ് വിക്ഷേപണം നടത്തിയത്.

ഈ വർഷം മൊത്തത്തിൽ പതിനൊന്ന് വിദേശ ഉപഗ്രഹങ്ങളെയാണ് പിഎസ്എൽവി28, സി30 എന്നിവ വിക്ഷേപിച്ചിട്ടുള്ളത്.

കുറച്ച് മാസങ്ങൾക്ക് മുൻപാണ് ഐഎസ്ആർഒ അമേരിക്കയുടെ നാല് ചെറുഉപഗ്രഹങ്ങളെ ഭ്രമൺപഥത്തിൽ എത്തിച്ചത്.

ഇത് രണ്ടാം തവണയാണ് ഐഎസ്ആർഒ അമേരിക്കൻ ഉപഗ്രഹങ്ങളെ വിക്ഷേപിക്കാൻ ഒരുങ്ങുന്നത്.

വളരെകുറഞ്ഞ ചിലവിൽ ഉപഗ്രഹങ്ങളെ യഥാവിധം ഭ്രമണപഥത്തിൽ എത്തിക്കാനുള്ള ഐഎസ്ആർഒ കഴിവാണ് വിദേശ ബഹിരാകാശ വിപണിയിൽ പ്രത്യേകമിടം നേടികൊടുക്കാനുള്ള കാരണം.

വിദേശരാജ്യങ്ങളുടെ ഉപഗ്രഹ വിക്ഷേപണം സംബന്ധിച്ചുള്ള വാണിജ്യപരമായ കാര്യങ്ങൾ ഐഎസ്ആർഒ വാണിജ്യ വിഭാഗമായ ആൻട്രിക്സിന്റെ നേതൃത്വത്തിലാണ് നടപിലാക്കുന്നത്.

ഉപഗ്രഹ നിർമാണം, വിക്ഷേപണം, ഉപഗ്രഹങ്ങൾ ശേഖരിക്കുന്ന വിവരങ്ങളുടെ കൈമാറ്റം എന്നിവയ്ക്കൊക്കെ ചുക്കാൻ പിടിക്കുന്നത് ആൻട്രിക്സാണ്.

ടിവി-റേഡിയോ സംപ്രേക്ഷണം, ഇന്റർനെറ്റ്, ഡിടുഎച്ച്, ദുരന്തനിവാരണ സംവിധാനങ്ങൾ, ടെലി മെഡിസിൻ, ടെലി എജ്യുക്കേഷൻ എന്നീ വിഭാഗങ്ങളിലെ സേവന ദാതാക്കൾക്ക് ആവശ്യമായിട്ടുള്ള ട്രാൻസ്‌പോണ്ടറുകൾ വാടകയ്ക്ക് നൽകുന്നതും ഐഎസ്ആർഒയുടെ വാണിജ്യ വിഭാഗം ആൻട്രിക്സാണ്.

നാസയ്ക്ക് സാധിക്കാത്ത നേട്ടങ്ങളാണ് ബഹിരാകാശ വിപണിയിൽ ഇന്ത്യയുടെ ഐഎസ്ആർഒ കൈവരിച്ചിരിക്കുന്നത്.

അമേരിക്കൻ ജിപിഎസിന് വിട ഇനി ഐആര്‍എന്‍എസ്എസ് നമ്മുക്ക് സ്വന്തം

ഒരു ആണവശക്തിക്കും ഇന്ത്യയെ തകർക്കാൻ കഴിയില്ല കൂട്ടിന് കാളിയുണ്ട്