ഐഎസ്ആർഓയുടെ സ്പേസ് സ്റ്റേഷൻ്റെ പേര് കേട്ടോ, 2035 -ഓടെ സാധ്യമാകുമെന്ന് റിപ്പോർട്ട്

ഇന്ത്യൻ ബഹിരാകാശ ഗവേഷണ സ്ഥാപനം 2035-ഓടെ ഭാരതീയ അന്തരിക്ഷ് സ്റ്റേഷൻ (BAS) എന്ന് വിളിക്കപ്പെടുന്ന ഇന്ത്യയുടെ ആദ്യത്തെ ബഹിരാകാശ നിലയം സ്ഥാപിക്കാൻ ഘട്ടം ഘട്ടമായി പ്രവർത്തിക്കുകയാണെന്ന വാർത്ത കഴിഞ്ഞ ദിവസം കേന്ദ്ര ശാസ്ത്ര സാങ്കേതിക മന്ത്രി ജിതേന്ദ്ര സിംഗ് സ്ഥീരികരിച്ചിരിക്കുകയാണ്. 2035-ഓടെ ബഹിരാകാശ നിലയം സ്ഥാപിക്കുന്നതിനായി, ഭാരതീയ അന്തരിക്ഷ് സ്റ്റേഷൻ്റെ (ബിഎഎസ്) മൊത്തത്തിലുള്ള കോൺഫിഗറേഷനിൽ ഐഎസ്ആർഒ പ്രവർത്തിച്ചു കൊണ്ടിരിക്കുകയാണ്.

ഘട്ടംഘട്ടമായി സ്റ്റേഷൻ കൂട്ടിച്ചേർക്കാനാണ് പദ്ധതിയിടുന്നത്. ഇതിലേക്കായി വ്യത്യസ്ത മൊഡ്യൂളുകളുടെയും അവയുടെ ലോഞ്ചുകളുടെയും ഒരു ഭാവി റോഡ്മാപ്പ് വികസിപ്പിച്ചുകൊണ്ടിരിക്കുകയാണെന്നും അദ്ദേഹം പറഞ്ഞു. ഇന്ത്യൻ ബഹിരാകാശ നിലയം നിലവിൽ ഒരു സങ്കൽപ്പമായി തന്നെ നിൽക്കുകയാണ്, ഇതിന് കീഴിൽ സ്റ്റേഷന് ആവശ്യമായ മൊഡ്യൂളുകളുടെ മൊത്തത്തിലുള്ള വാസ്തുവിദ്യ, എണ്ണം, മൊഡ്യൂളുകൾ എന്നിവ പഠിക്കുകയും തിരിച്ചറിയുകയും ചെയ്യുകയാണ്.

ഭാരതീയ അന്തരിക്ഷ് സ്റ്റേഷന് ഫണ്ട് അനുവദിക്കുന്നത് പരിഗണിക്കുന്നത് സാധ്യതാ പഠനം പൂർത്തിയാക്കിയ ശേഷമായിരിക്കും. പിന്നീട് ആവശ്യമായ പഠനങ്ങൾക്കും നിരീക്ഷണങ്ങൾക്കും ശേഷം അനുമതിക്കായി സർക്കാരിന് മുന്നിൽ നിർദേശം വെക്കുമെന്നാണ് അറിയിച്ചിരിക്കുന്നത്. നിലവിൽ, ഓർബിറ്ററുകൾ, ലാൻഡറുകൾ, റോവറുകൾ എന്നിവയിലൂടെ ചന്ദ്രൻ്റെ കൂടുതൽ റോബോട്ടിക് പര്യവേക്ഷണത്തിനുള്ള സാധ്യതാ പഠനങ്ങൾ ബഹിരാകാശ ഏജൻസി ഏറ്റെടുത്തിട്ടുണ്ട്, കൂടാതെ ചന്ദ്ര സാമ്പിൾ ശേഖരണവും തിരിച്ചുവരവും, തുടർന്ന് ചന്ദ്രനിൽ മനുഷ്യൻ ഇറങ്ങുന്നതിനുള്ള സാധ്യതകൾ പരിശോധിച്ചു കൊണ്ടിരിക്കുകയാണ്.

ഇന്ത്യയുടെ ബഹിരാകാശ ഏജൻസിയായ ഐഎസ്ആർഒ, ജിയോസ്റ്റേഷണറി ട്രാൻസ്ഫർ ഓർബിറ്റുകൾക്ക് 6 ടൺ ഭാരമുള്ള പേലോഡുകൾ വഹിക്കാൻ വരെ കഴിയുന്ന തരത്തിൽ ഇത് കൂടുതൽ നവീകരിക്കാനുള്ള ശ്രമത്തിലാണ് ശാസ്ത്രജ്ഞർ. ഉപഗ്രഹം വിക്ഷേപിക്കുന്നതിനുളള ചെലവ് കുറയ്ക്കുന്നതിന് എൽവിഎം-3 കാര്യമായ പങ്ക് വഹിക്കുന്നില്ല അത് കൊണ്ട് തന്നെ പുതിയ റോക്കറ്റുകൾ പരീക്ഷിക്കേണ്ടത് ആവശ്യമായി വന്നിരിക്കുകയാണ്.

സ്ക്രാംജെറ്റ് അല്ലെങ്കിൽ സൂപ്പർസോണിക്ക് റോക്കറ്റുകൾ എന്ന് പറയുന്നത് അവ അന്തരീക്ഷത്തിലൂടെ പറക്കുമ്പോൾ സ്വയം ജ്വലിക്കുകയും അത് പോലെ തന്നെ പിന്നീട് ഉപയോഗിക്കുന്നതിന് രാസ ഇന്ധനങ്ങൾ സൂക്ഷിക്കുകയും ചെയ്യും. റോക്കറ്റിൽ ഫണൽ പോലെയുളള ദ്വാരങ്ങളുണ്ട് അതിലൂടെ വായു അതി വേഗത്തിൽ കടന്നുപോകുകയും കംപ്രസ് ചെയ്യുകയും ചെയ്യുന്നു.

മിസൈൽ സാങ്കേതികവിദ്യയിൽ റാംജെറ്റുകളും സ്‌ക്രാംജെറ്റുകളും സാധാരണമാണ്. ഇന്ത്യയുടെ ബ്രഹ്മോസ് മിസൈലിൽ റാംജെറ്റുകളാണ് ഘടിപ്പിച്ചിരിക്കുന്നത്; ഒരു സൂപ്പർസോണിക് വേരിയന്റിന് ഒരു സ്ക്രാംജെറ്റ് എഞ്ചിൻ ഉണ്ട്. എന്നിരുന്നാലും, സ്‌ക്രാംജെറ്റുകൾ റോക്കറ്റുകളിൽ വിജയകരമായി ഉപയോഗിച്ചിട്ടില്ല. കുറച്ച് വർഷങ്ങൾക്ക് മുമ്പ്, ISRO ഒരു റോക്കറ്റിൽ ഒരു എയർ ബ്രീത്തിംഗ് എഞ്ചിൻ വിജയകരമായി പരീക്ഷിച്ചിരുന്നു, എന്നാൽ അത് ഇപ്പോൾ ഒരു വലിയ എഞ്ചിനിൽ പ്രവർത്തിക്കുകയാണ്.

ചന്ദ്രയാൻ പദ്ധതിക്ക് ശേഷം രാജ്യം സമുദ്രത്തിൻ്റെ അടിത്തട്ടിലേക്ക് പോകാനുളള സംവിധാനവുമായി രംഗത്ത് വന്നിരുന്നു. ആഴക്കടലിലെ വിഭവങ്ങളും അതോടൊപ്പം തന്നെ ജൈവവൈവിധ്യവും പഠിക്കുന്നതിനായി കടലിനടിയിലേക്ക് ആറ് കിലോമീറ്റർ ആഴത്തിൽ മൂന്ന് പേരെ അയക്കാനാണ് ഇന്ത്യയുടെ ആദ്യത്തെ ഡീപ് ഓഷ്യൻ മിഷനായ സമുദ്രയാനിലൂടെ ഗവേഷകർ ലക്ഷ്യമിടുന്നത്.

മനുഷ്യരെ ഉൾക്കൊള്ളുന്ന ആഴക്കടൽ ദൗത്യത്തിന് വേണ്ടി രാജ്യമൊരുങ്ങുന്നത് ചരിത്രത്തിൽ ആദ്യമായിട്ടാണ്. ചെന്നൈയിലെ നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യൻ ടെക്‌നോളജിയിൽ വികസിപ്പിക്കുന്ന മത്സ്യ 6000 എന്ന് പേര നൽകിയിരിക്കുന്ന പ്രത്യേക അന്തർവാഹിനിയിലാണ് യാത്ര തിരിക്കുന്നത്. ഇന്ത്യയുടെ സാമ്പത്തിക വളർച്ചയ്ക്കും തൊഴിലവസരങ്ങൾ സൃഷ്ടിക്കുന്നതിനുമായി സമുദ്രവിഭവങ്ങളുടെ സുസ്ഥിരമായ വേർതിരിച്ചെടുക്കലിലൂടെ സമുദ്ര ആവാസവ്യവസ്ഥയുടെ അവസരം ഇതിലൂടെ തെളിയിക്കാനാകും.

2026 ഓടെ പേടകം സമുദ്രത്തിൻ്റെ അടിത്തട്ടിലേക്കുളള യാത്ര ആരംഭിക്കുമെന്നുമാണ് അറിയാൻ സാധിക്കുന്നത്. രാജ്യം പുരോഗതിയുടെ പാതയിലൂടെ കുതിക്കുന്നു എന്നതിൻ്റെ തെളിവാണ് ഇത്തരം പദ്ധതികളും കണ്ടുപിടിത്തങ്ങളുമൊക്കെ, പുതിയ ബഹിരാകാശ നിലയത്തെ കുറിച്ചുളള നിങ്ങളുടെ അഭിപ്രായം എന്താണ് എന്നുളളത് കമൻ്റ് ബോക്സിൽ കമൻ്റ് ചെയ്യാൻ മറക്കരുതേ എന്ന് പ്രത്യേകം ഓർപ്പിക്കുകയാണ്.