ജേ ലിനോയുടെ ശേഖരത്തില്‍ നാനോയും

അമേരിക്കന്‍ ടോക്‍ഷോകളിലൂടെയാണ് ജേ ലിനോയെ ലോകം അറിയുന്നത്. അദ്ദേഹത്തിന്‍റെ വാഹനപ്രണയവും പ്രശസ്തമാണ്.

ഒരു വെള്ള ടാറ്റ നാനോയാണ് ജേലിനോ സ്വന്തമാക്കിയിരിക്കുന്നത്. ഇന്ത്യന്‍ പതാകയിലെ ത്രിവര്‍ണം ഈ കാറില്‍ പതിച്ചിട്ടുണ്ട്.

ഇന്ത്യന്‍ ശൈലിയില്‍ വസ്ത്രം ധരിച്ചാണ് ജേ ലിനോ കാറിനെ സ്വീകരിച്ചത്. ഇന്ത്യന്‍ വസ്ത്രങ്ങളണിഞ്ഞ നര്‍ത്തകരും സ്വീകരണ പരിപാടിയിയെ ജോറാക്കി.

ലോകത്തെമ്പാടും നാനോ കാര്‍ എത്തിക്കാനുള്ള ശ്രമത്തിലാണ് ടാറ്റ ഇപ്പോള്‍. ദക്ഷിണേഷ്യന്‍ രാഷ്ട്രങ്ങളില്‍ ഏറെക്കുറെ നാനോ എത്തിക്കഴിഞ്ഞു. അമേരിക്കയില്‍ നാനോയുടെ ഇടങ്കൈ ഡ്രൈവ് എത്തിക്കുവാനുള്ള പരിപാടികള്‍ തകൃതിയായി നടക്കുകയാണ്. ജേ ലിനോയെപ്പോലുള്ള ഒരു ആരാധകന്‍ തീര്‍ച്ചയായും നാനോയുടെ വില്‍പനയ്ക്ക് അനുകൂലമായ തരംഗം സൃഷ്ടിക്കും.