താരദമ്പതിമാർ ഇനി വേറെ ലെവൽ; Bmw M340i സ്വന്തമാക്കി ജീവയും അപർണയും

ബിഎംഡബ്ല്യു 3 സീരീസ് ശ്രേണിയിലെ ഏറ്റവും മസ്ക്കുലറായ മോഡലാണ് എം340i. വാഹനത്തിൻ്റെ കൂടുതൽ വിശദാംശങ്ങളിലേക്ക് ഒന്ന് നോക്കാം. പ്രാദേശികമായി നിര്‍മ്മിച്ച ആദ്യത്തെ 'M' കാര്‍ എന്ന വിശേഷണത്തോടെയായിരുന്നു ബി‌എം‌ഡബ്ല്യു M340i എന്ന ആഢംബര കാർ നിർമാതാക്കൾ വിപണിയിലെത്തിച്ചത്. ഒറ്റനോട്ടത്തില്‍, കാറിന്റെ മുന്‍ഭാഗം കാണുമ്പോള്‍ ഫ്രണ്ട് ഗ്രില്ലില്‍ M ബാഡ്ജിംഗ് ഇല്ലാത്തതിനാല്‍ ഇത് ഒരു പെർഫോമൻസ് സെഡാനാണെന്ന് പറയാന്‍ ബുദ്ധിമുട്ടായിരിക്കും.

എന്നാല്‍, വശത്തേക്ക് നീങ്ങുമ്പോള്‍ ഒറ്റനോട്ടത്തിൽ തന്നെ ബാഡ്ജുകളും ടയറുകളും കാരണം ഇത് ഒരു സാധാരണ 3 സീരീസ് അല്ലെന്ന് മനസ്സിലാക്കും. മുന്‍വശത്ത്, M340i-ന് സജീവമായ എയര്‍ വെന്റുകളുള്ള ഒരു സൂക്ഷ്മ ഗ്രില്‍ ലഭിക്കുന്നു.

അത് എഞ്ചിന്‍ ബേയില്‍ കൂടുതല്‍ വായു ആവശ്യമുള്ളപ്പോഴെല്ലാം തുറക്കുകയും അടയ്ക്കുകയും ചെയ്യുന്നു. അവ അടച്ചുകഴിഞ്ഞാല്‍ മികച്ച എയറോഡൈനാമിക്‌സ് നല്‍കുന്നു. കാറിന്റെ മുന്നില്‍ ക്രോം ഘടകങ്ങളൊന്നും ഇല്ല. എന്നിരുന്നാലും, ഗ്രില്‍ അതിന്റെ ക്രോം ബിറ്റുകള്‍ കൊണ്ട് നിറച്ചതായി തോന്നുമെങ്കിലും, അടുത്ത് നിന്ന് നോക്കുമ്പോള്‍ അത് സില്‍വര്‍ ബ്രഷ് ചെയ്തതാണെന്ന് മനസ്സിലാകും.

ഏറ്റവും പുതിയ ബിഎംഡബ്ല്യു കാറിന് ലേസര്‍ എല്‍ഇഡി ഹെഡ്‌ലൈറ്റുകളാണ് നൽകിയിരിക്കുന്നത്. പ്രൊജക്ടറിനുള്ളില്‍ നീല നിറത്തിലുള്ള ഒരു ഘടകവും ലഭിക്കും. മുന്‍വശത്ത് സെഡാന് ഒരു സ്‌പോര്‍ട്ടി ബമ്പര്‍ ലഭിക്കുന്നു.

വശങ്ങളിലേക്ക് നോക്കുമ്പോൾ ആദ്യം ശ്രദ്ധിക്കുന്നത്, ഫെന്‍ഡറിലെ ചെറിയ M ബാഡ്ജിങ്ങ് ആണ്. 18 ഇഞ്ച് മള്‍ട്ടിസ്പോക്ക് അലോയ് വീലുകള്‍ M ഡിവിഷനില്‍ നിന്നുള്ളവയാണ്, അവ ഡ്യുവല്‍-ടോണ്‍ നിറത്തിലാണ് നൽകിയിരിക്കുന്നത്.വശങ്ങളിലും വാഹനത്തിന് ക്രോം ഒന്നും ലഭിക്കുന്നില്ല, പകരം, വിന്‍ഡോയ്ക്ക് ചുറ്റുമുള്ള ബീഡിങ്ങുകൾ പൂര്‍ണ്ണമായും ബ്ലാക്കിലാണ് ചെയ്തിരിക്കുന്നത്. ഒരു വലിയ സണ്‍റൂഫും ഒരു ഷാര്‍ക്ക് ഫിന്‍ ആന്റിനയും വാഹനത്തിന് നൽകിയിട്ടുണ്ട്.

പിന്നില്‍ വാഹനത്തിന്, M340i ബാഡ്ജ്, എക്‌സ്‌ഡ്രൈവ് ബാഡ്ജ്, ഇരട്ട എക്സ്ഹോസ്റ്റ് സജ്ജീകരണം എന്നിവ ലഭിക്കുന്നു. ഒരു റിവേഴ്‌സ് പാര്‍ക്കിംഗ് ക്യാമറയും ഇതിന് ലഭിക്കുന്നു, അത് ഇടുങ്ങിയ ഇടങ്ങളില്‍ പോലും എളുപ്പത്തില്‍ പാര്‍ക്ക് ചെയ്യാന്‍ സഹായിക്കും. ക്യാമറയില്‍ നിന്നുള്ള ചിത്രത്തിന്റെ ഗുണനിലവാരം വളരെ മികച്ചതാണ്.

M340i -യുടെ ക്യാബിന്‍ പൂര്‍ണ്ണമായും സില്‍വര്‍, അല്‍കന്റാരയും ഉപയോഗിച്ച് മനോഹരമാക്കിയിരിക്കുന്നു. അതിനാല്‍ ക്യാബിനും വളരെ സ്‌പോര്‍ട്ടി ആയി കാണാം. വാതില്‍ പാനലുകളിലും ഡാഷ്ബോര്‍ഡിലും ധാരാളം സോഫ്റ്റ്-ടച്ച് മെറ്റീരിയലുകള്‍ ഉണ്ട്. ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ എന്നിവ ഉള്‍ക്കൊള്ളുന്ന 10.25 ഇഞ്ച് ഇന്‍ഫോടെയ്ന്‍മെന്റ് സിസ്റ്റമാണ് സെന്റര്‍ സംയോജിപ്പിച്ചിരിക്കുന്നത്. ഏറ്റവും മികച്ച ഇൻഫോറ്റെൻമെൻ്റാണ് വാഹനത്തിന് നൽകിയിരിക്കുന്നത്. വളരെ ആകര്‍ഷകമായ 12.3 ഇഞ്ച് ഇന്‍സ്ട്രുമെന്റ് ക്ലസ്റ്റര്‍ പൂര്‍ണ്ണമായും ഡിജിറ്റല്‍ ആണ്.

ഡ്രൈവറുടെ ആവശ്യങ്ങള്‍ക്കനുസരിച്ച് ക്ലസ്റ്റര്‍ ക്രമീകരിക്കാനും കഴിയും. ക്ലസ്റ്ററിന് മുകളില്‍ തന്നെ ഹെഡ്‌സ്-അപ്പ്-ഡിസ്‌പ്ലേ ഉണ്ട്, അത് ആരെങ്കിലും വിളിക്കുന്നുണ്ടോ അല്ലെങ്കില്‍ ഒരു ഗാനം തെരഞ്ഞെടുക്കാന്‍ ആഗ്രഹിക്കുന്നുണ്ടോ എന്നിങ്ങനെയുള്ള ധാരാളം വിവരങ്ങള്‍ നല്‍കുന്നു. M ഡിവിഷനില്‍ നിന്നുള്ള സ്റ്റിയറിംഗ് വീലും ലെതറില്‍ പൊതിഞ്ഞ് അതിമനോഹരമായി കാണപ്പെടുന്നു. ഇതിന് M ബാഡ്ജ് ലഭിക്കുന്നു, എന്നാൽ ഇത് ഒരു ഫ്‌ലാറ്റ്-ബോട്ടം സ്റ്റിയറിംഗ് വീലല്ല.

മുന്‍ സീറ്റുകള്‍ ബക്കറ്റ് ആകൃതിയിലുള്ളതും ലെതര്‍, അല്‍കന്റാര എന്നിവയില്‍ പൊതിഞ്ഞതുമാണ്. അവ വൈദ്യുതപരമായി ക്രമീകരിക്കാന്‍ കഴിയുമെങ്കിലും ഡ്രൈവറുടെ വശത്ത് മാത്രമേ സീറ്റ് മെമ്മറി പ്രവര്‍ത്തനം ലഭിക്കൂ. എന്നിരുന്നാലും, സീറ്റുകള്‍ സുഖകരമാണെന്ന് വേണം പറയാന്‍. പിന്‍ സീറ്റുകളിൽ മികച്ച പിന്തുണ നല്‍കുന്നു, ഒപ്പം മുന്‍ സീറ്റുകളേക്കാള്‍ കൂടുതല്‍ സുഖകരമാണ്. രണ്ട് കപ്പ് ഹോള്‍ഡറുള്ള ഒരു സെന്റര്‍ ആംറെസ്റ്റും ലഭിക്കും.

440 ലിറ്റര്‍ ബൂട്ട് സ്‌പേസാണ് വാഹനത്തിൽ ലഭിക്കുന്നത്, ഇത് നാല് യാത്രക്കാര്‍ക്ക് ലഗേജ് സൂക്ഷിക്കാന്‍ പര്യാപ്തമാണ്. കൂടുതല്‍ സ്ഥലം ആവശ്യമുണ്ടെങ്കില്‍, 60:40 അനുപാതത്തില്‍ മടക്കാനും സാധിക്കും.

M340i എക്‌സ്‌ഡ്രൈവ് അതിന്റെ ഡ്രൈവിംഗ് ഡൈനാമിക്‌സിന് പേരുകേട്ടതാണ്. സെഡാന്‍ കരുത്ത് സൃഷ്ടിക്കുന്നത് ഇന്‍-ലൈന്‍ ആറ് സിലിണ്ടര്‍, ട്വിന്‍-സ്‌ക്രോള്‍ ടര്‍ബോ 3.0 ലിറ്റര്‍ എഞ്ചിനില്‍ നിന്നാണ്. 5,800 rpm-ല്‍ പരമാവധി 385 bhp കരുത്തും 1,850-5,000 rpm-ല്‍ 500 Nm torque ഉം ഉത്പാദിപ്പിക്കുന്നു. എട്ട് സ്പീഡ് സ്റ്റെപ്‌ട്രോണിക് ഗിയര്‍ബോക്‌സുമായിട്ടാണ് എഞ്ചിന്‍ ജോടിയാക്കുന്നത്. 4.4 സെക്കന്‍ഡിനുള്ള പൂജ്യത്തില്‍ നിന്നും 100 കിലോമീറ്റര്‍ വേഗത കൈവരിക്കാന്‍ വാഹനത്തിന് സാധിക്കുന്നു. 250 കിലോമീറ്ററാണ് പരമാവധി വേഗത.