കോവിഡ്-19; ചൈനയിലെ നിർമ്മാണശാലയിൽ മാസ്ക് നിർമ്മിക്കാനൊരുങ്ങി കിയ

കിയയുടെ ഈ പ്രഖ്യാപനത്തിന് ശേഷം ഫിയറ്റ് ക്രൈസ്ലർ ഗ്രൂപ്പും അത്തരമൊരു നടപടി സ്വീകരിച്ചു, ഈ ആഴ്ച ആദ്യം ഏഷ്യയിലെ കമ്പനിയുടെ പ്ലാന്റിൽ മാസ്കുകൾ ഉത്പാദിപ്പിക്കുന്നതിനായുള്ള പ്രവർത്തനങ്ങൾ ആരംഭിക്കുമെന്ന് കമ്പനിയുടെ സിഇഒ മൈക്ക് മെൻലി തന്നെയാണ് അറിയിച്ചത്.

ഈ പ്രവർത്തനങ്ങളുടെ സഹായത്തോടെ കൂടുതൽ കൂടുതൽ ആരോഗ്യ പ്രവർത്തകർക്ക് മാസ്കുകൾ നൽകാൻ കഴിയും, വരും ആഴ്ചകളിൽ ഉൽപാദന ശേഷി പ്രതിമാസം ഒരു ദശലക്ഷം മാസ്കുകളായി ഉയർത്താനാകും എന്നാണ് റിപ്പോട്ടുകൾ.

ദക്ഷിണ കൊറിയൻ കാർ നിർമ്മാതാക്കളുടെ യെൻ‌ചെംഗ് പ്ലാന്റിൽ മാസ്കുകൾ നിർമ്മിക്കാൻ കഴിയുമെന്ന് കിയ മോട്ടോർസ് ഉദ്യോഗസ്ഥർ പറഞ്ഞു. ചൈനീസ് ഗവൺമെന്റും ഇതിനെ കാര്യമായി തന്നെ പ്രോത്സാഹിപ്പിക്കുന്നു.

എന്നിരുന്നാലും, എത്ര കാലം ഉത്പാദനം നടക്കും, അവയുടെ ഉൽപാദന ശേഷി എന്താണ് എന്നതിനെക്കുറിച്ചുള്ള വിവരങ്ങൾ നൽകാൻ ഉദ്യോഗസ്ഥർ തയ്യാറായില്ല.

കൊറോണ വൈറസ് കാരണം, കിയ മോട്ടോർസ് അമേരിക്കയിലെ ജോർജിയ പ്ലാന്റിലെയും ഉത്പാദനം നിർത്തിവച്ചിരിക്കുകയാണ്. ഇതോടൊപ്പം സ്ലൊവാക്യയിലും ഇന്ത്യയിലും ഉത്പാദനം നിലച്ചു.