Just In
- 50 min ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 3 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 4 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 4 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies ആദ്യ ക്ലാരിറ്റി വരുത്തേണ്ടത് പുറത്തെ ബന്ധത്തിൽ; നിങ്ങളുടെ നാടകത്തിൽ അയാൾക്ക് എന്താണ് റോൾ?; ചർച്ച
- Sports T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ
- Lifestyle ആയുര്വ്വേദം ഉറപ്പ് നല്കുന്ന പരിഹാരം വായ്നാറ്റത്തിന്
- News നിമിഷപ്രിയയെ യെമനിലെ ജയിലിലെത്തി കണ്ട് അമ്മ; കൂടിക്കാഴ്ച്ച 12 വര്ഷങ്ങള്ക്ക് ശേഷം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഹൈടെക് ഹൈടെക് ;കെഎസ്ആർടിസിയിൽ ഇനി ടിക്കറ്റ് വേണ്ട
കെഎസ്ആർടിസിയിൽ യാത്ര ചെയ്യാൻ ഇനി ടിക്കറ്റ് വേണ്ട, എന്നു വച്ച് ഫ്രീ യാത്ര അല്ല കേട്ടോ. ടിക്കറ്റുകൾക്ക് പകരം ട്രാവൽ കാർഡുകൾ കൊണ്ടുവരാനാണ് കെഎസ്ആർടിസിയുടെ പുതിയ നീക്കം. പേരും മൊബൈല് നമ്പറും ഒപ്പം 100 രൂപയും നല്കിയാല് ട്രാവല് കാര്ഡുകള് യാത്രക്കാരുടെ കയ്യില് കിട്ടും.
എത്ര തവണ വേണമെങ്കിലും ഉപയോഗിക്കാന് കഴിയുന്ന റീചാര്ജബിള് പ്രീപെയ്ഡ് ട്രാവല് കാര്ഡുകള് ഉപയോഗിച്ച് ഇഷ്ടമുള്ളിടത്തേക്ക് യാത്ര ചെയ്യാം. 50 രൂപ മുതല് റീചാര്ജ് ലഭ്യമാണ്. ഒരു സമയം പരമാവധി 2000 രൂപ വരെ റീചാര്ജ് ചെയ്യാം. കെ എസ് ആര് ടി സിയുടെ ഫീഡര് ബസ്,സിറ്റി സര്ക്കുലര് സര്വീസ്, സിറ്റി ഷട്ടില് സര്വീസുകള് എന്നിവയിലാണ് നിലവില് കാര്ഡ് ഉപയോഗിക്കാന് കഴിയുന്നത്. രണ്ടുമാസത്തിനകം എല്ലാ സര്വീസുകളിലും ട്രാവല് കാര്ഡ് ഉപയോഗം വ്യാപകമാക്കാനാണ് ശ്രമം.
കാർഡ് എങ്ങനെ ലഭിക്കും
100 രൂപ സഹിതം പേരും മൊബൈൽ നമ്പറും നൽകിയാൽ കെഎസ്ആർടിസിയുടെ യാത്രാ കാർഡ് ലഭിക്കും. കാർഡ് കൈവശമുള്ള ഒരു യാത്രക്കാരൻ കെഎസ്ആർടിസി ബസുകളിൽ യാത്ര ചെയ്യുമ്പോൾ ടിക്കറ്റ് വാങ്ങേണ്ടതില്ല, പകരം കാർഡ് ഉപയോഗിക്കാം. സാധാരണ ടിക്കറ്റ് നൽകാതെ യാത്രാ കാർഡുകൾ മാത്രം സ്വീകരിക്കുന്ന ഫീഡർ ബസുകളും സർവീസുകളും ഏർപ്പെടുത്തുന്നത് പരിഗണിച്ചാണ് കെഎസ്ആർടിസി അധികൃതർ കാമ്പയിൻ ആരംഭിച്ചത്.
കെ എസ് ആര് ടി സി കൊമേഷ്യല് വിഭാഗത്തിന്റെ നേതൃത്വത്തിലാണ് സിവില് സ്റ്റേഷനില് ക്യാമ്ബയിന് സംഘടിപ്പിച്ചത്. ഇരുന്നൂറോളം കാര്ഡുകളാണ് ക്യാമ്ബയിന്റെ ഭാഗമായി വിതരണം ചെയ്തത്. കെ എസ് ആര് ടി സി ബസുകളിലെ കണ്ടക്ടര്മാര് തന്നെയാണ് സ്മാര്ട്ട് കാര്ഡുകള് റീചാര്ജ് ചെയ്ത് നല്കുന്നതും. ഒരു ട്രാവല് കാര്ഡ് എടുത്തു കഴിഞ്ഞാല് കുടുംബത്തില് എല്ലാവര്ക്കും അത് ഉപയോഗിക്കാന് കഴിയും എന്നതാണ് പ്രത്യേകത.
ആനുകൂല്യങ്ങൾ
പ്രീപെയ്ഡ് ട്രാവൽ കാർഡുകൾ എത്ര തവണ വേണമെങ്കിലും റീചാർജ് ചെയ്യാനും യാത്രക്കാർക്ക് ഏത് ലക്ഷ്യസ്ഥാനത്തേക്കും കെഎസ്ആർടിസി ബസുകളിൽ കയറാനും കഴിയും. റീചാർജ് തുകകൾ 50 രൂപയിൽ നിന്ന് ആരംഭിക്കുന്നു, ഒരു സമയം പരമാവധി റീചാർജ് 2,000 രൂപയാണ്. 250 രൂപ മുതല് 2000 രൂപ വരെ റീചാര്ജ് ചെയ്യുമ്പോൾ 10 ശതമാനം അധിക തുകയുടെ മൂല്യം യാത്രക്കാര്ക്ക് സൗജന്യമായി ലഭിക്കും. ആര് എഫ് ഐ ഡി സാങ്കേതികവിദ്യയില് അധിഷ്ഠിതമായ സുരക്ഷാ സംവിധാനങ്ങളോടു കൂടിയതാണ് ട്രാവല് കാര്ഡുകള്.
അടുത്തിടെയാണ് കെഎസ്ആർടിസിയുടെ റൂട്ടും സമയവും ഗൂഗിൾ മാപ്പിൽ ഉൾപ്പെടുത്തിയത്.തിരുവനന്തപുരത്തെ സിറ്റി സർക്കുലർ സർവീസുകളാണ് പരീക്ഷണാടിസ്ഥാനത്തിൽ കൂട്ടിച്ചേർത്തത്. ഗൂഗിൾ മാപ്പിലെ പൊതുഗതാഗതത്തിലാണ് ഇത് ലഭ്യമാകുക. ലക്ഷ്യസ്ഥാനം നൽകുമ്പോൾ, വിവരങ്ങൾ ഉടനടി ലഭിക്കും.സിറ്റി സർക്കുലർ ബസുകളുടെ വിവരങ്ങൾ പൂർണമായി ഉൾപ്പെടുത്തിയ ശേഷം, സ്വിഫ്റ്റ് സേവനങ്ങൾ പോലുള്ള ദീർഘദൂര സർവീസുകളുടെ വിശദാംശങ്ങൾ ഗൂഗിൾ മാപ്പിൽ രേഖപ്പെടുത്തും. എല്ലാ കെഎസ്ആർടിസി ബസുകളുടെയും റൂട്ടുകൾ പിന്നീട് ഗൂഗിൾ മാപ്പിൽ ചേർക്കാനാണ് തീരുമാനം.
നഗരത്തിൽ സർവീസ് നടത്തുന്ന ഈ സർവീസുകളുടെ റൂട്ടുകൾ തിരിച്ചറിയാൻ യാത്രക്കാർക്ക് ബുദ്ധിമുട്ടായതിനാലാണ് ഗൂഗിൾ മാപ്പിൽ ഇവ ഉൾപ്പെടുത്തിയത്.ബസുകളിലെ ജിപിഎസ് പ്രവർത്തനക്ഷമമായാൽ, ഗൂഗിൾ മാപ്പിൽ നിന്ന് യാത്രക്കാർക്ക് ബസ് എവിടെയാണെന്ന് കണ്ടെത്താൻ കഴിയുമെന്ന് ഗതാഗത സെക്രട്ടറിയും കെഎസ്ആർടിസി ചെയർമാനും മാനേജിംഗ് ഡയറക്ടറുമായ സിഎംഡി ബിജു പ്രഭാകർ അറിയിച്ചിരുന്നു. ഓർഡിനറി സർവീസുകൾ ഉൾപ്പെടെ 4000 കെഎസ്ആർടിസി ബസുകളിൽ നിന്ന് കിലോമീറ്ററിന് ശരാശരി 55 രൂപ വരുമാനം ലഭിക്കുമ്പോൾ സ്വിഫ്റ്റ് ബസുകളിൽ നിന്ന് കിലോമീറ്ററിന് 50 രൂപ മാത്രമാണ് ലഭിക്കുന്നത്.
സ്വിഫ്റ്റ് സർവീസുകളിലും ഇത് നടപ്പാക്കിയതോടെ യാത്രക്കാർക്ക് ബസ് സ്റ്റോപ്പിൽ നേരത്തെ തിരിക്കുന്നതിനും ദീർഘദൂര സർവീസുകൾക്കായി കാത്തിരിക്കുന്നതിനുമുള്ള ബുദ്ധിമുട്ട് ഒഴിവാക്കാനാകും. കെഎസ്ആർടിസി തങ്ങളുടെ യാത്രക്കാർക്ക് വേണ്ടി പുതിയ ഒരുപാട് സംവിധാനങ്ങൾ അവതരിപ്പിക്കുന്നുണ്ട്. സ്മാർട് കാർഡുകൾ ഉപയോഗിച്ച് യാത്ര ചെയ്ത യാത്രക്കാരുണ്ടെങ്കിൽ കമൻ്റ് ബോക്സിൽ തങ്ങളുടെ യാത്ര അനുഭവം പങ്ക് വയ്ക്കാനും മറക്കരുതേ.