പരിഷ്കാരികൾ! പോക്കറ്റ് കീറാതെ ADAS സേഫ്റ്റി ഫീച്ചുകളുമായി എത്തുന്ന 5 കാറുകൾ

ഇത് ക്യാമറകളും സെൻസറുകളും പ്രവർത്തിക്കുകയും നിങ്ങളുടെ വാഹനത്തിന് സമീപമുള്ള പ്രദേശം സ്കാൻ ചെയ്യുകയും ചെയ്യുന്നു, എന്നിട്ട് ഈ വിവരങ്ങൾ കാറിന്റെ സിസ്റ്റത്തിലേക്ക് നൽകുന്നു. ഇൻപുട്ടിനെ അടിസ്ഥാനമാക്കി, ഒരു അപകടം തടയുന്നത് മുതൽ നിങ്ങളുടെ ഡ്രൈവിംഗിന് സഹായം നൽകുന്നത് വരെയുള്ള പ്രവർത്തനങ്ങളുടെ ഒരു നിരയാണ് സിസ്റ്റം നിർവഹിക്കുന്നത്.

ഉയർന്ന നിലവാരമുള്ള കാറുകളിൽ, പ്രത്യേകിച്ച് വോൾവോകളിൽ മാത്രം കണ്ടിരുന്ന ഒരു പ്രീമിയം ഫീച്ചറാണിത്. വളർന്നുവരുന്ന സാങ്കേതികവിദ്യയും സുരക്ഷിതമായ റോഡുകളുടെ ആവശ്യകതയും കണക്കിലെടുത്ത്, ADAS മാസ് മാർക്കറ്റ് പ്രൊഡക്ഷൻ കാറുകളിലേക്ക് കടക്കുകയാണ്.

ADAS -ന്റെ ആറ് ലെവലുകൾ വരെയുണ്ട്, എന്നാൽ ലോകമെമ്പാടുമുള്ള മിക്ക കാറുകളും സാങ്കേതികവിദ്യയുടെ ലെവൽ 2 വരെ മാത്രമാണ് എത്തിയിരിക്കുന്നത്. ഇന്ത്യയിൽ ഉള്ളവയെല്ലാം ലെവൽ 2 ADAS സിസ്റ്റവുമായി സജ്ജീകരിച്ചിരിക്കുന്നു.

അതിനാൽ, ADAS സുരക്ഷാ സാങ്കേതികവിദ്യ ലഭിക്കുന്ന ഇന്ത്യയിലെ ഏറ്റവും താങ്ങാനാവുന്ന അഞ്ച് കാറുകളുടെ ലിസ്റ്റ് ഇതാ:

എംജി ആസ്റ്റർ

16.50 ലക്ഷം രൂപ മുതൽ ആരംഭിക്കുന്ന ടോപ്-എൻഡ് ഷാർപ്പ് (O) (സാവി) വേരിയന്റുകളിൽ മാത്രമാണ് ആസ്റ്റർ ADAS സാങ്കേതികവിദ്യ വാഗ്ദാനം ചെയ്യുന്നത്.

അഡാപ്റ്റീവ് ക്രൂയിസ് കൺട്രോൾ, ലെയിൻ ഡിപ്പാർച്ചർ വാർണിംഗ്/പ്രിവൻഷൻ, ലെയിൻ-കീപ്പ് അസിസ്റ്റ്, ഫോർവേഡ് കൊളീഷൻ വാർണിംഗ്, ഓട്ടോമാറ്റിക് എമർജൻസി ബ്രേക്കിംഗ് (പെടസ്ട്രിയൻസിന് പോലും), ഹൈ-ബീം അസിസ്റ്റ്, ബ്ലൈൻഡ്-സ്പോട്ട് ഡിറ്റക്ഷൻ, റിയർ ക്രോസ്- ട്രാഫിക് അലേർട്ട് എന്നിവ ഇതിന്റെ പൂർണ്ണമായ ADAS സാങ്കേതികവിദ്യയിൽ ഉൾപ്പെടുന്നു.

ZS ഇവിയ്ക്ക് പോലും തെരഞ്ഞെടുത്ത ADAS ഫീച്ചറുകൾ ലഭിക്കുന്നു, എന്നാൽ മുഴുവൻ സ്യൂട്ടും വരുന്നില്ല. ഇതിന് റിയർ ഡ്രൈവ് അസിസ്റ്റ്, ബ്ലൈൻഡ് സ്പോട്ട് ഡിറ്റക്ഷൻ സിസ്റ്റം, റിയർ ക്രോസ്-ട്രാഫിക് അലേർട്ട്, ലെയിൻ ചേഞ്ച് അസിസ്റ്റ് എന്നിവ ലഭിക്കുന്നു.

മഹീന്ദ്ര XUV700

വാഹനത്തിന്റെ AX7 വേരിയൻറ് ADAS-നൊപ്പം മഹീന്ദ്ര വാഗ്ദാനം ചെയ്യുന്നു. അഡാപ്റ്റീവ് ക്രൂയിസ് കൺട്രോൾ, ലെയിൻ ഡിപ്പാർച്ചർ വാർണിംഗ്, ലെയിൻ-കീപ്പ് അസിസ്റ്റ്, ഫോർവേഡ് കൊളീഷൻ വാർണിംഗ്, ഓട്ടോമാറ്റിക് എമർജൻസി ബ്രേക്കിംഗ്, ഹൈ-ബീം അസിസ്റ്റ്, ട്രാഫിക് സൈൻ റെക്കഗ്നിഷൻ എന്നിവ XUV700 -ന്റെ ADAS ഫീച്ചർ പട്ടികയിൽ ഉൾപ്പെടുന്നു.

എന്നിരുന്നാലും, ബ്ലൈൻഡ്-വ്യൂ മോണിറ്ററും അഡാപ്റ്റീവ് ക്രൂയിസ് കൺട്രോളും ടോപ്പ്-സ്പെക്ക് AX7 L വേരിയന്റിൽ മാത്രമാണുള്ളത്.

ഹോണ്ട സിറ്റി ഹൈബ്രിഡ്

സെഗ്‌മെന്റ്-എക്‌സ്‌ക്ലൂസീവ് ഫീച്ചറായി സെൽഫ് ചാർജിംഗ് സ്ട്രോംഗ്-ഹൈബ്രിഡ് സിസ്റ്റം ഉള്ളതിന് പുറമെ, സിറ്റിയുടെ മറ്റൊരു സവിശേഷത ADAS ഫീച്ചറാണ്. സെഡാന്റെ ADAS സ്യൂട്ടിന് ലെയിൻ-കീപ്പ് അസിസ്റ്റ്, ഓട്ടോമാറ്റിക് എമർജൻസി ബ്രേക്കിംഗ്, റോഡ്-ഡിപ്പാർച്ചർ മിറ്റിഗേഷൻ സിസ്റ്റം, അഡാപ്റ്റീവ് ക്രൂയിസ് കൺട്രോൾ, ഓട്ടോമാറ്റിക് ഹൈ-ബീം എന്നിവ ലഭിക്കുന്നു.

ബ്ലൈൻഡ്-സ്‌പോട്ട് മോണിറ്ററിംഗോ റിയർ ക്രോസ് ട്രാഫിക് അലേർട്ടോ ഇല്ലെങ്കിലും, ഉപഭോക്താക്കൾക്ക് ഒരു ലെയിൻ വാച്ച് ക്യാമറ ലഭിക്കും, അത്റിയർ വ്യൂ മിററിന് പുറത്ത് ഇടതുവശത്തായി ഘടിപ്പിച്ചിരിക്കുന്നു.

2022 ഹ്യുണ്ടായി ട്യൂസോൺ

പുതിയ ഹ്യുണ്ടായി ട്യൂസോൺ ഇന്ത്യയ്‌ക്കായി വെളിപ്പെടുത്തിയെങ്കിലും അതിന്റെ വില ഓഗസ്റ്റ് ആദ്യം മാത്രമേ പുറത്തുവരൂ. രാജ്യത്ത് ADAS ഫീച്ചർ ചെയ്യുന്ന ആദ്യത്തെ ഹ്യുണ്ടായി മോഡലാണിത്. ക്രെറ്റ, അൽകസാർ തുടങ്ങിയ മോഡലുകൾ വരും കാലത്ത് ഇത് പിന്തുടരും.

ട്യൂസോണിന്റെ ADAS സ്യൂട്ട് ഇവിടെ ഏറ്റവും വലുതാണ്, ഫോർവേഡ് കൊളീഷൻ വാർണിംഗ്/അവോയിഡൻസ്, ബ്ലൈൻഡ് സ്പോട്ട് കൊളീഷൻ വാർണിംഗ്/അവോയിഡൻസ്, ലെയിൻ-കീപ്പ് അസിസ്റ്റ്, ലെയിൻ ഡിപ്പാർച്ചർ വാർണിംഗ്, സേഫ് എക്സിറ്റ് വാർണിംഗ്, അഡാപ്റ്റീവ് ക്രൂയിസ് കൺട്രോൾ, ഹൈ-ബീം അസിസ്റ്റ്, ലീഡിംഗ് വെഹിക്കിൾ ഡിപ്പാർച്ചർ വാർണിംഗ്, റിയർ ക്രോസ്-ട്രാഫിക് കൊളീഷൻ വാർണിംഗ്/അവോയിഡൻസ് എന്നിവ ഫീച്ചർ ചെയ്യുന്നു.

എംജി ഗ്ലോസ്റ്റർ

ഇന്ത്യയിൽ ADAS ലഭിച്ച ആദ്യകാല മാസ്-മാർക്കറ്റ് കാറുകളിലൊന്നാണ് എംജി ഗ്ലോസ്റ്റർ. ഗ്ലോസ്റ്ററിന്റെ ADAS സ്യൂട്ടിൽ അതേ അഡാപ്റ്റീവ് ക്രൂയിസ് കൺട്രോൾ, ലെയിൻ ഡിപ്പാർച്ചർ വാർണിംഗ്/പ്രിവൻഷൻ, ലെയിൻ-കീപ്പ് അസിസ്റ്റ്, ഫോർവേഡ് കൊളീഷൻ വാർണിംഗ്, ഓട്ടോമാറ്റിക് എമർജൻസി ബ്രേക്കിംഗ്, ഹൈ-ബീം അസിസ്റ്റ്, ബ്ലൈൻഡ്-സ്പോട്ട് ഡിറ്റക്ഷൻ, റിയർ ക്രോസ് ട്രാഫിക് അലേർട്ട് എന്നിവ ഉൾപ്പെടുന്നു.

ഇത് ഇവിടെ ഏറ്റവും ചെലവേറിയതാണെങ്കിലും, ഈ ലിസ്റ്റിലെ ഒരു കാറിലും നിങ്ങൾ കാണാത്ത ഒരു ഫീച്ചർ ഇതിന് ലഭിക്കുന്നു. നിങ്ങൾക്ക് സെമി-ഓട്ടോണമസ് പാർക്കിംഗ് അസിസ്റ്റ് ലഭിക്കും, ഇതിൽ കാർ സ്റ്റിയറിംഗ് വീലിനെ നിയന്ത്രിക്കുന്നു, എന്നാൽ നിങ്ങൾ ബ്രേക്കും ആക്സിലറേറ്ററും പ്രവർത്തിക്കേണ്ടതുണ്ട്.

നിലവിൽ ഈ ലിസ്റ്റിൽ നമുക്ക് അഞ്ച് കാറുകൾ മാത്രമേയുള്ളൂ. കൂടുതൽ ADAS കാറുകൾക്കായി ഹ്യുണ്ടായി പദ്ധതിയിടുന്നതോടെ കിയയും ഇത് പിന്തുടരും എന്ന് ഞങ്ങൾ കരുതുന്നു. ഹെക്ടറിന് പോലും അത് ഉടൻ ലഭിച്ചേക്കും. 2023 അവസാനത്തോടെ, വ്യത്യസ്ത നിർമ്മാതാക്കളിൽ നിന്ന് ഈ ലിസ്റ്റിലേക്ക് നിരവധി അഡീഷനുകൾ നാം കാണും.