മികച്ച പവർ മൈലേജ് കോമ്പിനേഷനുമായി ഇന്ത്യൻ വിപണിയ്ക്കായി ഒരുങ്ങുന്ന ഹൈബ്രിഡ് കാറുകൾ

അതോടൊപ്പം, മാരുതി സുസുക്കി, ടൊയോട്ട, ഹോണ്ട എന്നിവ ഇന്ത്യൻ വിപണിയിൽ ഇന്ധനക്ഷമതയുള്ള ഹൈബ്രിഡ് കാറുകൾ അവതരിപ്പിക്കാൻ പദ്ധതിയിടുന്നുണ്ട്.

ഹൈബ്രിഡ് കാറുകൾ ഒരു ഇലക്ട്രിക് മോട്ടോറുമായി ജോടിയാക്കിയ ഇന്റേണൽ കംബസ്റ്റൻ എഞ്ചിനുമായി വരുന്നു, ഇത് വീലുകളിലേക്ക് പവർ അയയ്ക്കുന്നു. ഹൈബ്രിഡ് കാറുകൾക്ക് കുറഞ്ഞ വേഗതയിൽ ഇവി ഒൺലി മോഡിലും പ്രവർത്തിക്കാൻ കഴിയും. മാത്രമല്ല, ഈ വാഹനങ്ങൾ ഹൈലി പവർഫുൾ & റീജനറേറ്റീവ് ബ്രേക്കിംഗ് സിസ്റ്റവുമായാണ് വരുന്നത്.

ഹോണ്ട സിറ്റി ഹൈബ്രിഡ്

ജാപ്പനീസ് വാഹന നിർമാതാക്കളായ ഹോണ്ട പുതിയ സിറ്റി ഹൈബ്രിഡ് സെഡാൻ ഇന്ത്യൻ വിപണിയിൽ ഇപ്പോൾ അവതരിപ്പിച്ചിരിക്കുകയാണ്. സെഡാൻ V, ZX എന്നിങ്ങനെ രണ്ട് ട്രിം ലെവലുകളിൽ ലഭിക്കും.

ADAS (അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റം) സംവിധാനമായ ഹോണ്ട സെൻസിംഗ് സുരക്ഷാ സാങ്കേതികവിദ്യയുമായാണ് ടോപ്പ് സ്പെക്ക് മോഡൽ വരുന്നത്. തായ്-സ്പെക്ക് മോഡലിന് സമാനമായ പവർട്രെയിൻ ഇതിന് ലഭിക്കും.

98 PS പവർ പുറപ്പെടുവിക്കുന്ന 1.5 ലിറ്റർ പെട്രോൾ എഞ്ചിനുമായി ജോടിയാക്കിയ 109 PS ഇലക്ട്രിക് മോട്ടോറുമായാണ് വാഹനം വരുന്നത്. സിംഗിൾ, ഫിക്സഡ്-ഗിയർ റേഷ്യോ വഴി മുൻ വീലുകളിലേക്ക് പവർ കൈമാറ്റം ചെയ്യപ്പെടുന്നു.

ഇത് പ്യുവർ ഇലക്ട്രിക് മോഡ്, പെട്രോൾ ഒൺലി മോഡ്, ഹൈബ്രിഡ് മോഡ് എന്നിങ്ങനെ മൂന്ന് ഡ്രൈവിംഗ് മോഡുകളുമായാണ് വരുന്നത്. ഇലക്ട്രിക് ജനറേറ്ററും മോട്ടോറും ഒരുമിച്ച് യോജിപ്പിച്ച് എഞ്ചിന്റെ എന്റിൽ ഘടിപ്പിച്ചിരിക്കുന്നു. എഞ്ചിൻ ജനറേറ്ററിനെ തിരിക്കുന്നു, കൂടാതെ ഇലക്ട്രിക് മോട്ടോറിനും ശക്തി നൽകുന്നു, ഇത് വീലുകളെ കറക്കി ബൂട്ടിലെ ലിഥിയം അയൺ ബാറ്ററിയിലേക്ക് ഇലക്ട്രിക് പവർ അയയ്ക്കുന്നു.

പുതിയ ഹോണ്ട സിറ്റി ഹൈബ്രിഡ് ARAI സാക്ഷ്യപ്പെടുത്തിയ ഇന്ധനക്ഷമത ലിറ്ററിന് 27 കിലോമീറ്ററിൽ കൂടുതലാണ്. ലിറ്ററിന് 30 കിലോമീറ്ററിന് അടുത്ത് മൈലേജ് വാഹനം നൽകുമെന്ന് ഞങ്ങ8 പ്രതീക്ഷിക്കുന്നു. ഇത് രാജ്യത്തെ ഏറ്റവും ഇന്ധനക്ഷമതയുള്ള മോഡലാക്കി മാറ്റുന്നു.

മാരുതി YFG/ടൊയോട്ട D22

മാരുതി സുസുക്കി ടൊയോട്ട കൂട്ടുകെട്ട് ഒരു പുതിയ മിഡ് സൈസ് എസ്‌യുവിയിൽ പ്രവർത്തിക്കുകയാണ്, ഒന്ന് മാരുതിക്കും മറ്റൊന്ന് ടൊയോട്ടയ്ക്കും എന്നിങ്ങനെ ഈ വാഹനത്തിൽ രണ്ട് പതിപ്പുകൾ ഉണ്ടാകും. പുതിയ മോഡൽ ടൊയോട്ടയുടെ DNGA (ഡൈഹാത്സു ന്യൂ ജനറേഷൻ ആർക്കിടെക്ചർ) അടിസ്ഥാനമാക്കിയുള്ളതായിരിക്കും.

ഇതേ പ്ലാറ്റ്ഫോം ടൊയോട്ട റെയ്‌സിനും അവാൻസയ്ക്കും അടിവരയിടുന്നു. ദീപാവലിക്ക് മുമ്പ് ഉത്സവ സീസണിൽ പുതിയ മോഡൽ നിർമ്മാതാക്കൾ അവതരിപ്പിക്കും. ടൊയോട്ടയുടെ ഹൈബ്രിഡ് സാങ്കേതികവിദ്യയിൽ ഇത് വാഗ്ദാനം ചെയ്യും, ഇതിന് ഇന്റേണൽ കംബസ്റ്റൻ എഞ്ചിനൊപ്പം ഒരു ഇലക്ട്രിക് മോട്ടോറും ഉണ്ട്. എസ്‌യുവിയിൽ വരുന്ന പെട്രോൾ എഞ്ചിൻ ഒന്നുകിൽ 1.5 ലിറ്റർ NA പെട്രോൾ അല്ലെങ്കിൽ 1.4 ലിറ്റർ ടർബോചാർജ്ഡ് പെട്രോൾ യൂണിറ്റ് ആകാം.

തിരഞ്ഞെടുത്ത അന്താരാഷ്ട്ര വിപണികളിൽ വിൽപ്പനയ്‌ക്കെത്തുന്ന കൊറോള ക്രോസുമായി പുതിയ മോഡൽ ഡിസൈനും ഇന്റീരിയറും പങ്കിടും. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ, ഓട്ടോമാറ്റിക് എസി, കണക്റ്റഡ് കാർ ടെക്, പവർഡ് ഡ്രൈവർ സീറ്റ്, പവർഡ് ORVM എന്നിവയുള്ള ഫ്രീ-സ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയിൻമെന്റ് സിസ്റ്റവുമായാണ് ഇത് വരുന്നത്.

ഓട്ടോണമസ് എമർജൻസി ബ്രേക്കിംഗ്, അഡാപ്റ്റീവ് ക്രൂയിസ് കൺട്രോൾ, ലെയിൻ കീപ്പിംഗ് അസിസ്റ്റ്, ബ്ലൈൻഡ് സ്പോട്ട് മോണിറ്ററിംഗ്, ഒരു കൊളീഷൻ വാർണിംഗ് സംവിധാനം തുടങ്ങിയ ADAS ഫീച്ചറുകളും ഇതിൽ വരാൻ സാധ്യതയുണ്ട്.

ടൊയോട്ട 560B എംപിവി

560B എന്ന കോഡ്‌നാമമുള്ള ഒരു പുതിയ C സെഗ്‌മെന്റ് എംപിവിയിലും ടൊയോട്ട പ്രവർത്തിക്കുന്നു. ടൊയോട്ടയുടെ DNGA പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് പുതിയ മോഡൽ, ഇത് പുതിയ അവാൻസ എംപിവിക്ക് അടിവരയിടുന്നു.

പുതിയ മോഡൽ അവാൻസയുമായി പല ഘടകങ്ങളും പങ്കിടും. എന്നിരുന്നാലും, ഇതിന് ഇന്ത്യ-സ്പെസിഫിക്ക് മാറ്റങ്ങൾ ലഭിക്കും. കിയ കാരെൻസ്, സുസുക്കി XL6 എന്നിവയ്‌ക്കെതിരെ പുതിയ മോഡൽ സ്ഥാനം പിടിക്കാൻ സാധ്യതയുണ്ട്.

വരാനിരിക്കുന്ന മാരുതി YFG/ടൊയോട്ട D22 മിഡ് സൈസ് എസ്‌യുവിക്ക് കരുത്ത് പകരുന്ന അതേ യൂണിറ്റ് ആയിരിക്കാൻ സാധ്യതയുള്ള ഒരു ഹൈബ്രിഡ് പവർട്രെയിൻ പുതിയ മോഡലിലും നിർമ്മാതാക്കൾ സജ്ജീകരിക്കും.

മാരുതി YTB കൂപ്പെ എസ്‌യുവി

ഇന്ത്യൻ വിപണിയിൽ YTB എന്ന കോഡ് നാമത്തിൽ ഒരു പുതിയ കൂപ്പെ എസ്‌യുവിയും മാരുതി സുസുക്കി വികസിപ്പിക്കുന്നു. ബലേനോ, എർട്ടിഗ, സിയാസ് എന്നിവയ്ക്ക് അടിവരയിടുന്ന സുസുക്കിയുടെ HEARTECT പ്ലാറ്റ്‌ഫോമിനെ അടിസ്ഥാനമാക്കിയായിരിക്കും പുതിയ മോഡൽ.

പുതിയ മോഡൽ വിറ്റാര ബ്രെസയ്ക്ക് കൂടുതൽ പ്രീമിയം ബദലായിരിക്കുമെന്ന് പ്രതീക്ഷിക്കുന്നു. 2020 ഓട്ടോ എക്‌സ്‌പോയിൽ അനാച്ഛാദനം ചെയ്ത ഫ്യൂച്ചൂറോ-e കൺസെപ്റ്റിന്റെ പ്രൊഡക്ഷൻ പതിപ്പായിരിക്കാം ഇത്.

NEXA പ്രീമിയം ഡീലർഷിപ്പുകൾ വഴിയാവും ഇത് വിൽക്കുക. കൂടുതൽ ഇലക്ട്രിഫിക്കേഷനോടുകൂടിയ ശക്തമായ ഹൈബ്രിഡ് സംവിധാനമുള്ള 1.5ലിറ്റർ K15B പെട്രോൾ എഞ്ചിനാണ് ഇതിന് കരുത്തേകാൻ സാധ്യത. ഉയർന്ന മൈലേജ് കൈവരിക്കാൻ ഇത് സഹായിക്കും.