10 ലക്ഷം ബജറ്റിൽ ഇപ്പോൾ രണ്ടിൽ കൂടുതൽ എയർബാഗുകൾ വാഗ്ദാനം ചെയ്യുന്ന കാർ മോഡലുകൾ

നിലവിൽ, 10 ലക്ഷത്തിലധികം വരുന്ന മിക്ക കാറുകളിലും ആറ് എയർബാഗുകൾ മാത്രമേ വാഗ്ദാനം ചെയ്യുന്നുള്ളൂ, അതും ഒരു സ്റ്റാൻഡേർഡ് ഫിറ്റ്‌മെന്റല്ല. 10 ലക്ഷത്തിൽ താഴെയുള്ള വളരെ കുറച്ച് കാറുകൾ മാത്രമാണ് ആറ് എയർബാഗുകളുമായി വരുന്നത് അല്ലെങ്കിൽ രണ്ടിൽ കൂടുതൽ എയർബാഗുകൾ വാഗ്ദാനം ചെയ്യുന്നു.

അതിനാൽ, രണ്ടിൽ കൂടുതൽ എയർബാഗുകൾ വാഗ്ദാനം ചെയ്യുന്ന 10 ലക്ഷം ബജറ്റിൽ താഴെയുള്ള കാറുകളുടെ ചെറിയ ലിസ്റ്റ് ഇതാ. ഈ ലിസ്റ്റ് വരും മാസങ്ങളിൽ വളരും എന്നതിൽ സംശയിക്കേണ്ട:

കിയ സോനെറ്റ്

കിയ അടുത്തിടെ സോനെറ്റ് അപ്‌ഡേറ്റ് ചെയ്തിരുന്നു. ഈ പരിഷ്കരണം മുഖാന്തരം എല്ലാ വേരിയന്റുകളിലും സ്റ്റാൻഡേർഡ് ഫീച്ചറുകളായി നാല് എയർബാഗുകളും ടയർ പ്രഷർ മോണിറ്ററിംഗ് സിസ്റ്റവും നിർമ്മാതാക്കൾ നൽകി.

വെറും 10 ലക്ഷം രൂപ എക്സ്-ഷോറൂം വിലയുള്ള HTK+ ടർബോ iMT വേരിയന്റിലേക്ക് പോകുകയാണെങ്കിൽ, നിങ്ങൾക്ക് ഇലക്ട്രോണിക് സ്റ്റെബിലിറ്റി കൺട്രോൾ (ESC), വെഹിക്കിൾ സ്റ്റെബിലിറ്റി മാനേജ്‌മെന്റ് (VSM), ഹിൽ-അസിസ്റ്റ് കൺട്രോൾ (HAC), ബ്രേക്ക് അസിസ്റ്റ് (HAC), ബ്രേക്ക് അസിസ്റ്റ് ( BA) എന്നിവ ലഭിക്കുന്നു. റേഞ്ച്-ടോപ്പിംഗ് വേരിയന്റുകളിൽ ആറ് എയർബാഗുകളും ഫ്രണ്ട് പാർക്കിംഗ് സെൻസറുകളും ഫീച്ചർ ചെയ്യുന്നത് തുടരുന്നു.

റെനോ കൈഗർ

കൈഗറിന്റെ മിഡ് സ്പെക്ക് RXT വേരിയന്റിൽ നിന്ന് നാല് എയർബാഗുകൾ റെനോ വാഗ്ദാനം ചെയ്യുന്നു, ഇത് 7.23 ലക്ഷം രൂപ മുതൽ റീട്ടെയിൽ ചെയ്യുന്നു.

സബ് കോംപാക്ട് എസ്‌യുവിയുടെ മറ്റ് സുരക്ഷാ സവിശേഷതകളിൽ റിയർ പാർക്കിംഗ് ക്യാമറ, ISOFIX, റിയർ പാർക്കിംഗ് സെൻസറുകൾ എന്നിവ ഉൾപ്പെടുന്നു. ഗ്ലോബൽ NCAP ക്രാഷ് ടെസ്റ്റുകളിൽ ഇതിന് ഫോർ സ്റ്റാർ സുരക്ഷാ റേറ്റിംഗും ലഭിക്കുന്നു.

മാരുതി ബലേനോ

8.09 ലക്ഷം രൂപ മുതലുള്ള ബലേനോയുടെ സെക്കന്റ് ടു ടോപ്പ് സെറ്റ വേരിയന്റിൽ ലൈനപ്പിൽ ആറ് എയർബാഗുകൾ മാരുതി വാഗ്ദാനം ചെയ്യുന്നു. 360-ഡിഗ്രി ക്യാമറ, ESP ഉള്ള ഹിൽ-ഹോൾഡ് അസിസ്റ്റ് (AMT വേരിയന്റുകൾക്ക് മാത്രം), ISOFIX സീറ്റ് ആങ്കറേജുകൾ എന്നിവയാണ് ഹാച്ച്ബാക്കിന്റെ മറ്റ് സുരക്ഷാ ഫീച്ചറുകൾ.

ടൊയോട്ട ഗ്ലാൻസ

ബലെനോയ്ക്ക് സമാനമായി സെക്കന്റ് ടു ടോപ്പ് G വേരിയന്റുകളിൽ ആറ് എയർബാഗുകളാണ് ടൊയോട്ട ഗ്ലാൻസയ്ക്ക് ലഭിക്കുന്നത്. വാഹനത്തിന്റെ ആറ് എയർബാഗുകൾ ഉൾക്കൊള്ളുന്ന വേരിയന്റിന് 8.24 ലക്ഷം രൂപ മുതൽ വിലയുണ്ട്.

ഇത് ബലേനോയേക്കാൾ 15,000 രൂപ വില കൂടുതലാണ്. 360-ഡിഗ്രി ക്യാമറയും ESP-യോടുകൂടിയ ഹിൽ-ഹോൾഡ് അസിസ്റ്റും (AMT വേരിയന്റുകൾക്ക് മാത്രം) ഇതിന്റെ മറ്റ് സുരക്ഷാ സവിശേഷതകളിൽ ഉൾപ്പെടുന്നു.

കിയ കാരെൻസ്

ശ്രേണിയിലുടനീളം ആറ് എയർബാഗുകൾ സ്റ്റാൻഡേർഡായി കിയ കാരെൻസ് വാഗ്ദാനം ചെയ്യുന്നു. ഇതിന്റെ സ്റ്റാൻഡേർഡ് സുരക്ഷാ പാക്കിൽ ESC (ഇലക്‌ട്രോണിക് സ്റ്റെബിലിറ്റി കൺട്രോൾ), ടയർ പ്രഷർ മോണിറ്ററിംഗ്, ഹിൽ സ്റ്റാർട്ട് അസിസ്റ്റ്, ഡൗൺഹിൽ ബ്രേക്ക് കൺട്രോൾ, ഓൾ വീൽ ഡിസ്‌ക് ബ്രേക്കുകൾ എന്നിവ ഉൾപ്പെടുന്നു.

റേഞ്ച്-ടോപ്പിംഗ് വേരിയന്റുകളിൽ റിയർ പാർക്കിംഗ് ക്യാമറ, ഓട്ടോമാറ്റിക് ഹെഡ്‌ലാമ്പുകളും വൈപ്പറുകളും, ഫ്രണ്ട് പാർക്കിംഗ് സെൻസറുകളും ഉൾപ്പെടുന്നു.

ഹ്യുണ്ടായി i20

i20 -യുടെ ടോപ്പ് സ്പെക്ക് ആസ്റ്റ (O) വേരിയന്റിൽ മാത്രമാണ് ഹ്യുണ്ടായി ആറ് എയർബാഗുകൾ വാഗ്ദാനം ചെയ്യുന്നത്. ടയർ പ്രഷർ മോണിറ്ററിംഗ് സിസ്റ്റം, ഇലക്ട്രോണിക് സ്റ്റെബിലിറ്റി കൺട്രോൾ, ഹിൽ അസിസ്റ്റ് കൺട്രോൾ, റിയർ വ്യൂ ക്യാമറ, ഓട്ടോമാറ്റിക് ഹെഡ്‌ലാമ്പുകൾ, ISOFIX സീറ്റ് മൗണ്ടുകൾ എന്നിവയും ഇത് വാഗ്ദാനം ചെയ്യുന്നു.

കിയ സെൽറ്റോസ്

കിയ അടുത്തിടെ പുറത്തിറക്കിയ MY2022 സെൽറ്റോസിന് സ്റ്റാൻഡേർഡ് സുരക്ഷാ ഫീച്ചറായി നാല് എയർബാഗുകൾ ലഭിക്കുന്നു. അതായത്, 10-ലക്ഷം ബജറ്റിനേക്കാൾ അല്പം വിലയുള്ള ബേസ് സ്പെക്ക് HTE വേരിയന്റിൽ പോലും നിങ്ങൾക്ക് ഫ്രണ്ട്, സൈഡ് എയർബാഗുകൾ ലഭിക്കും.

ടയർ പ്രഷർ മോണിറ്ററിംഗ് സിസ്റ്റം, ഇലക്ട്രോണിക് സ്റ്റെബിലിറ്റി കൺട്രോൾ (ESC), വെഹിക്കിൾ സ്റ്റെബിലിറ്റി മാനേജ്‌മെന്റ് (VSM), ഹിൽ-അസിസ്റ്റ് കൺട്രോൾ (HAC), ബ്രേക്ക് അസിസ്റ്റ് (BA) എന്നിവയും കിയ സ്റ്റാൻഡേർഡായി വാഗ്ദാനം ചെയ്തിട്ടുണ്ട്.

റേഞ്ച് ടോപ്പിംഗ് വേരിയന്റുകളിൽ ആറ് എയർബാഗുകൾ, 360-ഡിഗ്രി ക്യാമറ, ഫ്രണ്ട് പാർക്കിംഗ് സെൻസറുകൾ, റിയർ ഡിസ്ക് ബ്രേക്കുകൾ, ബ്ലൈൻഡ്-സ്പോട്ട് മോണിറ്റർ എന്നിവ വാഗ്ദാനം ചെയ്യുന്നത് തുടരുന്നു. വാഹനത്തിന്റെ സഹോദരൻ, ഹ്യുണ്ടായി ക്രെറ്റ, ഇപ്പോഴും സ്റ്റാൻഡേർഡായി ഡ്യുവൽ എയർബാഗുകൾ വാഗ്ദാനം ചെയ്യുന്നു എന്നതാണ് ശ്രദ്ധേയം.