500 കോടിയുടെ വിമാനം എത്തിയതോടെ ലുലു മുതലാളിയുടെ പഴയ ജെറ്റ് വിൽപ്പനയ്ക്കായി സെക്കൻഡ് മാർക്കറ്റിൽ

കാറുകളും ബൈക്കുകളും പോലെ വിമാനങ്ങൾക്കുമുണ്ട് യൂസ്ഡ്/ സെക്കൻഡ് ഹാൻഡ് മാർക്കറ്റ്, നമുക്ക് അതിലേക്ക് നോക്കിയിട്ടു വല്ല്യ കാര്യമില്ലാത്തതിനാൽ സാധാരണക്കാരായ നമ്മൾ ഇവിടേയ്ക്ക് വല്യ ശ്രദ്ധ നൽകാറില്ല. എന്നാൽ ഇക്കൂട്ടത്തിലേക്ക് ഇപ്പോൾ ഒരു വിവിഐപി എത്തിയിരിക്കുകയാണ്. നമ്മുടെ സ്വന്തം ലുലു ഗ്രൂപ്പ് ചെയർമാൻ യൂസഫ് അലിയുടെ പ്രൈവറ്റ് ജെറ്റാണിത്. തുപുത്തൻ ജെറ്റ് എത്തിയതോടെ യൂസഫലിയൂടെ പഴയ സ്വകാര്യ വിമാനം ഇപ്പോൾ പ്രീ ഓൺഡ് മാർക്കറ്റിൽ. തന്റെ സ്വകാര്യ ആവശ്യങ്ങൾക്കായി അദ്ദേഹം ഉപയോഗിച്ചിരുന്ന അത്യാഡംബര പ്രൈവറ്റ് ജെറ്റാണിത്.

സ്വകാര്യ ജെറ്റ് വിമാനങ്ങൾ വിൽക്കാനും വാങ്ങാനും സഹായിക്കുന്ന, സ്റ്റാന്റൺ ആൻഡ് പാർട്ട്‌ണേഴ്‌സ് ഏവിയേഷൻ എന്ന കമ്പനിയാണ് ലുലു ഗ്രൂപ്പ് ചെയർമാന്റെ ഈ പ്രൈവറ്റ് ജെറ്റ് വിൽപനയ്ക്കായി പല സൈറ്റുകളിലും ലിസ്റ്റ് ചെയ്തിരിക്കുന്നത്. 2016 -ലാണ് യൂസഫലി ഗൾഫ്സ്ട്രീം 550 എന്ന ഈ വിമാനം സ്വന്തമാക്കിയത്.

അക്കാലത്ത് ഏകദേശം 350 കോടി രൂപയിൽ കൂടുതലായിരുന്നു വിമാനത്തിന്റെ വില. ഇതിനു മുമ്പ് ഉണ്ടായിരുന്ന ലെഗസി 650 എന്ന വിമാനം മാറ്റി സ്ഥാപിച്ചാണ് യൂസഫലി ഗൾഫ്സ്ട്രീം 550 എന്ന് ഈ മോഡൽ വാങ്ങിയത്. അമേരിക്കയിലെ വെർജീനിയ ആസ്ഥാനമായി പ്രവർത്തിക്കുന്ന ജനറൽ ഡൈനാമിക്സിന്റെ ഉടമസ്ഥതയിലുള്ള ഗള്‍ഫ് സ്ട്രീം എയ്റോസ്പെയ്സാണ് ഈ വിമാനത്തിന്റെ നിർമാതാക്കൾ.

16 യാത്രക്കാരെ വരെ ഉൾക്കൊള്ളിക്കാനാകുന്ന വിമാനമാണ് ഇത്. എട്ട് വർഷത്തോളം പഴക്കമുള്ള പ്രൈവറ്റ് ജെറ്റ് ഇതുവരെ 3065.11 മണിക്കൂർ മാത്രമാണ് ആകെ പറന്നിട്ടുള്ളത്. റോൾസ് റോയ്സിന്റെ BR 710 C4-11 എന്ന എൻജിനാണ് ഇത് ഉപയോഗിക്കുന്നത്. ഭൂഖണ്ഡങ്ങൾ താണ്ടിയുള്ള യാത്രകൾക്ക് ഗൾഫ്‌സ്ട്രീം G550 വളരെ മികച്ചതാണ്.

കാര്യമായ ഉയരത്തിലുള്ള വിമാനത്താവളങ്ങളിൽ ചെറിയ റൺവേകളിൽ നിന്ന് ഇതിന് പറന്നുയരാനാകും. ഗൾഫ്സ്ട്രീം G550 അതിൻ്റെ എക്സ്റ്റെൻന്റഡ് ഫ്ലൈയിംഗ് റേഞ്ചിൽ, വാഷിംഗ്ടൺ ഡി.സിയിൽ നിന്ന് ദുബായ്, ലണ്ടനിൽ നിന്ന് സിംഗപ്പൂർ, ടോക്കിയോ മുതൽ പാരിസ് തുടങ്ങിയ നഗരങ്ങളെ ഫ്യുവൽ റീഫിൽ ചെയ്യേണ്ട ആവശ്യമില്ലാതെ ബന്ധിപ്പിക്കുന്നു എന്നത് ശ്രദ്ധേയമാണ്.

മികച്ച ഡിസ്പാച്ച് വിശ്വാസ്യതയ്ക്ക് പേരുകേട്ട, ഗൾഫ്സ്ട്രീം G550 മിഷൻ-ക്രിറ്റിക്കൽ യാത്രകൾക്ക് വളരെ അനുയോജ്യമാണ്. പരമാവധി 6,200 പൗണ്ട് പേലോഡ് താങ്ങുന്ന 19 യാത്രക്കാരെ വരെ ഉൾക്കൊള്ളുന്ന, ഫോർ -സോൺ ലിവിംഗ് ഏരിയകൾ ഉപയോഗിച്ച്, ഇത് കോൺഫിഗർ ചെയ്യാവുന്നതാണ്. മുകളിൽ സൂചിപ്പിച്ചതു പോലെ നൂതന റോൾസ് റോയ്‌സ് BR710 ടർബോഫാൻ എഞ്ചിനുകളാണ് ഇതിൽ പ്രവർത്തിക്കുന്നത്.

ഓരോന്നും 15,385 പൗണ്ട് വിതരണം ചെയ്യുന്നു. ത്രസ്റ്റിന്റെ കാര്യത്തിൽ, ഗൾഫ്സ്ട്രീം G550 മോഡൽ 533 നോട്ടിൽ 6,750 നോട്ടിക്കൽ മൈൽ പരിധിയും 580 നോട്ടുകളുടെ അതിവേഗ ക്രൂയിസ് കപ്പാസിറ്റിയും ഉള്ളതാണ്. ഡ്രാഗ്-റെഡൂസിംഗ് മോഡിഫിക്കേഷനുകളും അധിക ത്രസ്റ്റ് നൽകുന്ന ഒരു പുനർരൂപകൽപ്പന ചെയ്ത ക്യാബിൻ പ്രഷറൈസേഷൻ ഔട്ട്‌ഫ്ലോ വാൽവും G550 -ൻ്റെ പെർഫോമെൻസ് കൂടുതൽ മെച്ചപ്പെടുത്തുന്നു.

ഇനി പുത്തൻ അതിഥിയുടെ കാര്യം നോക്കുമ്പോൾ, ഏകദേശം 483 കോടിയോളം രൂപ വിലവരുന്ന G600 എന്ന വിമാനം കഴിഞ്ഞ ഏപ്രിലിലാണ് യൂസഫലി വാങ്ങിയത്. T7-YMA എന്ന റജിസ്ട്രേഷനിലുള്ള വിമാനം ഗൾഫ്‌സ്ട്രീം കമ്പനി നിർമിച്ച് പുറത്തിറക്കിയത് 2023 ഡിസംബറിലാണ്. 6600 നോട്ടിക്കൽ മൈൽ വരെ വിമാനത്തിന് അനായാസം പറക്കാനാവും.