ബുക്കുമില്ല, പേപ്പറുമില്ല പോർഷെ പിടിച്ചെടുത്ത് പൊലീസ്, വീഡിയോ കാണാം

സ്പോർട്സ് കാറുകളും സൂപ്പർകാറുകളും ഇപ്പോൾ രാജ്യത്ത് ഒരുപാട് എണ്ണം ഉണ്ട്. വിലകൂടിയ സ്പോർട്സ് കാറുകളും സൂപ്പർകാറുകളും ഇന്ത്യയിലേക്ക് വാങ്ങുകയും ഇറക്കുമതി ചെയ്യുകയും ചെയ്യുന്നവരുടെ എണ്ണം ഒരു സാധാരണ കാഴ്ചയായി മാറിയിരിക്കുകയാണ്. ഇത്തരം വില കൂടിയ കാറുകൾ കൈവശമുള്ള മിക്കവരും രേഖകൾ അപ്ഡേറ്റ് ചെയ്യാറുണ്ട്, എന്നാൽ കൃത്യമായ രേഖകളില്ലാതെ കണ്ടെത്തിയ പോർഷെ കേമാൻ സ്പോർട്സ് കാർ സൂറത്ത് പോലീസ് പിടിച്ചെടുത്തിരിക്കുകയാണ്. കൂടുതൽ വിശദാംശങ്ങൾ അറിഞ്ഞു വരാം.

ഡ്യൂമാസ് റോഡിൽ പതിവ് പരിശോധനയ്ക്കിടെയാണ് പോലീസ് കാർ കണ്ടത്. വാഹനത്തിൻ്റെ രേഖകൾ കാണിക്കാൻ കാർ ഡ്രൈവറോട് ആവശ്യപ്പെട്ടപ്പോൾ അവയൊന്നും ഹാജരാക്കാൻ കഴിയാതെ വന്നതിനെ തുടർന്ന് പോലീസ് കാർ പിടിച്ചെടുത്ത് പോലീസ് സ്റ്റേഷനിലേക്ക് കൊണ്ടുപോകുകയായിരുന്നു. സംഭവത്തിന് ശേഷം സ്‌പോർട്‌സ് കാർ പോലീസ് സ്‌റ്റേഷന് പുറത്ത് പാർക്ക് ചെയ്‌തിരിക്കുന്ന വീഡിയോയും ഇൻ്റർനെറ്റിൽ വൈറലാകുകയായിരുന്നു.

വാഹനത്തിന് നമ്പർ പ്ലേറ്റ് ഇല്ലാതെയും അത് പോലെ തന്നെ വ്യക്തമായ പേപ്പറുകളും ഇല്ലായിരുന്നു. ഇത്രയും വില കൂടിയ വാഹനമായിട്ട് പോലും അതിന് ഒരു നമ്പർ പ്ലേറ്റ് ഇല്ലാതെ പോയതെന്ത് കൊണ്ടാണ് എന്ന പൊലീസ് ഉദ്യോഗസ്ഥൻ്റെ സംശയത്തിൽ നിന്നാണ് വാഹനം തടയാനും രേഖകൾ പരിശോഘിക്കാനും തീരുമാനിച്ചത്.

ഇന്ത്യൻ കാറുകളിൽ ഏറ്റവും സാധാരണമായ നമ്പർ പ്ലേറ്റാണ് സാധാരണ നമ്പർ പ്ലേറ്റ് എന്നത്. ഒരു വെളുത്ത പശ്ചാത്തലത്തിൽ കറുത്ത അക്ഷരങ്ങളും അക്കങ്ങളും ഉള്ള നമ്പർ പ്ലേറ്റാണ് സ്റ്റാൻഡേർഡ് നമ്പർ പ്ലേറ്റ് എന്ന് പറയുന്നത്. രജിസ്ട്രേഷൻ അടയാളം പ്ലേറ്റിൻ്റെ മധ്യഭാഗത്തായി നൽകിയിരിക്കും, അതേസമയം സംസ്ഥാന കോഡും മറ്റ് വിവരങ്ങളും ഇരുവശത്തും സ്ഥാപിച്ചിട്ടുമുണ്ട്.

വീഡിയോയിൽ കാണുന്ന പോർഷെ കേമാൻ 718 മോഡൽ 295 bhp പരമാവധി പവറും 380 nm പീക്ക് ടോർക്കും സൃഷ്ടിക്കുന്ന 2.0 ലിറ്റർ ടർബോചാർജ്ഡ് പെട്രോൾ എഞ്ചിനാണ് ഉളളത്. 1.48 കോടി രൂപയാണ് ഈ പോർഷെ കേമാൻ്റെ എക്‌സ് ഷോറൂം വില. ജര്‍മന്‍ ബ്രാന്‍ഡായ പോര്‍ഷ അവരുടെ രണ്ടാമത്തെ ഓള്‍ ഇലക്ട്രിക് കാറായ പുതിയ മകാന്‍ ഇവി അവതരിപ്പിച്ചിരിക്കുകയാണ്. ആഗോളതലത്തില്‍ സ്‌കെച്ച് ഡിസൈനുകള്‍ പുറത്തിറക്കിയതിന് ശേഷമാണ് പോര്‍ഷ മകാന്‍ ഇവി ഇന്ത്യന്‍ വിപണിയില്‍ അവതരിപ്പിച്ചിരിക്കുന്നത്. രണ്ട് ഫോര്‍ വീല്‍ ഡ്രൈവ് ഓപ്ഷനില്‍ ലഭ്യമാകുന്ന ഇവി മകാന്‍ 4, മകാന്‍ ടര്‍ബോ എന്നീ രണ്ട് വേരിയന്റുകളിലാണ് ഓഫര്‍ ചെയ്യുന്നത്.

ഇന്ത്യയില്‍ 1.65 കോടി രൂപ എക്സ്ഷോറൂം വിലയുള്ള മകാന്‍ ടര്‍ബോ മാത്രമാണ് പോര്‍ഷെ വില്‍പ്പനക്കെത്തിച്ചിരിക്കുന്നത്. പോര്‍ഷ ഇന്ത്യ പുതിയ ഇലക്ട്രിക് എസ്യുവിയുടെ ബുക്കിംഗ് വിന്‍ഡോ തുറന്നിട്ടുണ്ട്. 2024 രണ്ടാം പകുതിയില്‍ ഇവിയുടെ ഡെലിവറി ആരംഭിക്കും. അതേസമയം മകാന്‍ 4 വേരിയന്റിന്റെ വിലകള്‍ സംബന്ധിച്ച് യാതൊരു സൂചനയും പോര്‍ഷ നല്‍കിയിട്ടില്ല. 2025-ഓടെ മകാന്‍ ലൈനപ്പ് പൂര്‍ണമായി ഇലക്ട്രിക്കാകാന്‍ ഒരുങ്ങുകയാണ്. അതുവരെ പെട്രോള്‍ പതിപ്പിനൊപ്പം ഇലക്ട്രിക് പതിപ്പും വില്‍പ്പനക്കെത്തും.

വലിപ്പം നോക്കുമ്പോള്‍ മകാന്‍ ഇവിക്ക് 4784 mm നീളവും 1938 mm വീതിയും 1622 mm ഉയരവുമുണ്ട്. 2893 mm ആണ് വീല്‍ബേസ് അളവ്. ഔഡിയുമായി സഹകരിച്ച് വികസിപ്പിച്ച പ്രീമിയം പ്ലാറ്റ്‌ഫോം ഇലക്ട്രിക് (PPE) ആര്‍ക്കിടെക്ചറിനെ അടിസ്ഥാനമാക്കിയുള്ളതാണ് ഈ ഇലക്ട്രിക് എസ്‌യുവി. വരാനിരിക്കുന്ന വാഹനങ്ങളായ ഔഡി Q6 e-ട്രോണ്‍, കയെന്‍ ഇലക്ട്രിക് എന്നിവയും ഇതേ പ്ലാറ്റ്‌ഫോമിലായിരിക്കും നിര്‍മിക്കുക.

മകാന്‍ ഇലക്ട്രിക്കിന്റെ സ്‌റ്റൈലിംഗ് പരിചിതമായ രൂപത്തില്‍ നിന്ന് മാറി ഇപ്പോള്‍ ടെയ്കാനില്‍ നിന്ന് പ്രചോദനം ഉള്‍ക്കൊള്ളുന്നു. അതിന്റെ ദീര്‍ഘചതുരാകൃതിയിലുള്ള ഹെഡ്‌ലൈറ്റുകളും റാപ്പറൗണ്ട് എല്‍ഇഡി ടെയില്‍ലൈറ്റുകളിലും മാറ്റം പ്രകടമാണ്. പ്രധാന ഹെഡ്ലാമ്പ് സജ്ജീകരണം ഇപ്പോള്‍ ബമ്പറിലാണിരിക്കുന്നത്. ഡേടൈം റണ്ണിംഗ് ലാമ്പുകള്‍ക്കായി ഇതിന് നാല് എല്‍ഇഡി ഘടകങ്ങള്‍ ലഭിക്കുന്നു.

പിന്‍ഭാഗത്ത് ഇപ്പോള്‍ കൂപ്പെ പോലെയുള്ള രൂപകല്‍പനയുണ്ട്. ഫ്‌ലാറ്റര്‍ ഡിസൈനിലുള്ള പുതിയ എല്‍ഇഡി ടെയില്‍ ലാമ്പുകള്‍ ലൈറ്റ്ബാര്‍ വഴി ബന്ധിപ്പിക്കുന്നു. റൂഫ്‌ലൈനും മൊത്തത്തിലുള്ള സിലൗട്ടും ആദ്യ തലമുറ മകാനെക്കാള്‍ സ്ലിം ആണ്. റിയര്‍ എന്‍ഡില്‍ ഡൗണ്‍ഫോഴ്സ് വര്‍ദ്ധിപ്പിക്കുന്നതിന് വിവിധ ഘട്ടങ്ങളില്‍ വിന്യസിക്കുന്ന റിട്രാക്ടബിള്‍ സ്പോയിലറുമുണ്ട്.