Ferrariയുടെ പുത്തൻ മോഡൽ സ്വന്തമാക്കി ബോളിവുഡ് സുന്ദരി മാധുരി ദീക്ഷിത്

ഏതാനും ആഴ്‌ചകൾക്ക് മുമ്പ്, പ്രശസ്ത ബോളിവുഡ് നടിയുടെ ഭർത്താവ് ഡോ. ശ്രീറാം നെനെ ടാറ്റ നെക്‌സോൺ ഇവി വാങ്ങിയതിന് വാർത്തകളിൽ ഇടം നേടിയിരുന്നു. തന്റെ നഗര യാത്രയ്‌ക്കായി ഇലക്ട്രിക് മൊബിലിറ്റിയിലേക്ക് മാറുന്നതിനാണ് ഡോ നെനെ ഈ കാർ വാങ്ങിയത്.

പക്ഷേ മുംബൈയിലെ റോഡുകളിൽ ഒരു ഫെരാരി 296 GTB-യിൽ ഡോ.നേനെയും മാധുരി ദീക്ഷിതിനേയും കാണാറുണ്ട്. നെനെയും മാധുരി ദീക്ഷിതും ഒരു കറുത്ത നിറത്തിലുള്ള ഫെരാരി 296 GTB-ൽ, ഇരുവരും മുംബൈയിലെ റോഡുകളിൽ ഫെരാരി 296 ജിടിബി ഓടിക്കുന്നതിന്റെ വിവിധ ക്ലിപ്പുകൾ വീഡിയോയിൽ കാണാം. എന്നിരുന്നാലും, രണ്ടുപേരെയും കണ്ട 296 GTB മുംബൈയിലെ ഫെരാരിയുടെ അംഗീകൃത ഡീലർഷിപ്പായ നവ്നിത് മോട്ടോഴ്‌സ് പ്രൈവറ്റ് ലിമിറ്റഡിന്റെ പേരിൽ രജിസ്റ്റർ ചെയ്തതാണെന്നാണ് കൂടുതൽ അന്വേഷണങ്ങളിൽ നിന്ന് ലഭിച്ചത്. എന്നിരുന്നാലും, ഡീലർഷിപ്പിൽ നിന്നാണ് ഡോ നെനെ ഈ കാർ വാങ്ങിയതെന്നാണ് തോന്നുന്നത്.

രാജ്യത്തുടനീളം നിരവധി വീടുകളിൽ പ്രത്യേകിച്ച സമ്പന്നൻമാരുടെ വീടുകളിൽ കണ്ടെത്തുന്ന ഫെരാരിയുടെ ഏറ്റവും പുതിയ ഓഫറുകളിൽ ഒന്നാണ് 296 ജിറ്റിബി. ഇത് അടുത്ത മിഡ് എഞ്ചിന്‍ സ്‌പോര്‍ട്‌സ് കാറായി ഫെറാറിയുടെ ലൈനപ്പിലെ F8 ട്രിബ്യൂട്ടോയെ മാറ്റിസ്ഥാപിക്കുന്നു. 296 GTB യുടെ കോംപാക്റ്റ് ഡിസൈന്‍ എഞ്ചിനിലേക്കും കൊണ്ടുപോകുന്നു, അതില്‍ ടര്‍ബോചാര്‍ജറുകള്‍ എഞ്ചിന്റെ ''V'' ആകൃതിയില്‍ ഘടിപ്പിച്ചിരിക്കുന്നു, ഇത് കാറിന്റെ ഗുരുത്വാകര്‍ഷണ കേന്ദ്രം കുറയ്ക്കാനും മൊത്തത്തിലുള്ള കരുത്ത് കൈവരിക്കാനും സഹായിക്കുന്നു. 296 GTB-യിലെ V6 എഞ്ചിന്‍ മാത്രം 654 bhp ഉത്പാദിപ്പിക്കുന്നു.

സ്റ്റിയറിംഗ് വീലിലെ 'eManettino' ഡയൽ മറ്റ് ഫെറാറികളിൽ കാണുമ്പോൾ 296GTB-ക്ക് നാല് ഡ്രൈവിംഗ് മോഡുകളാണ് ലഭിക്കുന്നത്. അതിൽ ഇ-ഡ്രൈവ്, ഹൈബ്രിഡ്, പെർഫോമൻസ്, ക്വാളിഫൈ എന്നിവയാണ് ഉൾപ്പെടുന്നത്. ഓരോന്നിനും വ്യത്യസ്ത അളവിലുള്ള പവർ കണക്കുകളും റീജനറേറ്റീവ് ബ്രേക്കിംഗുമാണ് വാഗ്ദാനം ചെയ്യുന്നത്. ഒരു മിഡ്-എഞ്ചിൻ സ്പോർട്സ്കാറിൽ ആദ്യമായി, ഫെറാറി ഒരു ആക്ടീവ് സ്പോയിലറും ഉപയോഗിച്ചിട്ടുണ്ട്. അത് ഡ്രാഗ് സൃഷ്ടിക്കാൻ സഹായിക്കുന്നു. പിൻ ബമ്പറുമായി സംയോജിപ്പിച്ച്, ആക്റ്റീവ് റിയർ സ്‌പോയിലർ ഹാർഡ്‌കോർ, ട്രാക്ക്-ഓറിയന്റഡ് അസറ്റോ ഫിയോറാനോ പായ്ക്ക് ഉപയോഗിച്ച് മണിക്കൂറിൽ 250 കിലോമീറ്റർ വേഗതയിൽ 360 കിലോഗ്രാം വരെ ഡൗൺഫോഴ്‌സാണ് ഇത് സൃഷ്ടിക്കുന്നത്.

1963-ലെ ഫെറാറി 250 LM മോഡലിൽ നിന്ന് പ്രചോദനം ഉൾക്കൊണ്ടാണ് 296 GTB ഹൈപ്പർ കാറിനെ കമ്പനി രൂപപ്പെടുത്തി എടുത്തിരിക്കുന്നത്. അതിന്റെ ഹാഞ്ചുകൾ, ബി-പില്ലർ ഡിസൈൻ, കാം ടെയിൽ എന്നിവയെല്ലാം ഐതിഹാസിക കാറിനെ ഓർമപ്പെടുത്തുന്നുണ്ട്. മെച്ചപ്പെട്ട ഡ്രൈവിംഗ് അനുഭവത്തിനായി വാഹനത്തിന് ആക്രമണാത്മക ബോഡി ലൈനുകളും മികച്ച എയറോഡൈനാമിക്സും ലഭിക്കുന്നു. അതേസമയം അതിന്റെ സൈഡ് പാനലുകൾക്ക് ടച്ച് കപ്പാസിറ്റീവ് കൺട്രോളുകളുണ്ട്. ഫെറാറിയുടെ ക്ലാസിക് 'H-ഗേറ്റ്' ഡിസൈനിനുള്ള ആദരവായിട്ടാണ് ഗിയർഷിഫ്റ്റ് സെലക്ടർ രൂപകൽപ്പന ചെയ്തിരിക്കുന്നത്.

സ്റ്റാൻഡേർഡായി ഇന്ത്യയിലെത്തുന്ന ഫെറാറി 296 ജിടിബിയിൽ അൽകന്റാരയിൽ പൊതിഞ്ഞ ഇലക്ട്രിക് സീറ്റുകൾ, സസ്പെൻഷൻ ലിഫ്റ്റർ, ബ്ലാക്ക് സെറാമിക് എക്‌സ്‌ഹോസ്റ്റ് പൈപ്പുകൾ, കാർബൺ ഫൈബർ ഫ്രണ്ട് സ്‌പോയിലർ, കാർബൺ ഫൈബർ സ്റ്റിയറിംഗ് വീൽ, 20 ഇഞ്ച് ഫോർജ്ഡ് റിമ്മുകൾ, സറൗണ്ട് വ്യൂ ക്യാമറ, ടൈറ്റാനിയം വീൽ ബോൾട്ടുകളും ഉള്ളിൽ കോൺട്രാസ്റ്റ് കളർ സ്റ്റിച്ചിംഗ് എന്നിവയും കമ്പനി സമ്മാനിച്ചിട്ടുണ്ട്.

കൂടാതെ മിഡ്-ഹൈബ്രിഡ് സജ്ജീകരണം 165 bhp അധികമായി ഉത്പാദിപ്പിക്കുന്നു, ഇത് മൊത്തം ഉല്‍പ്പാദനം 819 hp ആയി ഉയര്‍ത്തുകയും ചെയ്യുന്നു. സംയോജിത ടോര്‍ക്ക് 740 Nm. എഞ്ചിന്‍ 8-സ്പീഡ് DCT-യുമായി ബന്ധിപ്പിച്ചിരിക്കുന്നു. ഇത് ഇപ്പോൾ രാജ്യത്ത് വിൽക്കുന്ന ഏറ്റവും ശക്തമായ പ്രൊഡക്ഷൻ സ്പോർട്സ് കാറുകളിലൊന്നായി മാറിയിരിക്കുകയാണ്. ഫെരാരി 296 ജിറ്റിബി 330 kmph-ൽ കൂടുതൽ വേഗത അവകാശപ്പെടുന്നു, അതേസമയം വെറും 2.9 സെക്കൻഡിൽ 0-100 kmph വേഗത കൈവരിക്കാൻ ഇതിന് കഴിയും. ഡോ.നേനെ അടുത്തിടെ ഒരു ബ്രാൻഡ്-പുതിയ ടാറ്റ നെക്സോൺ ഇവി വാങ്ങിയിരുന്നു. കാറിന്റെ ഡെലിവറി എടുക്കുമ്പോൾ തനിക്ക് ഇലക്ട്രിക് കാറുകൾ ഇഷ്ടമാണെന്ന് അദ്ദേഹം പറഞ്ഞു.

ഒരു ടെസ്‌ലയും രണ്ട് പോർഷുകളും ഉൾപ്പെടെ ഏതാനും ഹൈ-എൻഡ് സ്‌പോർട്‌സ് കാറുകൾ അദ്ദേഹത്തിന്റെ ഉടമസ്ഥതയിലുണ്ട്. ടാറ്റ നെക്‌സോൺ കൂടുതൽ താങ്ങാനാവുന്ന കോം‌പാക്റ്റ് ഓൾ-ഇലക്‌ട്രിക് എസ്‌യുവിയാണ്, ഇത് ഏറ്റവും കൂടുതൽ വിറ്റഴിക്കപ്പെടുന്ന ഓൾ-ഇലക്‌ട്രിക് വാഹനമായി മാറുന്നു. ഈ രണ്ട് കാറുകൾ കൂടാതെ, മാധുരി ദീക്ഷിതും ഭർത്താവും പോർഷെ 911 കരേരയുടെയും മെഴ്‌സിഡസ്-മെയ്ബാക്ക് എസ്-ക്ലാസിന്റെയും ഉടമകളാണ്.എല്ലാ കാറുകളും സ്വയം ഓടിക്കാൻ ഇഷ്ടപ്പെടുന്ന ഒരു കാർ പ്രേമിയാണ് അദ്ദേഹം. എന്നിരുന്നാലും, ഡോ നേനെയിൽ നിന്ന് വ്യത്യസ്തമായി, മാധുരി ദീക്ഷിത് അവരുടെ കാറുകളുടെ സ്റ്റിയറിംഗിന് പിന്നിൽ ഇരിക്കാൻ താൽപ്പര്യം കാണിക്കുന്നില്ല.