Click it and Unblock the Notifications
പെണ്കുട്ടികളെ വിദ്യാഭ്യാസം ചെയ്യിക്കാന് മഹീന്ദ്ര
ഓഗസ്റ്റ് 27ന് ഒരു പുതിയ പ്രചാരണപരിപാടിയുമായി മഹീന്ദ്ര രംഗത്തെത്തുന്നു. 'പ്രൗഡ് ഫാദേഴ്സ് ഫോര് ഡോട്ടേഴ്സ്' എന്നാണ് ഈ പ്രചാരണത്തിന് പേര്. രാജ്യത്തെ പെണ്കുട്ടികള്ക്ക് വിദ്യാഭ്യാസം ലഭ്യമാക്കുന്നതിനായി പ്രവര്ത്തിക്കുക എന്നതാണ് മഹീന്ദ്രയുടെ ലക്ഷ്യം.
കെസി മഹീന്ദ്ര എജുക്കേഷന് ട്രസ്റ്റിന്റെയും നാന്ഡി ഫൗണ്ടേഷന്റെയും കീഴില് നടക്കുന്ന 'Nanhi Kali' എന്ന പ്രോജക്ടിന്റെ ഭാഗമായാണ് 'പ്രൗഡ് ഫാദേഴ്സ് ഫോര് ഡോട്ടേഴ്സ്' പ്രവര്ത്തിക്കുക.
ഇതിനകം തന്നെ ഈ ഫൗണ്ടേഷനുകളുടെ പ്രവര്ത്തനം ഒരു ലക്ഷത്തിലധികം പെണ്കുട്ടികള്ക്ക് ഉപകാരപ്പെട്ടിട്ടുള്ളതായി അവകാശപ്പെടുന്നു. ഇന്ത്യയില് പെണ്കുട്ടികള് ഏറ്റവും മോശമായി പരിഗണിക്കപ്പെടുന്ന ഒമ്പത് സംസ്ഥാനങ്ങളിലാണ് ഈ പ്രവര്ത്തനങ്ങളെല്ലാം കേന്ദ്രീകരിച്ചിരിക്കുന്നത്.
ഉള്നാടുകള്, ഗോത്രവര്ഗ മേഖലകള് എന്നിവിടങ്ങളിലാണ് മഹീന്ദ്ര ശ്രദ്ധിക്കുക. ഇവിടങ്ങളിലെ പെണ്കുട്ടികള്ക്ക് വിദ്യാഭ്യാസം നല്കുന്ന പ്രവര്ത്തനങ്ങളില് കമ്പനി ഏര്പ്പെടും. നഗരങ്ങളിലെ ചേരുകള് അടക്കമുള്ള മോശം സാമ്പത്തിക പരിതസ്ഥിതിയുള്ള ഇടങ്ങളിലേക്കും ഈ പദ്ധതി വ്യാപിപ്പിക്കും.
സച്ചിന് ടെന്ഡുല്ക്കല്, സാറ ടെന്ഡുല്ക്കര്, അനില് കപൂര്, സോനം കപൂര്, റിഷി കപൂര്, റിധിക കപൂര്, ജാവേദ് അക്തര്, സോയ അക്തര്, എന്നിവരാണ് മഹീന്ദ്രയുടെ 'പ്രൗഡ് ഫാദേഴ്സ് ഫോര് ഡോട്ടേഴ്സ്' പരിപാടിയില് പ്രചാരകരായി എത്തുക.
Continue with Google