മഞ്ഞക്കിളിയായി മഹീന്ദ്ര ഥാർ, ഇങ്ങനെയും മോഡിഫൈ ചെയ്യാമെന്ന് വീഡിയോ കാണുമ്പോ മനസിലാകും

മഹീന്ദ്ര ഥാർ അവതരിപ്പിച്ചത് മുതൽ മോഡിഫൈ ചെയ്ത ഥാറുകളുടെ എണ്ണത്തിന് കൈയ്യും കണക്കുമില്ല എന്നത് പച്ച പരമാർത്ഥമായ കാര്യമാണ്. വാഹനം സ്വന്തമാക്കിയാൽ ഒരു ഗ്രില്ല് എങ്കിലും മാറ്റാത്തവരായി ആരും തന്നെ കാണില്ല. എന്നാൽ ഇപ്പോൾ സോഷ്യൽ മീഡിയയിൽ വൈറലായിരിക്കുന്നത് പുതിയ ലുക്കിലുളള ഥാർ ആണ്. വീഡിയോയുടെ തുടക്കത്തിൽ തന്നെ വാഹനം കാണിക്കുന്നുണ്ട്. മഞ്ഞ നിറത്തിലാണ് പുതിയ ഥാർ കാണാൻ സാധിക്കുന്നത്.

35000 രൂപ മുതൽ 45000 വില വരുന്ന വ്റാപ്പാണ് വാഹനത്തിൽ ചെയ്തിരിക്കുന്നത്. ഫ്രണ്ട് ഫാസിയയിലെ മാറ്റങ്ങളിൽ തുടങ്ങി, മധ്യഭാഗത്തുളള മഞ്ഞ ബാർ ഉള്ള ഗ്ലോസി ബ്ലാക്ക് ഗ്രിൽ ഉപയോഗിച്ച് ഗ്രിൽ അപ്‌ഡേറ്റ് ചെയ്തിട്ടുണ്ട്. മുൻവശത്തെ പ്ലാസ്റ്റിക് ബമ്പറിന് പകരം മെറ്റൽ ഓഫ് റോഡിംഗ് ബമ്പറാണ് നൽകിയിരിക്കുന്നത്. ബമ്പറിന് ഏകദേശം 16,000 രൂപയാണ് വില വരുന്നത്.

രണ്ട് അധിക പ്രൊജക്ടർ ഫോഗ് ലാമ്പുകൾക്കൊപ്പം ഒറിജിനൽ ഫോഗ് ലാമ്പുകളും ബമ്പറിലേക്ക് സംയോജിപ്പിച്ചിരിക്കുന്നു. കസ്റ്റം-ബിൽറ്റ് അണ്ടർബോഡി സംരക്ഷണവും ചേർത്തിട്ടുണ്ട്. ഹെഡ്‌ലൈറ്റുകൾ സ്റ്റോക്ക് തന്നെയാണ് എങ്കിലും ബൾബുകൾ എൽഇഡിയിലേക്ക് അപ്ഡേറ്റ് ചെയ്തിട്ടുണ്ട്. അലോയ് വീലുകൾ സ്റ്റോക്ക് ആണെങ്കിലും കാർബൺ ചെയ്തിട്ടുണ്ട്. വീലുകളിൽ മഞ്ഞ ഇൻസെർട്ടുകൾ ചേർത്തിട്ടുണ്ട്. ഹമ്മറിൽ നിന്ന് പ്രചോദനം ഉൾക്കൊണ്ടാണ് റൂഫ് ടോപ്പിൽ ലൈറ്റുകൾ ചേർത്തിരിക്കുന്നത്. ഇതിൻ്റെ വില 2,500 രൂപയാണ്.

സോഫ്റ്റ് ടോപ്പ് പതിപായിരുന്ന മോഡലിനെ ഹാർഡ് ടോപ്പ് പതിപ്പാക്കി മാറ്റുകയായിരുന്നു ഏറ്റവും വലിയ വെല്ലുവിളി. 1.25 ലക്ഷം രൂപയാണ് മെറ്റൽ ഹാർഡ് ടോപ്പ് റൂഫിന്. 25 ദിവസമെടുത്താൻ വാഹനത്തിൻ്റെ മോഡിഫിക്കേഷൻ പൂർണമായും നടത്തിയത്. ഇൻ്റീരിയറിലേക്ക് നോക്കിയാൽ ആംബിയൻ്റ് ലൈറ്റിംഗ്, മഞ്ഞ സ്റ്റിച്ചിംഗ് ഉള്ള ഇഷ്‌ടാനുസൃത നിർമ്മിത സീറ്റ് കവറുകൾ, ഗ്രാബ് ഹാൻഡിലുകൾ, എഎംജി- എസി വെൻ്റുകൾ, ഫ്രണ്ട് & റിയർ ആംറെസ്റ്റുകൾ, യെല്ലോ ഇൻസെർട്ടുകളുള്ള ലെതർ റൂഫ് ലൈനർ എന്നിവ എന്നിവ കാണാം.

മഹീന്ദ്ര ഥാര്‍ എസ്‌യുവി യില്‍ പെട്രോള്‍, ഡീസല്‍ എന്നിങ്ങനെ രണ്ട് എഞ്ചിന്‍ ഓപ്ഷനുകളില്‍ വാങ്ങാന്‍ സാധിക്കും. മാനുവല്‍, ഓട്ടോമാറ്റിക് എന്നിങ്ങനെ രണ്ട് ഗിയര്‍ബോക്‌സ് ഓപ്ഷനുകളില്‍ ലഭ്യമാണ്. ഇന്ത്യന്‍ വിപണിയില്‍ മാരുതി സുസുക്കി ജിംനി, ഫോഴ്‌സ് ഗൂര്‍ഖ എന്നിവയുമായാണ് മഹീന്ദ്ര ഥാര്‍ മത്സരിക്കുന്നത്.

സെഗ്‌മെന്റിലെ ഥാറിന്റെ കുത്തക തകര്‍ക്കാന്‍ വേണ്ടി മാരുതി ജിംനി 5 ഡോര്‍ കൊണ്ടുവന്നെങ്കിലും ഥാറിന്റെ വില്‍പ്പന കൂടുക മാത്രമാണ് ചെയ്തിരിക്കുന്നത്. 2023 ജൂണിലാണ് ജിംനി 5 ഡോര്‍ പുറത്തിറക്കിയത്. തുടക്കത്തില്‍ തരക്കേടില്ലാത്ത വില്‍പ്പന നേടാന്‍ ജിംനിക്കായിരുന്നു. എന്നാല്‍ പിന്നീട് അങ്ങോട്ടുള്ള മാസങ്ങളില്‍ ഒരിക്കല്‍ പോലും ഥാറിന്റെ വില്‍പ്പനയുടെ തൊട്ടടുത്തെത്താന്‍പോലും ജിംനിക്കായില്ല.

3 ഡോര്‍ ഥാര്‍ മോഡലിനെ അപേക്ഷിച്ച് 5 ഡോര്‍ ഥാറിന് അല്‍പ്പം നീളമുള്ള വീല്‍ബേസ് ഉണ്ട്. സാഹസികത ഇഷ്ടപ്പെടുന്നവര്‍ പൊതുവെ 3 ഡോര്‍ ഥാറാണ് ഇഷ്ടമെങ്കിലും ദൈനംദിന ആവശ്യങ്ങള്‍ക്ക് ഉപയോഗിക്കുന്നവര്‍ക്കും ഇന്റീരിയറില്‍ കൂടുതല്‍ സ്‌പെയ്‌സ് ആവശ്യമുള്ളവര്‍ക്കും 5 ഡോര്‍ ഥാര്‍ വളരെ ഉപയോഗപ്രദമാകും. പ്രായമായവര്‍ക്കും അംഗപരിമിതര്‍ക്കുമെല്ലാം എളുപ്പത്തില്‍ വാഹനത്തിന് ഉള്ളിലേക്ക് കയറാന്‍ സാധിക്കും.

ഡിസൈന്‍ വശം നോക്കുമ്പോള്‍ ഈ കാറില്‍ വൃത്താകൃതിയിലുള്ള എല്‍ഇഡി ലൈറ്റുകളും എല്‍ഇഡി ഡേടൈം റണ്ണിംഗ് ലൈറ്റുകളും ഫീച്ചര്‍ ചെയ്യുമെന്ന് നേരത്തെ തന്നെ സ്‌പൈ ചിത്രങ്ങളിലൂടെ വ്യക്തമായിരുന്നു. 3-ഡോര്‍ പതിപ്പിനെ പോലെ 5 ഡോര്‍ പതിപ്പിലും ഹാര്‍ഡ് ടോപ്പ്, സോഫ്റ്റ് ടോപ്പ് ഓപ്ഷനുകള്‍ മഹീന്ദ്ര വാഗ്ദാനം ചെയ്യുമെന്ന് പ്രതീക്ഷിക്കുന്നു.

എന്നിരുന്നാലും ഇതിന് പുതിയ ഇന്റീരിയര്‍ ലഭിക്കുമെന്നാണ് പ്രതീക്ഷിക്കുന്നത്. വയര്‍ലെസ് ആന്‍ഡ്രോയ്ഡ് ഓട്ടോ, ആപ്പിള്‍ കാര്‍പ്ലേ എന്നിവക്കൊപ്പം 10.25 ഇഞ്ച് ഇന്‍ഫോടെയ്ന്‍മെന്റ് സ്‌ക്രീനും 5 ഡോര്‍ ഥാറിന് ലഭിച്ചേക്കും. ഓട്ടോമാറ്റിക് ക്ലൈമറ്റ് കണ്‍ട്രോള്‍ സിസ്റ്റം, ഇലക്ട്രിക് സണ്‍റൂഫ്, മള്‍ട്ടി-ഫംഗ്ഷന്‍ കണ്‍ട്രോളുകളുള്ള സ്റ്റിയറിംഗ് വീല്‍ എന്നിവയും പുതിയ 5-ഡോര്‍ ഥാര്‍ കാറില്‍ പ്രതീക്ഷിക്കുന്നു. യാത്രകള്‍ കൂടുതല്‍ ആനന്ദകരമാക്കാന്‍ പോന്ന ഫീച്ചറുകള്‍ ആണിത്.