മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ

മഹീന്ദ്ര ഥാർ, മാരുതി സുസുക്കി ജിംനി തുടങ്ങിയ ഓഫ്-റോഡിംഗ് വാഹനങ്ങൾ വളരെ ദുഷ്‌കരമായ ഭൂപ്രദേശങ്ങളിലൂടെ പോകുന്ന വീഡിയോകളും ചിത്രങ്ങളും വൈറലാവാറുണ്ട്. എല്ലാറ്റിനെയും പോലെ, ഈ സാഹസിക വാഹനങ്ങൾക്കും അവയുടെ പരിമിതികളുണ്ട്. കൂടാതെ, അറിയാതെ, ചിലപ്പോൾ ആളുകൾ വാഹനത്തെ വലിയ കുഴിയിലേക്ക് ഇറക്കി കഴിവ് തെളിയിക്കാൻ ശ്രമിക്കാറുണ്ട്. അടുത്തിടെ, അത്തരം വാഹനങ്ങൾ എങ്ങനെ കുഴപ്പത്തിലാകുമെന്ന് കാണിക്കുന്ന ഒരു വീഡിയോ ഓൺലൈനിൽ വാറലായിട്ടുണ്ട്.

ഭാഗ്യവശാൽ, ഡ്രൈവറും കാറും രക്ഷപ്പെട്ടു. എന്നാൽ ഈ റെസ്ക്യൂ പുതിയ ഓഫ്-റോഡർമാർക്ക് അവരുടെ വാഹനങ്ങളുടെ പരിധി മനസ്സിലാക്കാൻ തീർച്ചയായും സഹായിക്കുമെന്നാണ് ഞങ്ങൾക്ക് തോന്നുന്നത്. മഹീന്ദ്ര ഥാറിൻ്റെ ഈ അപകടകരമായ രക്ഷാദൗത്യത്തിൻ്റെ വീഡിയോ ചാനലിലെ സ്മോൾ ടൗൺ റൈഡർ യൂട്യൂബിൽ ഷെയർ ചെയ്തിട്ടുണ്ട്. തുടക്കത്തിൽ, യൂട്യൂബർ തൻ്റെ സുഹൃത്തുക്കളുടെ സംഘത്തോടൊപ്പം ഓഫ്-റോഡിംഗ് നടത്തുകയായിരുന്നു. എന്നിരുന്നാലും, വീഡിയോയുടെ പിന്നീടുള്ള ഭാഗത്ത്, അവർ ഒരു നദിയിൽ ഓഫ്-റോഡിംഗ് ആരംഭിക്കുന്നതാണ് കാണുന്നത്.

തുടക്കത്തിൽ, ഒരു മാരുതി സുസുക്കി ജിപ്‌സി ഒരു ചെളി നിറഞ്ഞ കുഴിയിൽ ഓടിക്കുന്നത് ആദ്യം കാണാം, തുടർന്ന് ഡ്രൈവർ ജിപ്‌സിയെ നദിയുടെ ആഴമേറിയ ചെളിയിലേക്ക് കൊണ്ടുപോകുന്നതാണ് കാണുന്നത്. എന്നിരുന്നാലും, ഈ സമയത്ത്, അവൻ കുടുങ്ങിയെന്ന് തോന്നി. തുടർന്ന് മറ്റൊരു വാഹനത്തിൻ്റെ സഹായത്തോടെ വിഞ്ച് ഉപയോഗിച്ച് വാഹനം കണ്ടെടുക്കുകയാണ്.

ഇതിന് തൊട്ടുപിന്നാലെ, ജിപ്‌സി ഡ്രൈവർ അതിവേഗം ഒഴുകുന്ന നദിയിലൂടെ ഓടിക്കുന്നുണ്ട്. ഈ സമയത്ത്, ഒരു മഹീന്ദ്ര ഥാർ ഡ്രൈവറും തൻ്റെ എസ്‌യുവി നദിയിലേക്ക് കൊണ്ടുപോകുന്നു. എന്നിരുന്നാലും, ഈ ഡ്രൈവർ നദി മുറിച്ചുകടക്കാൻ നേരിട്ട് ഡ്രൈവ് ചെയ്യാൻ തുടങ്ങി. എന്നാൽ നദിയുടെ ആഴം കൂടുകയും ഒഴുക്കിൻ്റെ വേഗത കൂടുകയും ചെയ്യുന്നതിനാൽ താർ നദിയുടെ നടുവിൽ കുടുങ്ങി. സ്ഥിതി വഷളായി എന്ന് മനസിലായതോടെ ഡ്രൈവർ വാഹനത്തിൽ നിന്ന് പുറത്തിറങ്ങി റൂഫിൽ ഇരിക്കുകയാണ്.

ഇതിനിടെ വാഹനം രക്ഷപ്പെടുത്താനുള്ള പദ്ധതിയുമായി ഈ ഡ്രൈവറുടെ സുഹൃത്തുക്കൾ എത്തുകയായിരുന്നു. സ്ഥിതിഗതികൾ വിലയിരുത്തിയ ശേഷം ഡ്രൈവറുടെ സുഹൃത്തുക്കൾ ഒരു വിഞ്ചുമായി മറ്റൊരു ഥാർ കൊണ്ടുവന്നു. എന്നിരുന്നാലും, ഈ ഥാർ വലിക്കുന്നതിന്, അത് വാഹനത്തിൻ്റെ ബമ്പറിൽ ഘടിപ്പിക്കേണ്ടതുണ്ട്. ഒഴുക്ക് വളരെ ശക്തമായതിനാൽ, മുൻ ബമ്പറിൽ കേബിൾ ഇടുന്നത് വളരെ ബുദ്ധിമുട്ടായിരുന്നു. എന്നാൽ നന്നായി നീന്താൻ വശമുളള ഒരു കുട്ടിയുടെ സഹായത്തോടെ ബംമ്പറിൽ ഘടിപ്പിക്കുകയാണ്.

ഒടുവിൽ ഥാർ വെളളത്തിൽ നിന്ന് വളരെ അനായാസമായി പുറത്തിറക്കുന്നത് വീഡിയോയിൽ കാണാം. ഓഫ്-റോഡ് സാഹസിക യാത്രകളിൽ ആളുകൾ ശ്രദ്ധിക്കണം. ആദ്യം സൂചിപ്പിച്ചതുപോലെ, ഓരോ വാഹനത്തിനും ഒരു പരിധിയുണ്ട്, ഈ പരിധി പരീക്ഷിക്കാൻ പാടില്ല. ഥാറിൻ്റെ വിശദാംശങ്ങളിലേക്ക് നോക്കുകയാണെങ്കിൽ ഫൈവ് ഡോർ ഥാർ ഈ വർഷം തന്നെ വിപണിയിലെത്തുമെന്നാണ് ലഭിക്കുന്ന റിപ്പോർട്ടുകൾ.

3 ഡോര്‍ ഥാര്‍ മോഡലിനെ അപേക്ഷിച്ച് 5 ഡോര്‍ ഥാറിന് അല്‍പ്പം നീളമുള്ള വീല്‍ബേസ് ഉണ്ട്. സാഹസികത ഇഷ്ടപ്പെടുന്നവര്‍ പൊതുവെ 3 ഡോര്‍ ഥാറാണ് ഇഷ്ടമെങ്കിലും ദൈനംദിന ആവശ്യങ്ങള്‍ക്ക് ഉപയോഗിക്കുന്നവര്‍ക്കും ഇന്റീരിയറില്‍ കൂടുതല്‍ സ്‌പെയ്‌സ് ആവശ്യമുള്ളവര്‍ക്കും 5 ഡോര്‍ ഥാര്‍ വളരെ ഉപയോഗപ്രദമാകും. പ്രായമായവര്‍ക്കും അംഗപരിമിതര്‍ക്കുമെല്ലാം എളുപ്പത്തില്‍ വാഹനത്തിന് ഉള്ളിലേക്ക് കയറാന്‍ സാധിക്കും.

ഡിസൈന്‍ വശം നോക്കുമ്പോള്‍ ഈ കാറില്‍ വൃത്താകൃതിയിലുള്ള എല്‍ഇഡി ലൈറ്റുകളും എല്‍ഇഡി ഡേടൈം റണ്ണിംഗ് ലൈറ്റുകളും ഫീച്ചര്‍ ചെയ്യുമെന്ന് നേരത്തെ തന്നെ സ്‌പൈ ചിത്രങ്ങളിലൂടെ വ്യക്തമായിരുന്നു. 3-ഡോര്‍ പതിപ്പിനെ പോലെ 5 ഡോര്‍ പതിപ്പിലും ഹാര്‍ഡ് ടോപ്പ്, സോഫ്റ്റ് ടോപ്പ് ഓപ്ഷനുകള്‍ മഹീന്ദ്ര വാഗ്ദാനം ചെയ്യുമെന്ന് പ്രതീക്ഷിക്കുന്നു.

എന്നിരുന്നാലും ഇതിന് പുതിയ ഇന്റീരിയര്‍ ലഭിക്കുമെന്നാണ് പ്രതീക്ഷിക്കുന്നത്. വയര്‍ലെസ് ആന്‍ഡ്രോയ്ഡ് ഓട്ടോ, ആപ്പിള്‍ കാര്‍പ്ലേ എന്നിവക്കൊപ്പം 10.25 ഇഞ്ച് ഇന്‍ഫോടെയ്ന്‍മെന്റ് സ്‌ക്രീനും 5 ഡോര്‍ ഥാറിന് ലഭിച്ചേക്കും. ഓട്ടോമാറ്റിക് ക്ലൈമറ്റ് കണ്‍ട്രോള്‍ സിസ്റ്റം, ഇലക്ട്രിക് സണ്‍റൂഫ്, മള്‍ട്ടി-ഫംഗ്ഷന്‍ കണ്‍ട്രോളുകളുള്ള സ്റ്റിയറിംഗ് വീല്‍ എന്നിവയും പുതിയ 5-ഡോര്‍ ഥാര്‍ കാറില്‍ പ്രതീക്ഷിക്കുന്നു. യാത്രകള്‍ കൂടുതല്‍ ആനന്ദകരമാക്കാന്‍ പോന്ന ഫീച്ചറുകള്‍ ആണിത്.