ഉയരങ്ങൾ താണ്ടാൻ ഇന്ത്യയിലിനി മഹീന്ദ്രയും!!

ആസ്ട്രേലിയയിൽ വികസിപ്പിച്ചിട്ടുള്ള വിമാനങ്ങളുമായാണ് ഇന്ത്യയിലെത്തുന്നത്. ഉദ്ദേശിച്ച നിലയിൽ വില്പന സാധ്യമാക്കാൻ കഴിഞ്ഞാൽ ഇന്ത്യയിൽ തന്നെ നിർമാണവും നടത്താനുള്ള പദ്ധതിയിലാണ് മഹീന്ദ്ര.

ഇന്ത്യയിൽ വില്പന നേടിക്കഴിഞ്ഞാൽ നിർമാണവും ആരംഭിക്കുമെന്ന വാർത്ത മഹീന്ദ്ര എയറോസ്പേസ് പ്രൈവറ്റ് ലിമിറ്റഡ് ചെയർമാനാണ് സി.പി.ശുക്ലയാണ് പുറത്ത് വിട്ടത്.

ഇതിനകം തന്നെ വിമാനത്തിന്റെ പാർട്സുകൾ ബാംഗ്ലൂരിൽ നിർമ്മിച്ച് മെൽബണിലേക്ക് കയറ്റുമതിയും ചെയ്യുന്നുണ്ട്.

2008ലായിരുന്നു ഗ്രിപ്സ്എയ്റോ എന്ന ആസ്ട്രേലിയൻ വിമാന കമ്പനിയെ മഹീന്ദ്ര ഏറ്റെടുക്കുന്നത്. ഈ കമ്പനിയുടെ സഹായത്തോടെ ആസ്ത്രേലിയയിൽ ഇന്ന് 8 സീറ്റർ വിമാനങ്ങളുടെ നിർമാണവും നടത്തി വരുന്നു.

എന്നാലിതുവരെ ഒറ്റ പൈലറ്റിനിരിക്കുന്ന വിധത്തിലാണ് മഹീന്ദ്രയുടെ വിമാനങ്ങൾ നിർമിച്ചിട്ടുള്ളത്. 1500കിലോഗ്രാമിന് മുകളിലുള്ള വിമാനങ്ങൾക്ക് രണ്ട് പൈലറ്റുമാർക്കിരിക്കാനുള്ള സ്ഥലം കൂടി വേണമെന്ന നിലപാടിലാണ് ജനറൽ ഓഫ് സിവിൽ ഏവിയേഷൻ.

അതിനാൽ ഇന്ത്യയിൽ വിമാനങ്ങൾ വില്ക്കപ്പെടുമ്പോൾ കോക്പിറ്റ് അടക്കം വിമാനം പുനർ നിർമിക്കേണ്ടതായിട്ടുണ്ട്. പത്ത് സീറ്റുകൾ ഉള്ള എയർവാൻ 10 എന്ന വിമാനം കൂടി നിർമിക്കാനുള്ള ഒരുക്കത്തിലാണ് മഹീന്ദ്ര.

നിലവിൽ എയർവാൻ 8 എന്ന പേരിൽ ഒറ്റ എൻജിനുള്ള എയർക്രാഫ്റ്റാണ് മഹീന്ദ്ര ഉപയോഗിച്ച് വരുന്നത്. ഇന്ത്യയിൽ രണ്ട് എൻജിനുകളുള്ള വിമാനങ്ങളാണ് ഡൊമസ്റ്റിക് സർവീസ് നടത്തുന്നത് എന്നതിനാൽ മഹീന്ദ്രയ്ക്ക് ഇതും പരിഗണിക്കേണ്ടതായിട്ടുണ്ട്.

ജാഗ്രത ഇന്ത്യയിൽ ട്രാഫിക് നിരീക്ഷിക്കാൻ ‍ഡ്രോണുകൾ എത്തി

3.2കി.മി മാത്രം ഓടിയ ലോട്ടസിന്റെ വൈചിത്രമേറിയ ബൈക്ക് ലേലത്തിന്