ലുക്കിൽ ചെറുതും വർക്കിൽ വലുതും; ഇന്ത്യൻ വിപണിയിൽ ലഭ്യമായ മൂന്ന് മൈക്രോ എസ്‌യുവികൾ

ഇവ അടിസ്ഥാനപരമായി ഒരു ജാക്ക്-അപ്പ് ഹാച്ച്ബാക്ക് പോലെ തോന്നിക്കുന്ന എസ്‌യുവികളുടെ ഏറ്റവും ചെറിയ സൈസാണ്. ഇവ ഭാരം കുറഞ്ഞതും കൈകാര്യം ചെയ്യാൻ എളുപ്പമുള്ളതും പോക്കറ്റ് ഫ്രണ്ട്ലിയും നഗര യാത്രകൾക്ക് അനുയോജ്യവുമാണ്.

ഒരു എസ്‌യുവിയിൽ നിന്ന് ഒരാൾക്ക് ലഭിക്കുന്ന ആ കമാൻഡിംഗ് വ്യൂ നൽകാൻ ഉയർന്ന ഡ്രൈവിംഗ് പൊസിഷനും പരുക്കൻ രൂപത്തിലുള്ള പുറംഭാഗവും ഇവയ്ക്കുണ്ട്. നിലവിൽ ഇന്ത്യയിൽ വിൽപ്പനയ്‌ക്കെത്തുന്ന മൂന്ന് മൈക്രോ എസ്‌യുവികൾ ഇതാ.

മഹീന്ദ്ര KUV100

ഇന്ത്യയിലെ ആദ്യത്തെ മൈക്രോ എസ്‌യുവികളിലൊന്നായിരുന്നു മഹീന്ദ്ര KUV100. മുഖം മിനുക്കിയതോടെ മഹീന്ദ്ര വാഹനത്തിന്റെ പേര് KUV100 NXT എന്നാക്കി മാറ്റി. പരുക്കൻ ബോഡി ക്ലാഡിംഗും ഉയർന്ന ഗ്രൗണ്ട് ക്ലിയറൻസുമായി ഇത് വരുന്നു.

ഇത് തികച്ചും ഒരു പ്രായോഗിക വാഹനമാണ്. നിങ്ങൾക്ക് ഇത് അഞ്ച് അല്ലെങ്കിൽ ആറ് സീറ്റർ ലേഔട്ടായി ലഭിക്കും. ഇത് ഒരു ഫ്ലാറ്റ് റിയർ ഫ്ലോറോടുകൂടിയാണ് വരുന്നത്, അതിനാൽ പിന്നിലെ യാത്രക്കാർക്ക് മതിയായ സ്പെയ്സ് ലഭിക്കും. KUV100 -ന്റെ ബൂട്ട് സ്പേസ് അത്ര മികച്ചതല്ല, നിങ്ങൾക്ക് ഒരു ഓട്ടോമാറ്റിക് ട്രാൻസ്മിഷനിൽ ഇത് ലഭിക്കില്ല.

6.08 ലക്ഷം രൂപ മുതലാണ് വാഹനത്തിന്റെ എക്സ്-ഷോറൂം വിലകൾ ആരംഭിക്കുന്നത് ഇത് 7.74 ലക്ഷം രൂപ വരെ ഉയരുന്നു. K2+, K4+, K6+, K8 എന്നിങ്ങനെ നാല് വേരിയന്റുകളിൽ വാഹനം ലഭ്യമാണ്.

KUV100 NXT ഒരു പെട്രോൾ എഞ്ചിനിൽ മാത്രമാണ് വരുന്നത്. 82 bhp പരമാവധി കരുത്തും 115 Nm പീക്ക് torque ഉം ഉൽപ്പാദിപ്പിക്കുന്ന 1.2 ലിറ്റർ നാച്ചുറലി ആസ്പിറേറ്റഡ് എഞ്ചിനാണ് ഇത്. അഞ്ച് സ്പീഡ് മാനുവൽ ഗിയർബോക്‌സുമായി മാത്രമാണ് എഞ്ചിൻ കണക്ട് ചെയ്യുന്നത്.

മാരുതി സുസുക്കി ഇഗ്നിസ്

മാരുതി ഇന്ത്യൻ വിപണിയിൽ ഇഗ്‌നിസ് പുറത്തിറക്കിയപ്പോൾ അതിന്റെ സ്‌റ്റൈലിംഗ് കാരണം വേണ്ടത്ര സ്വീകാര്യത ലഭിച്ചിരുന്നില്ല. ഇതിന് വളരെ പോളറൈസിംഗ് രൂപകൽപ്പനയുണ്ട്. ഇഗ്‌നിസിലൂടെ മില്ലേനിയൽ ഉപഭോക്താക്കളെയാണ് തങ്ങൾ ലക്ഷ്യമിടുന്നതെന്ന് മാരുതി സുസുക്കി പറഞ്ഞു.

കഴിഞ്ഞ വർഷം, ബ്രാൻഡ് ഇഗ്‌നിസിന്റെ ഒരു ഫെയ്‌സ്‌ലിഫ്റ്റ് പുറത്തിറക്കിയിരുന്നു, അത് ഇപ്പോൾ കൂടുതൽ പരുക്കനായി കാണപ്പെടുന്നു. ഉയർന്ന സീറ്റിംഗുള്ള വലിയ വിൻഡോകളോടെയാണ് വാഹനം വരുന്നത്. ഇത് മുന്നിലുള്ള കാര്യങ്ങളുടെ കമാൻഡിംഗ് വ്യൂ നൽകുകയും ഡ്രൈവർക്ക് കാർ ഓടിക്കുന്നത് എളുപ്പമാക്കുകയും ചെയ്യുന്നു.

ഇതിന് 180 mm ഗ്രൗണ്ട് ക്ലിയറൻസ് ഉണ്ട്, ഇത് മോശം ഇന്ത്യൻ റോഡുകൾക്ക് വളരെ നല്ലതാണ്. ഓഫർ ചെയ്യുന്ന സ്പെയ്സിത്തിന്റെ അളവ് വളരെ ഉദാരമാണ്. അതിനാൽ, ഒരേസമയം നാല് പേർക്ക് എളുപ്പത്തിൽ യാത്ര ചെയ്യാം. മാരുതി സുസുക്കി ഉപയോഗിക്കുന്ന ഹാർഡ് പ്ലാസ്റ്റിക്ക് ഗുണനിലവാരം അല്പം ബുദ്ധിമുട്ട് ഉണ്ടാക്കിയേക്കാം.

കൂടാതെ, മിഡ്-സ്പെക്ക് വേരിയന്റുകൾ സ്മാർട്ട്പ്ലേ ഇൻഫോടെയിൻമെന്റ് സിസ്റ്റത്തോടൊപ്പം വരുന്നില്ല. അതിനാൽ, ഇൻഫോടെയിൻമെന്റ് സിസ്റ്റം ഡാഷ്‌ബോർഡിലേക്ക് നന്നായി സംയോജിപ്പിച്ചിട്ടില്ലെന്ന് തോന്നുന്നു.

സിഗ്മ, ഡെൽറ്റ, സീറ്റ, ആൽഫ എന്നിങ്ങനെ നാല് വേരിയന്റുകളിൽ ഇഗ്നിസിനെ മാരുതി വാഗ്ദാനം ചെയ്യുന്നു. നെക്സ പ്രീമിയം ഡീലർഷിപ്പുകൾ വഴി മാത്രമാണ് ഇത് വിൽക്കുന്നത്. 5.10 ലക്ഷം രൂപയിലാണ് എക്സ്‌-ഷോറൂം വിലകൾ ആരംഭിക്കുന്നത് ഇത് 7.47 ലക്ഷം രൂപ വരെ ഉയരുന്നു.

83 bhp പരമാവധി കരുത്തും 113 Nm പീക്ക് torque ഉം ഉൽപ്പാദിപ്പിക്കുന്ന 1.2 ലിറ്റർ പെട്രോൾ എഞ്ചിനുമായാണ് ഇത് വരുന്നത്. ഇതൊരു പഞ്ച് & റെവ്വ്-ഹാപ്പി മോട്ടോറാണ്. അതിനാൽ, ഡ്രൈവിംഗ് താൽപ്പര്യമുള്ളവർക്ക് ഇത് മികച്ച് ഓപ്ഷനാണ്. നിങ്ങൾക്ക് ഇത് അഞ്ച് സ്പീഡ് മാനുവൽ ഗിയർബോക്‌സ് അല്ലെങ്കിൽ അഞ്ച് സ്പീഡ് AMT ഉപയോഗിച്ച് ലഭിക്കും.

ടാറ്റ പഞ്ച്

ഇന്ത്യൻ വിപണിയിൽ എത്തിയ ഏറ്റവും പുതിയ മൈക്രോ എസ്‌യുവിയാണ് പഞ്ച്. നിലവിൽ വിൽപ്പനയിലുള്ള ഏറ്റവും മികച്ച മൈക്രോ എസ്‌യുവി കൂടിയാണിത്. പഞ്ച് ഹാരിയറിന്റെ ഒരു മിനി പതിപ്പ് പോലെ കാണപ്പെടുന്നു.

പഞ്ചിന്റെ റൈഡ് നിലവാരം വളരെ മികച്ചതാണ്, ഇന്ത്യൻ റോഡുകളിലെ എല്ലാ പ്രതികൂലങ്ങളും ഇത് തരണം ചെയ്യുന്നു. ക്യാബിന്റെ ഗുണനിലവാരം സെഗ്‌മെന്റിൽ മികച്ചതാണ്, അതിനാൽ ഓഫർ ചെയ്യുന്ന സ്പെയ്സും ഉപകരണങ്ങളുടെ പട്ടികയും വാഹനത്തിൽ വരുന്നു.

നിലവിൽ ഇന്ത്യൻ വിപണിയിലെ ഏറ്റവും സുരക്ഷിതമായ വാഹനമാണ് പഞ്ച്. പഞ്ചിന്റെ പോരായ്മ അതിന്റെ എഞ്ചിനാണ്, അത് ചിലപ്പോൾ അല്പം ശക്തി കുറഞ്ഞതായി തോന്നുന്നു. കൂടാതെ, പഞ്ചിന്റെ ഇൻഫോടെയിൻമെന്റ് സിസ്റ്റം ഏറ്റവും സുഗമമല്ല.

5.49 ലക്ഷം രൂപയിൽ പഞ്ചിന്റെ എക്സ്-ഷോറൂം വില ആരംഭിക്കുന്നു ഇത് 9.09 ലക്ഷം രൂപ വരെ ഉയരുന്നു. പ്യുവർ, അഡ്വഞ്ചർ, അക്കംപ്ലിഷ്ഡ്, ക്രിയേറ്റീവ് എന്നിങ്ങനെ നാല് വേരിയന്റുകളിൽ ഇത് ലഭ്യമാണ്. പെട്രോൾ എഞ്ചിൻ 1.2 ലിറ്റർ യൂണിറ്റാണ്, അത് പരമാവധി 86 bhp പവറും 113 Nm പീക്ക് torque ഉം ഉത്പാദിപ്പിക്കുന്നു. അഞ്ച്-സ്പീഡ് മാനുവൽ ഗിയർബോക്‌സ് സ്റ്റാൻഡേർഡായി വാഹനം വാഗ്ദാനം ചെയ്യുന്നു. എന്നിരുന്നാലും, അഞ്ച്-സ്പീഡ് AMT തെരഞ്ഞെടുക്കാൻ ഞങ്ങൾ നിർദ്ദേശിക്കുന്നു, കാരണം ഇത് എഞ്ചിനെ മികച്ചതാക്കുന്നു, ഒപ്പം ട്രാക്ഷൻ പ്രോ മോഡും വരുന്നു, അത് നിങ്ങളെ സ്റ്റിക്കി സാഹചര്യങ്ങളിൽ നിന്ന് പുറത്തുകടക്കാൻ സഹായിക്കുന്നു.