കാവ്യ എത്തിയപ്പോൾ ദിലീപ് വാങ്ങി ഒന്നരകോടിയുടെ ഒരു പോഷെ....

ഏതാണ്ട് രണ്ടു വർഷങ്ങൾക്ക് മുൻപായിരുന്നു ദിലീപ് ഒരു പോഷെ പനമേര സ്വന്തമാക്കിയത്. അതിനുശേഷം സ്വന്തമാക്കുന്ന രണ്ടാമത്തെ പോഷെ കാറാണ് കെയിൻ.

ജർമ്മൻ നിർമാതാവായ പോഷെയുടെ ആഡംബര എസ്‌യുവി കെയിനിന്റെ പ്ലാറ്റിനം എഡിഷനാണ് താരം ഇത്തവണ സ്വന്തമാക്കിയിരിക്കുന്നത്. കൊച്ചിയിലുള്ള പോഷെ ഷോറൂമിൽ നിന്നുമാണ് കാർ സ്വന്തമാക്കിയിട്ടുള്ളത്.

മുൻപ് വെള്ള നിറത്തിലുള്ള പോർഷെ പനമേരയാണ് ദിലീപ് വാങ്ങിയതെങ്കിൽ മഹാഗണി മെറ്റാലിക് നിറത്തിലുള്ള കെയിനാണ് താരം ഇത്തവണ തിരഞ്ഞെടുത്തത്.

ഇതിനു മുൻപ് കൊഞ്ചാക്കോ ബോബനും ഈ കാർ സ്വന്തമാക്കിയിരുന്നു. പോഷെയുടെ ഈ ആഡംബര എസ്‌യുവി സ്വന്തമാക്കിയിട്ടുള്ള മറ്റ് താരങ്ങളാണ് മലയാളത്തിന്റെ മെഗാ സ്റ്റാർ മമ്മൂക്കയും പൃഥ്വിരാജും.

പോഷെയുടെ മിഡ് സൈസ് ക്രോസോവർ എസ്‌യുവിയായ കെയിൻ ഡീസലിന്റെ പ്രത്യേക എഡിഷനാണ് പ്ലാറ്റിനം.

2002-ലായിരുന്നു പോഷെ കെയിനിന്റെ രാജ്യാന്തരവിപണിയിലുള്ള അവതരണം. അന്നു പുറത്തിറങ്ങിയ കെയിനിന്റെ രണ്ടാം തലമുറക്കാരനാണ് ഇപ്പോൾ വില്പനയിലുള്ളത്.

പോഷെ കെയിനിന് കരുത്തേകുന്ന 2967സിസി എൻജിൻ 3800 മുതൽ 4400 വരെ ആർപിഎമ്മിൽ 245 ബിഎച്ച് പി കരുത്തും 1750 ആർപിഎമ്മിൽ 550 എൻഎം ടോർക്കുമാണ് സൃഷ്ടിക്കുന്നത്.

വെറും 7.3 സെക്കന്റുകൾ മാത്രം മതി കെയിനിന് നിശ്ചലാവസ്ഥയിൽ നിന്നും 100 കിലോമീറ്റർ വേഗത കൈവരിക്കാൻ. 221 കിലോമീറ്ററാണ് ഈ വാഹനത്തിന്റെ പരമാവധി വേഗം.

ഏതാണ്ട് 1.10 കോടി കൊച്ചി എക്സ്ഷോറൂം വില നൽകിയാണ് ദിലീപ് തന്റെ ഈ പുത്തൻ കാർ സ്വന്തമാക്കിയിരിക്കുന്നത്.

അടിക്കടി കാറുകൾ മാറ്റുന്നൊരു സുപ്പർതാരമല്ലെങ്കിൽ കൂടിയും പോഷെ കെയിൻ കൂടാതെ പോഷെ പനമേര, ബിഎംഡബ്ല്യു എക്സ്6 എസ്‍യുവി എന്നിവയാണ് താരത്തിന്റെ പക്കലിലുള്ളത്.

സുരേഷ് ഗോപിയുടെ ആൺകാറും പെൺകാറും

മമ്മൂട്ടിയുടെ '369' കാറുകള്‍