ബിഎംഡബ്ല്യു ബൈക്കില്‍ കറങ്ങിയടിച്ച് മമ്മൂട്ടി — വീഡിയോ വൈറല്‍!

അഡ്വഞ്ചര്‍ ടൂറര്‍ ഓടിക്കുന്ന മമ്മൂട്ടിയുടെ ദൃശ്യങ്ങള്‍ വൈറലാകുന്നു. 'കുട്ടനാടന്‍ ബ്ലോഗ്' എന്ന ചിത്രത്തിന് വേണ്ടിയാണ് ബിഎംഡബ്ല്യു ബൈക്കിലുള്ള മമ്മൂട്ടിയുടെ കറക്കം. അഡ്വഞ്ചര്‍ ടൂററുകള്‍ക്ക് ഇടയില്‍ ഏറെ പ്രശസ്തമായ മോഡലാണ് ബിഎംഡബ്ല്യു R1200 GS.

1,170 സിസി രണ്ടു സിലിണ്ടര്‍ എഞ്ചിനിലാണ് R1200 GS -ന്റെ ഒരുക്കം. എഞ്ചിന് പരമാവധി 123 bhp കരുത്തും 125 Nm torque ഉം സൃഷ്ടിക്കാനാവും. ആറു സ്പീഡാണ് ഗിയര്‍ബോക്‌സ്.

18.12 ലക്ഷം രൂപ മുതലാണ് ബിഎംഡബ്ല്യു R1200 GS അഡ്വഞ്ചര്‍ ബൈക്കിന്റെ വില തുടങ്ങുന്നത്. വാഹനക്കമ്പത്തില്‍ മമ്മൂട്ടിയെ പോലെ തന്നെ മകന്‍ ദുല്‍ക്കറും ഏറെ പ്രശസ്തമാണ്.

ദുല്‍ക്കറിന്റെ ഗരാജിലുമുണ്ട് ഒരു ബിഎംഡബ്ല്യു R1200 GS. ബിഎംഡബ്ല്യു M3, പോളോ ജിടി, ട്രയംഫ് ബോണവില്‍ എന്നിവരടങ്ങുന്നതാണ് ദുല്‍ഖറിന്റെ ഗരാജ്. പോര്‍ഷ പനാമേര ടര്‍ബ്ബോ സെഡാനാണ് ദുല്‍ഖറിന്റെ ഗരാജിലെ ഏറ്റവും പുതിയ താരം.