ചൈനാക്കാരന്‍ ചില്ലറ കൊടുത്ത് കാര്‍ വാങ്ങി!!

കാറിന്റെ വിലയായ 660,000 യ്വാനിന്റെ കോയിനുകളാണ് ചൈനാക്കാന്‍ ഡീലര്‍ഷിപ്പിലെത്തിച്ചത്. ഈ തുക ഇന്നത്തെ നിലവാരത്തില്‍ ഏതാണ്ട് 136,000 ഡോളര്‍ വരും.

ഡീലര്‍ വളരെ സന്തോഷത്തോടെ ഈ കോയിനുകള്‍ സ്വീകരിച്ചു എന്നതാണ് കാര്യം. വേറൊന്നും കൊണ്ടല്ല. വന്‍ പരസ്യമാണ് ഇതുവഴി കിട്ടാന്‍ പോകുന്നതെന്ന് തന്ത്രശാലിയായ ഡീലര്‍ കണക്കുകൂട്ടി.

ഇത്രയും കോയിനുകള്‍ ട്രക്കില്‍ നിന്ന് വാങ്ങിവെക്കാനും എണ്ണിത്തിട്ടപ്പെടുത്താനുമായി പത്ത് പണിക്കാരെ വെക്കേണ്ടിവന്നു ഡീലര്‍ക്ക്.

കോയിനുകള്‍ കൂട്ടിവെച്ചപ്പോള്‍ നാലു മീറ്റര്‍ ഉയരമുണ്ടായിരുന്നു എന്നാണ് റിപ്പോര്‍ട്ടുകള്‍ പറുന്നത്. ആകെ ഭാരം 4 ടണ്‍!

ഈ ചില്ലറകളുടെ ഉടമ ജോലിയെടുക്കുന്നത് ഒരു പെട്രോള്‍ പമ്പിലാണ്. ബസ്സുകാരില്‍ നിന്ന് ലഭിച്ചതാണേ്രത ഈ കോയിനുകള്‍. കാര്‍ വാങ്ങാന്‍ വേണ്ടി ഇവയെല്ലാം കൂട്ടിവെച്ചു.

കോയിനുകളെല്ലാം എണ്ണിത്തിട്ടപ്പെടുത്തി ബാങ്കില്‍ കൊടുക്കാനാണ് ഡീലര്‍ ഉദ്ദേശിക്കുന്നത്. കാര്‍ ഡെലിവറി ചെയ്തു കഴിഞ്ഞതായും ഡീലര്‍ അറിയിക്കുന്നു.