മാരുതി അൽപ്പം പിന്നിലായി;ഫെബ്രുവരിയിൽ മികച്ച പ്രകടനം നടത്തിയത് ഇവരൊക്കെ

കഴിഞ്ഞ മാസത്തിലെ വിൽപ്പന കണക്ക് നോക്കുകയാണെങ്കിൽ ടാറ്റ മോട്ടോഴ്‌സിന്റെ റീട്ടെയിൽ വിൽപ്പന ഫെബ്രുവരിയിൽ 34,055 യൂണിറ്റുകളിൽ നിന്ന് 38,965 യൂണിറ്റായി ഉയർന്നിരിക്കുകയാണ്. അത് മാത്രമല്ല ടാറ്റയുടെ വിപണി വിഹിതം 2022 ഫെബ്രുവരിയിലേതുമായി താരതമ്യം ചെയ്യുകയാണെങ്കിൽ 13.16 ശതമാനത്തിൽ നിന്ന് 13.57 ശതമാനമായിട്ട് ഉയർന്നിരിക്കുകയാണ്.

മറ്റ് വാഹന നിർമാതാക്കളുടെ കാര്യം നോക്കുകയാണെങ്കിൽ മഹീന്ദ്രയുടെ വിപണി വിഹിതം 2022 ഫെബ്രുവരിയിലേതുമായി താരതമ്യം ചെയ്താൽ 7.06 ശതമാനമായിരുന്ന വിപണി വിഹിതം കഴിഞ്ഞ മാസം 10.22 ആയി ഉയർന്നിരിക്കുകയാണ്. വിൽപ്പന കണക്ക് നോക്കിയാൽ 18,264 എന്നതിൽ നിന്ന് 29,356 ലേക്ക് ഉയർന്നിരിക്കുകയാണ്. അത് ചെറിയ ഒരു നേട്ടമല്ല.കാരണം ഇത്രയും എതിരാളികൾ നിൽക്കുമ്പോൾ നേടിയ മുന്നേറ്റം വളരെ വലുതാണ്.

കിയ ഇന്ത്യയുടെ സ്ഥിതി നോക്കുകയാണെങ്കിൽ അവിടേയും വളർച്ച രേഖപ്പെടുത്തിയിട്ടുണ്ട്. 2022 ഫെബ്രുവരിയിലെ കണക്ക് എന്ന് പറയുന്നത് 13,263 ആയിരുന്നു. അതിൽ നിന്ന് 19,554 ആയി ഉയർത്താൻ കമ്പനിക്ക് സാധിച്ചുവെന്നത് മികച്ച മുന്നേറ്റം തന്നെയാണ്. വിപണി വിഹിതത്തിൻ്റെ കാര്യം നോക്കുകയാണെങ്കിൽ 6.81 ശതമാനമാണ് കിയ ഇന്ത്യയുടെ ഇപ്പോഴത്തെ വിപണി വിഹിതം.

ഫെഡറേഷൻ ഓഫ് ഓട്ടോമൊബൈൽസ് ഡീലേഴ്സ് അസോസിയേഷൻ നടത്തിയ കണക്കെടുപ്പിലാണ് വിവരങ്ങൾ ലഭിച്ചത്. രാജ്യത്തെ 1434 ആർടിഒകളിൽ നിന്ന് ശേഖരിച്ച വിവരങ്ങളുടെ അടിസ്ഥാനത്തിലാണ് കണക്ക് എടുത്തത്. 2022 ഫെബ്രുവരിയിൽ വിറ്റഴിച്ച 250,146 യൂണിറ്റ് ഫോർ-വീലറുകളെ അപേക്ഷിച്ച് വാർഷിക വിൽപ്പന 13.05 ശതമാനം (32,653 യൂണിറ്റ്) വളർച്ച പ്രാപിച്ചു. എന്നിരുന്നാലും, 335,644 യൂണിറ്റുകൾ വിറ്റുപോയ വർഷത്തിലെ ആദ്യ മാസത്തെ അപേക്ഷിച്ച് പ്രതിമാസ വിൽപ്പനയിൽ 15.74 ശതമാനം (52,845 യൂണിറ്റ്) ഇടിവ് രേഖപ്പെടുത്തി.

കഴിഞ്ഞ മാസം 29,356 യൂണിറ്റുകളാണ് മഹീന്ദ്ര ഇന്ത്യയിൽ വിറ്റഴിച്ചത്. 2022 ഫെബ്രുവരിയെ അപേക്ഷിച്ച് എസ്‌യുവി സ്പെഷ്യലിസ്റ്റുകളുടെ റീട്ടെയിൽ കണക്കുകൾ 60.73 ശതമാനം (11,092 യൂണിറ്റ്) വർധിച്ചു. എന്നിരുന്നാലും, മറ്റ് മൂന്ന് നിർമ്മാതാക്കളെപ്പോലെ, മഹീന്ദ്രയുടെ MoM വിൽപ്പന 12.91 ശതമാനം (4,350 യൂണിറ്റ്) കുറഞ്ഞു. 2023 -ലെ ആദ്യ മാസത്തിൽ 33,706 യൂണിറ്റുകളാണ് മഹീന്ദ്ര വിറ്റഴിച്ചത്.

ജാപ്പനീസ് കാർ നിർമ്മാതാക്കളായ ടൊയോട്ട 2023 -ലെ ഏറ്റവും ചെറിയ മാസത്തിൽ മൊത്തം 12,068 പാസഞ്ചർ വാഹനങ്ങൾ വിറ്റു. കിയയെപ്പോലെ, YoY, MoM വിൽപ്പനകളുടെ അടിസ്ഥാനത്തിൽ വളർച്ച കൈവരിച്ച ചുരുക്കം ചില നിർമ്മാതാക്കളിൽ ഒന്നാണ് ടൊയോട്ട. 2022 ഫെബ്രുവരിയിലെ 8,019 യൂണിറ്റുകളെ അപേക്ഷിച്ച് ടൊയോട്ടയുടെ YoY കണക്കുകൾ 50.49 ശതമാനം (4,049 യൂണിറ്റുകൾ) വർധിച്ചു. ജനുവരിയിലെ 10,941 യൂണിറ്റുകളിൽ നിന്ന് MoM സംഖ്യകൾ 10.30 ശതമാനം (1,127 യൂണിറ്റുകൾ) വർധിച്ചു.

മഹീന്ദ്രയുടെ മോഡല്‍ നിരയിലുള്ള സബ് 4 മീറ്റര്‍ എസ്‌യുവിയാണ് XUV300. കമ്പനിക്ക് മികച്ച വില്‍പ്പന നേടിക്കൊടുന്നുന്ന എസ്‌യുവി ഇപ്പോള്‍ അപ്‌ഡേറ്റ് ചെയ്ത് പുറത്തിറക്കിയിരിക്കുകയാണ് മഹീന്ദ്ര. 8.41 ലക്ഷം മുതല്‍ 14.14 ലക്ഷം രൂപ വരെയാണ് (എക്‌സ്-ഷോറൂം, ഇന്ത്യ) പരിഷ്‌കരിച്ചെത്തുന്ന മഹീന്ദ്ര XUV300 എസ്‌യുവിയുടെ വില. ഏപ്രില്‍ 01 മുതല്‍ പ്രാബല്യത്തില്‍ വരാന്‍ പോകുന്ന ബിഎസ്6 രണ്ടാം ഘട്ട മലിനീകരണ നിയന്ത്രണ മാനദണ്ഡങ്ങള്‍ക്ക് അനുസൃതമായിട്ടുള്ള എഞ്ചിനാണ് എസ്‌യുവിക്ക് തുടിപ്പേകുന്നത്. കൂടാതെ, പുതുക്കിയ മഹീന്ദ്ര XUV300 രണ്ട് എഞ്ചിന്‍ ഓപ്ഷനുകളിലാണ് വാങ്ങാനാകുക. 1.2 ലിറ്റര്‍, 3-സിലിണ്ടര്‍, ഡയറക്ട്-ഇഞ്ചക്ഷന്‍, ടര്‍ബോചാര്‍ജ്ഡ് പെട്രോള്‍ എഞ്ചിനാണ് ആദ്യത്തേത്.

ഈ എഞ്ചിന്‍ 109 bhp പവറും 200 Nm ടോര്‍ക്കും ഉത്പാദിപ്പിക്കാന്‍ പ്രാപ്തമാണ്. 1.5 ലിറ്റര്‍ ഡീസല്‍ എഞ്ചിനാണ് രണ്ടാമത്തേത്. ഈ എഞ്ചിന്‍ 115 bhp കരുത്തും 300 Nm ടോര്‍ക്കും പുറപ്പെടുവിക്കുന്നു. ഉപഭോക്താക്കള്‍ക്ക് 6-സ്പീഡ് മാനുവല്‍ ട്രാന്‍സ്മിഷനും 6-സ്പീഡ് AMT യൂണിറ്റും രണ്ട് എഞ്ചിന്‍ ഓപ്ഷനുകള്‍ക്കുമൊപ്പം തിരഞ്ഞെടുക്കാമെന്നതും എടുത്തുപറയേണ്ടതാണ്. പരിഷ്‌കരിച്ചെത്തുന്ന മഹീന്ദ്ര XUV300 എസ്‌യുവി മൊത്തം 14 വേരിയന്റുകളില്‍ ലഭ്യമാണ്.